今早去到茶餐廳，老闆話近日生意唔錯，佢大娘話要食餐勁，打算去一間米芝蓮三星餐廳，希望我賞面。我實話實說，本來每年11月中以後，約會飲宴排到密質質，插針都唔入，今年一反常態，除了一些老友的子女婚宴外，其他晚宴全部取消。我經常要搵其他落單老友食飯，不過都很多。所以，老闆叫到，一定卻之不恭。不過是幾時，老闆話大約在冬至，我話唔使諗，香港7間米芝蓮三星餐廳，在冬至當日已經訂滿，就算11間米芝蓮二星都冇位。如果唔介意，不如到舍下晚飯，質素當然冇米芝蓮三星咁好，但氣氛搭夠，今次輪到老闆大娘話卻之不恭。
我有些少不明白，社運持續已經超過半年，香港的米芝蓮餐廳應該減少而非增加，現在竟然增加到7間。究竟在兵慌馬亂之際，有什麼人來香港去那些米芝蓮餐廳食飯？米芝蓮三星餐廳其中一個定義是專程前往，代表不是靠本地人生存，而是靠外來人幫襯，二星是繞道前往，一星才是靠本地人生存，定義是順道前往。老闆大娘突然間問，當日煮幾個餸到我屋企好唔好。我話當然唔好，我是請食飯，而不是借間屋出嚟開餐，大娘話明白。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
都唔入，今年一反常態，