地產博客 > 敢說亮話 返回
瀏覽人次:16750    回應:5
敢說亮話
茶餐廳亂話(593)蔡小姐太早反轉豬肚
 
湯文亮博士
紀惠集團行政總裁
2019年12月13日

  今早去到茶餐廳,見到一個熟客被他的朋友埋怨,原因是大約一年前熟客叫他的朋友買了樓,仲借錢俾佢做首期,樓價在今年初上升,熟客被人當再生父母,即使現在,樓價仍然高於買入價,不過,他的朋友不但沒有還錢給他,仲經常問他借錢供樓,今日他拒絕,就立刻俾人鬧到狗血淋頭,大家知道之後並不是覺得那位熟客愚蠢,而是做得不對,如果沒有有利因素,千祈唔好借錢俾人買樓,強迫對方欠下一身債。

  台灣蔡小姐就唔同,見到總統大選自己民調落後於韓國瑜,又見到香港因「逃犯條例」出現社會運動,於是立刻話支持香港社運人士,尤其是年輕大學生,要口罩有口罩,要頭盔有頭盔,並且歡迎他們在出事之後來台灣讀書以及居住,有了這個保證,香港大學生前赴後繼上前線,現在最少有200人在台灣等後難民身份,蔡小姐見到現在民調大幅領先韓國瑜,香港大學生使命已達,就不用理會他們,必要時會遣反香港,被學生會長話蔡小姐食人血饅頭,雖然被台灣網民反駁,其實大家都知道所言非虛,不過我們的大學生入世未深,做了別人炮灰,如果他們知道,蔡小姐沒有利益就不會支持他們,就不會向前衝,不過蔡小姐仍然是棋差一著,太早反轉豬肚,韓國瑜如果懂得把握,未必不能夠反敗為勝。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2019-12-13 11:56:11
菜子 好棋 ! 又係timing拿捏、火上加油何妨…口惠、要餵飼時…實不至、問下呆佬心個句…肯唔肯人道飼養唔食得嘅生物。

2. O 2019-12-13 12:12:40
更絕既係, 香港有份推佢地上街既人,掛起左議員既職銜。
3. 十郎 2019-12-13 13:37:25


      留心下民進黨管治痕跡 , 通揖犯周街走 , 用人唯親(吳音寧、農委會主席), 太陽花衝行政院、軍工教改革退休金強硬通過(香港修例學到一半都成功左), 做愛發電(廢核電) , 野蠻執政 , 犧牲經濟。韓國瑜上就可能有得救 , 菜菜子上就係咁先。我就黑心d , 英姑連任就開香檳


4. Stephen Wong 2019-12-13 15:41:59
用完即棄,太污糟,要洗手.
5. ! 2019-12-13 17:09:17
仲好意思認自己是大學生,咁既頭腦.