地產博客 > 敢說亮話 返回
瀏覽人次:45827    回應:66
敢說亮話

憾事

 

湯文亮博士

紀惠集團行政總裁
2015年5月25日

  今日天氣很熱,但連場大雨後,即使很熱,去行山亦是一個不錯選擇,況且老婆返了外家,行完山回到家,小女買了一枝25年日本山崎威士忌放在我書抬上,話比我降下火,我邊飲邊睇這兩日回應,相當感觸,人常說,人生三大憾事,少年得志,中年喪偶,臨老入花叢。我記得在小孩學藝時,比我們年長的一批少年,當時可以說是少年得志,現在全部不知所蹤,而我們這一批因為從未得志,所以,今日還勉強過得去。

  繼續讀回應,發覺網友之中有舊同學新抱,好彩冇亂說話,否則就穿煲。有網友尚欠我的第一本書「讀歷史,了解香港地產」,其實,這的確是一本好書,如果當時香港政府官員有睇,而又跟著做,現在就有足夠供應量,樓價就唔會狂飆,我打算在今年書展多印二千本,作為買物業投資者筆記系列之一,二,三贈品,獨立買當然也可以。

  再讀,發覺今次令大家誤會的懶人兄中年喪偶,我唔知道講什麼,我記得蘇東坡亦都是中年喪偶,他寫了一首詞給他的亡妻,叫「江城子」之記夢,很悽巁,大家請欣賞。

  十年生死兩茫茫
  不思量 自難忘
  千里孤墳 無處話淒涼!
  縱使相逢應不識
  麈滿面 鬢如霜
  夜來幽夢忽還鄉 小軒窗
  正梳妝 相顧無言 惟有涙千行
  料得年年腸斷處 明月夜
 短松岡

  送給天下多情男士。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 丸子 2015-05-25 17:56:09
哈哈!好驚喜,想不到你會回應我這小Fans。你這位中學同學的兩個兒子及我這個新抱也是你fans,多謝前輩無私的分享,令我們一眾晚輩受用無窮,衷心感謝!

老爺都有去年宵支持你,更拍照給我們看,很開心。很羨慕你們多年的友情。

祝你和你們一家平安幸福,健康美滿!

晚輩敬上^^
2. 小師妹 2015-05-25 18:10:08
知道博士細看一眾網友的回應 , 令我這一份子都覺得好榮幸!謝謝博士!
3. 大寶二寶 2015-05-25 18:15:04
其實懶人兄已續缘(佢係論壇自己講過)。呢D人家私事其實我唔方便講,不過依家懶兄已封筆兼且為咗唔想引起將來更加多誤會同猜想,所以代為澄清。
4. 按居 2015-05-25 19:20:20
記起那回懶人兄得多方回應,令「文亮言、語」加添不少溫情。不知此時此刻能否復再。

博士今篇的意思都很明顯罷。有些東西心照不宣。我相信兩位都是頂天立地的大丈夫、不拘小節。

希望懶人兄可再揮筆,就算多少閒人冷言冷語,起碼我會支持。

另希望三傻也可多作指教。

我會這樣比喻大家的分歧:
1)如果看藥物標準資料去決定是否去食一隻葯,我想大家連Paracetamol 唔敢食。
2)如果看書本或網上資料去決定自己是是否大病,你試吓查「fever + headache 」,你睇完即刻覺得要入院。
3)你問所有人包括醫生乙肝疫苗是否要每十年補打一次,多數答案是「要」,但其實冇乜醫生自己會補打。
4)有些事就算醫生開網上信箱都不方便直接講,只能講啲唔講啲,如什麼病攞長病假好難disprove、交通意外入院時什麼情況下醫生可能肯簽「不適宜驗酒精証明書」。
5. 按居 cont'd 2015-05-25 19:37:42
...nevertheless those standard information and observations also have invaluable reference values
6. 打工仔 Andy 2015-05-25 19:39:01
博士晚上好,

