地產博客 > 文亮語 返回
瀏覽人次:11702    回應:1
文亮語

死得人多的一票否決權

 

湯文亮博士

紀惠集團行政總裁
2022年5月15日

  昨晚與舊同學食飯,有16個人咁多,當然是分兩枱,AA制,每人230元,地方在尖東,菜式有三斤龍蝦,一隻燒鵝,一條龍躉魚,再加幾個小菜,大家帶酒水。星期五晚,我與客人食日本菜,每人2500元,未計加一及小費,廚師發辦,菜式當然很好,但我食唔飽,回家前要去食碗雲吞麵,否則壓唔住肚內十四代。

  舊同學之中有一個對老人院營運相當了解,大家問點解香港疫會有咁多老人家死亡,如果單以死亡率計算,可能是全世界之冠,但很奇怪,過身的老人家子女又沒有企出嚟甚至開記者會投訴。

  舊同學話,有乜好投訴,過身的老人家大多數冇打針,以前老人院有規矩,老人家子女,如果不是全部同意,是不會強迫老人家打疫苗,即是大家都知道的一票否決權,現在好似有修改,既然是子女唔准打,又點會開記者會,大家明白,一票否決權真係死得人多。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2022-05-16 23:08:37
龍躉、燒鵝、龍蝦,分三六九等,喺廣州,分分鐘可以兩百埋單。
沙巴龍躉、小龍蝦、加個特價48例牌燒鵝。
就好似買屋咁,一於睇睇大灣區喇,剛剛有個筍盤俾人執咗,增城新塘,80方118萬