生命中出現的人和事的確令人回味無窮! 你的文章已經成為小弟生活的一部份, 很期待博士的新文章, 其實, 天南地北, 談談地產以外話題都是十分好的, 也可以輕輕鬆鬆談地產, 多謝博士.
7. 引刀一快 2015-05-25 19:54:08
懶人兄

湯生光明正大,向你遞出橄欖枝,你就俾D回應喇,大家都係男子漢,我好清楚你係好有男子氣概嘅人,一眾好友,大家都等住你架。一笑泯恩仇,係男子漢嘅專利,你唔好嘥咗呀。
8. 新丁 2015-05-25 20:02:16
😆湯太,這裡好多人羡慕你,得夫如此,乎復何求!
博士智者不惑,勇者無懼,難得有情有義!
9. 閒人 2015-05-25 20:15:50
博士的文章每天必讀已是我四年來的習慣 雖有時意見不同 但依然支持博士 這些年 辛苦您了
10. Oscar Lam 2015-05-25 20:16:30
博士,

小弟過二天會去買博士的新作[細價樓爆煲論]。希望有機會能夠得到博士親筆簽名,嘻嘻!
11. 中港平交道 2015-05-25 20:58:33

博士返黎哪,真的很開心.....永遠支持博士

 

12. 愛香港hk 2015-05-25 21:11:15
      很高與再見到博士文章!
13. 魚蛋仔 2015-05-25 21:26:49

博士,

你這首詩已經送過一次比懶人兄了。想那時.大家一起聽懶人兄講他的故事,大家一起安慰他,真的是樂也融融。最近發生的事,希望大家像粉筆字一樣抹掉它,博士繼續寫文章,懶人兄也繼續回應,縱使大家觀點不同,也以礼相待,皆大歡喜,咁就好啦。

共盼之,哈哈!

14. Copy and paste 2015-05-25 21:35:26
本週連埸大雨,為季節添上水份,生命力源源不息。中港股市也水份充足,兩地基金互認終於出台,未來股市自然更為活躍。當然,金股齊鳴下樓市一定不會差,由其民生必須品細價樓更必跑贏大市。

而反映本港二手樓價的中原城市領先指數CCL報141.30點,按周跌0.05%。中原城市大型屋苑領先指數CCL Mass報142.33點,按周跌0.24%。不過新界東樓價繼續受多幅同區地皮高價賣出刺激,新界東CCL Mass最新報148.3點,連續兩周創歷史新高,按周升0.48%,兩周升幅共1.05%。新界西樓價按周跌0.37%,港島跌0.52%,九龍亦跌0.26%。 

整體指數繼續於高位橫行,估計等待到暑假傳統租售旺季到來,搶租情況出現,升幅會明顯,預期帶動7月後樓價指數累創新高。如美國於第三季加息0.25%,也不會影響下半年樓價升勢,主因加息早已是供樓人士預期之內,估計輕微調升息口後,樓價不跌反升下,更會另一批迷信下跌者大失所望,最終比迫低頭或從此踏上不歸路。



Boss Wong
黃老爺
15. Copy and paste 2015-05-25 21:40:36
http://m.discuss.com.hk/index.php?action=thread&tid=24720617&extra=page%3D3


16. PL 2015-05-25 22:00:45
博士,
有時間咪寫吓文章啦!
談天說地都可以!
其實睇好睇淡好平常!覺有理據!大家理性討論就係啦!


17. 忠實者 2015-05-25 22:39:08
本來都沒有期望有湯博士的文章,竟然看到,太高興了!博士閑時與大家交流,相信身心愉快!
18. 小妹 2015-05-25 23:12:04
每天看博士的文章,已成生活的一部份。就是身在外地也一樣,我現在都不在香港,都要到博士的blog 朝聖才安樂。

博士,多謝你用深入淺出的方式教導大家樓市的大道理,連我這個師奶仔都明白,並漸漸迷上你的分享。博士,因為追看你的文章多年,我雖然曾經「沽空」於未認識你文章以前,但已上返車於拜讀你文章以後。

博士,很感恩在年宵市場見過你,拍了照。在想念博士時,可睹物思人。

博士, 希望你不要封筆,我們這群粉絲真是吃不安睡不著呀!
19. 大寶二寶 2015-05-25 23:14:36
稍為資深網友應該知道懶人兄係大情大性,有情有義之人,博士呢首詩真係好啱佢。

既然懶人兄已為佢嘅失言道了歉,而博士又大方地伸出友誼之手,希望就此一泯解恩仇, 以前嘅不快事就此忘掉就好喇。

我記得我以前講過:

“…………明日粉絲回歸慶大團圓“

期望懶人兄再出山喇。

共勉之,哈哈!
20. 活在當下 2015-05-26 00:29:34
今天真的是喜上加喜,
懶人兄可否一笑置之,期待你的出現!

21. 蜕变中嘅懒人 2015-05-26 00:31:09
回來見到博士文章寫憾事,看了蘇軾江城子一遍,悲喜交集、哭了一回、遲疑良久、鼓起勇氣才寫此回應。

喜見博士海量再出文章,網友雀躍歡騰,令懒人顿時如放下心頭千斤巨石。

懒人愛家愛妻,當然深明博士愛家護妻情切,情急責駡懒人屬人之常情,再次懇請博士及尊夫人體諒懒人用詞不當,絕無冒犯尊夫人之意,懒人亦憂心因此事有損博士清譽,全屬懒人之過。

感謝所有對懒人好嘅網友、向所有責備懒人嘅網友致歉,這两天來反躬自省,懶人留言趨於偏激對博士不公,在此再次致歉,其實近來己自覺過分,以下四句原本是寫來告誡自己的:

情深難勝傷痛恨、缘淺卻餘破碎心;
無愛無嗔無仇怨、伴天伴海伴餘生。

懒人向來崇尚公平合理,但今次事件而言懒人全錯了,請博士、尊夫人、以及所有受此事影響不安嘅人原諒。
22. Scoliosis 2015-05-26 00:33:06
時間会治療一切創傷。大家唔駛勉強,適當時候自然有適當回應。很開心博士回來了。Welcome back, Doctor Tong
23. 好人兄 2015-05-26 00:33:15
博士仲欠大家一個交代,既然年頭講出細價樓三個月內爆煲,係講座曾說CCL 會去番120,真係嚇到好多儍淡呢一世人都唔敢買樓。現在三個月時間已過,細價樓又冇爆,CCL又唔見120 ,係咪要向大家說一聲我睇錯巿呢?

昨日六東,今日博士。

去年今日此城中
東哥買跌滿江紅
今年博士爆煲論
華麗轉身閃人中

24. 打工仔 Andy 2015-05-26 00:49:05
懶人兄, 
好高興見你回來!
25. 小明 2015-05-26 01:12:11
唔知點講,感覺是一家人.
吵過,但最緊要事後不要害感情.
26. 引刀一快 2015-05-26 01:20:50
To 23樓 好人兄兄

咁你咪自己交待到夠囉,就係冇人有心去追呢D小事,你咁眼緊點得嫁!

湯生嘅位置,佢肯講嘢俾我地聽,我地已經好滿足,如果你可以講時間、價位乜都鋪鋪中晒嘅話,你會得到江湖地位,如果唔係,咁你唔好話咩嘢大唔大家,你就自己討交待好嘞。

依傢佢地冇事寫番嘢,大家不知幾開心,好人兄兄,你連名都唔注册,點樣推得波又助得灡呢?

我引刀做咗反對派咁耐,喺呢瓣算係你師兄,我唔討交待,點吖?
27. 草根階層 2015-05-26 01:34:26
本人想請教湯博士和各位:
本人因為子女升學,想買九龍塘單位自住,本人看過逸瓏和珏堡,逸瓏比較豪華但廁所沒有窗,珏堡户户覆式,但幾嘈,走廊peak雨,希望請教哪個屋苑較好?升值潛力較好?本人budget around 40~50m, 本人亦看過義德道一號及三號,覺得超出我的預算所以沒有考慮
28. 好人兄 2015-05-26 01:56:45
回27樓

你budget 40至50M樓都叫自己做草根階層,我相比之下都只是中產而已,由網主決定言論審查一刻,呢度好快變成淡友樂園,邊度有可能解答到你budget 40至50M樓問題呢?

買樓既野,都係信自己感覺,搵多幾個AA睇下,你用成4,5千萬買樓,班AA一定當你係皇后咁招呼。
我成日都同人講,幾時係買樓時機?你買得起就係時機。

至於26樓果位人兄,我用番本週金句,"你真係同我挽鞋都未夠資格" 
29. 引刀一快 2015-05-26 01:59:39
哈哈哈,好,你隻臭鞋我梗係未夠資格玩喇。



哈哈哈哈哈哈哈哈哈哈哈哈哈
30. 引刀一快 2015-05-26 02:04:12
草根哥,你去同佢挽喇,呢D叫,自己問自己,自賣自誇。
31. 珍惜香港 2015-05-26 02:39:02
珍惜香港TO:21/F 蜕变中嘅懒人

記得去年九月,我寫過一篇題為惜緣嘅留言。

茫茫人海中,關係嘅建立,真喺好難;但關係嘅中斷,只喺瞬間!

懒人兄回應話:「好像訴說著甚麽,但願我知」;但當時,我並冇回覆閣下。

如今,同一件事,竟然發生响唔同嘅人身上。當日嘅有緣人,今日嘅懒人兄;你想知嘅,相信已經知道咗。

希望大家珍惜身邊每一個人,每一場相識,每一段緣份。


今晚,我覺得好開心,因為結果,同上次唔一樣。
32. 第一本書 2015-05-26 03:01:52
我都想買博士笫一本書, 請問幾時書展?
33. 看不過眼 2015-05-26 04:23:22
佩服懶人兄坦於承擔的勇氣,對於小妹日前留言有得罪處,請多多包涵!

有緣相識相聚,好好珍惜
共勉之

P.S. 我可能要改一改網名
34. 新丁 2015-05-26 07:21:43
To 21
👍懶前輩能戰勝自己,已經天下無敵!
好一個英雄好漢,兒女情長
35. Oscar Lam 2015-05-26 07:32:20
懶人兄,早晨!

歡迎回來!
36. 引刀一快 2015-05-26 07:35:53
新丁兄,多發重複嘅貼可以删除嘅。

37. middle middle class 2015-05-26 09:02:51
懶人兄,真漢子!  令我想起蘇軾嘅江城子,當然也想起楊過。  
38. yyfan 2015-05-26 09:24:10
to:草根街層

如果你budget有40-50m想搵九龍塘,點解要揀果兩個盤?
39. 豆豆 2015-05-26 09:29:45

大家好

我每次看完博士的文章後, 一定會睇埋大家的回應.

40. 小師妹 2015-05-26 09:44:17
樂見以往的懶人兄回來了 ,真好 !  大團圓結局 ,暢快 !


41. 大家樂 2015-05-26 10:08:13
看這論壇差不多一年了, 上一兩個月的罵戰其實都幾精彩。
現在大團圓更加精彩 ^^' 
月也有陰晴圓厥... 順之。

Haha, by the way, 這樣版氣又回升了 ~~~
42. 惜緣 2015-05-26 10:48:24
To 21樓懶人兄及31樓珍惜香港兄

兩位師兄,早上好!

很高興再見到懶人兄,師兄勇於擔當,在下佩服。

珍港兄是很用心及很有心的師兄,乃真朋友也。在下衷心感謝珍港兄。


43. 物業初哥 2015-05-26 11:02:37
懶人兄歡迎回來,大家都很掛念你!


44. 小師妹 2015-05-26 13:15:22
Btw, 珍惜香港兄分享的音樂非常動聽 , 很有療傷的效果 ,感謝分享!

45. 小蔚 2015-05-26 13:37:29
博士
很開心你會回應我這小fans, 我可以今年書展
購買你的第一本著作了!非常多謝你。每天
看博士的文章,獲益良多,你無私的分享,每
天心裡都說感謝! 因你百忙中,仍要騰出宝貴
時間指導我們,謝謝你!不要太勞累,身體
健康最要緊!😊

46. 按居 2015-05-26 13:57:28
歡迎懶人兄!!!
47. 麗娜 2015-05-26 17:03:41
看了大家的回應,有點感動!真的。
博士,小妹能感受到懶人兄的真誠,及大家的真心留言,在大家都沒有露面的網絡世界,真是難得!
博士,網主,各位網友,在這裡與你們有機會有交流,絕對不是憾事啊!


48. Gordy 2015-05-26 18:16:21
懶人兄,  歡迎回來!博士, 太高興看到你的文章, 希望有日能夠得到博士簽名!
49. 知足 2015-05-26 21:37:00
感謝懶人兄!懶人兄真的夠器量.
50. 草根階層 2015-05-27 00:18:33
51. Marie 2015-05-27 01:55:16
香港人現在就像每天只懂攤大手板乞錢的道友一樣

好感概現在香港人好像只會關心自己層樓同股票升幾多,政客只會關心政改敵對互抽,根本無人會關心香港本身真正需要關心嘅問題。

成個社會同政府只係不斷喺度"賭"財富效應同埋日日同阿爺乞錢乞政策,基層死活,經濟結構、民生問題尼啲根本性嘅問題完全冇人有興趣去理,資產泡沫對社會才是最重要課題!傳媒每天只會不斷報導股市樓市創新高、阿爺今日又施捨左乜嘢比香港阿、政改又點互片阿……大家一齊繼續攤大手板、汙腐內鬥、風流快活。 

香港而家的普世價值觀就係有錢有樓有尊嚴,金融地產以外嘅全部都係losers都係廢請廢坑港女窮L……成個社會無論市民政府政客傳媒都係甘,好多真正民生問題都變得雞毛蒜皮……大家一日到黑股樓gogogo, 窮人越來越窮,貧富越來越懸殊,大家有冇留意到,香港經濟表面風光,但係出到去消費時啲基層員工個個黑口黑臉,態度惡劣……因為大家都對這個社會的不公義、扭曲的價值觀同人格墮落極度厭惡,甘樣始終有一日物極必反,只欠一個觸發點,就會演變成暴亂收場,佔中只是一個前菜而已。

而家香港人個個習慣每天都期望向阿爺乞錢乞到盤滿砵滿................一個飽肚嘅乞兒同日日吸飽毒嘅道友,講真仲邊有動力去改善經濟結構,改善民生同為下一代打算吖……阿爺就係想大家乞錢乞上癮,自甘墜落,好似道友一樣,每天迷迷糊糊甘向佢搖頭擺尾,甘政治問題自然解決,所以怪不得宜家啲年青人同低下階層甘絕望,甘反叛……因為香港宜家根本已完全走火入魔,但大家卻好像吸飽毒一樣,仍然蒙在鼓裏,自我陶醉。

當有一天我們發覺自己因為乞得太耐,失去了利用價值,驚覺香港連基本求生和自立能力也失去時,一切已經無可救藥,恨錯難返了......願共勉之。
52. 小小業主 2015-05-27 08:33:20
很高興再見到懶人兄留言,要知道能在公開論壇致歉,誠不易也。小弟佩服。希望以後能多些看到您的精采言!
53. 活在當下 2015-05-27 13:17:15
喜上加喜再添喜!
懶人兄
真漢子!
見到你的出現,成個論壇頓時溫馨好多。

54. 係香港住要用咁多年儲錢係慘嘅 2015-05-27 13:21:14
55. 蜕变中嘅懒人 2015-06-01 04:41:37

夢難留

夢迴忽遇自忙忙

攬衣裳     意迷茫

執手歸魂     無語斷肝腸

鰜鲽深情輕相惜     人半倦     復神傷

醒來抱枕尚餘香     繞心窗

羨鴛鴦     美夢難圓     魂去獨淒涼

難捨纏绵魂夢處   懷舊侣   淚難乾

56. 引刀一快 2015-06-01 05:15:09
真高興,夜觀天象,忽見懶人兄留字,明顯係午夜太陽,大喜之象。
57. 惜緣 2015-06-01 11:20:18
To 55樓 懶人兄

懶人兄乃有情有義之師兄,希望懶人兄唔好這麼傷感,多多保重身體!


58. 活在當下 2015-06-01 11:32:56
懶人兄,博士勾起了你往事,如果有追開博士論壇的誰都知道懶人兄是一位情深的人,過去的就讓她過去吧,活在當下,享受兒子和太太帶給你的溫馨,知足者常樂!
59. 大寶二寶 2015-06-01 11:33:06
期待以前樂觀風趣嘅懶人兄歸位!

共盼之,哈哈!
60. 惜緣 2015-06-01 11:38:17
To 59樓 大寶二寶兄

其實,在下一直都在等待懶人兄“幽默班”的開班。

共盼之,哈哈!
61. 蘇西坡 2015-06-01 14:13:21
曾見過很多鹹乾伯父,於老妻死後都很想續弦,但礙於兒女反對或想保留家中長者尊嚴而放棄念頭。別看伯父又鹹又乾,但性慾仍然特強,故聯同其他同輩同好間中北上叫碟雞飯食以解食慾。相比起這些賤格鹹乾,懶人兄確實清高和君子得多,因懶人兄只選擇續弦而沒選擇北上食雞飯。選擇續弦呢樣嘢見仁見智,無話對與錯。但卻見懶人兄自比情聖,還將他自己和在下的契哥蘇東坡相提並論,將他自己歌功頌德為一名情聖,這又令在下對懶人兄另眼相看了。本來鹹乾賤格和性慾特強是某大部分男人的天生本質,但做人最緊要貴乎坦白,我係鹹乾就鹹乾,我係無女人唔得,怕什麼?按懶人兄自述,他在前妻屍骨未寒就另結新歡,正是㩜住新人笑,對住舊人哭。如此「偉大」的情聖,哈哈!懶人兄和那些經常北食雞飯的伯父,也是差不多同等貨色是吧。
62. 蜕变中嘅懒人 2015-06-02 06:26:18
TO 61樓 蘇西坡兄

斷腸痛古今同,
斷腸之痛只待斷腸之人,
兄非斷腸人不明也罷。
63. 新丁 2015-06-02 07:35:14
懶前輩,唔好理D東坡肉,西施骨啦!
快D出黎教吓我D新丁。近日股樓風雲色变,博士文章少不了你的分析和意見!!!🙏
64. 引刀一快 2015-06-02 11:21:25
呢個蘇西坡何許人,地産網中挖人情感痛疤有何意義?

兄台如果係舊人,何必整個show閪波咁意淫嘅名稱?發言用舊名喇。
65. 大寶二寶 2015-06-02 11:36:59
回61 

呢度係地產版,都係講返有關地產嘢。针对人家私事作批評唔知有冇犯到網規第二点呢?


66. 引刀一快 2015-06-02 17:49:19
大寶兄

呢D估計係舊怨,嚟搵懶人兄討債嘅,冤冤相報,有時不限于引刀。

難得懶人兄淡淡然應對,希望就此平息。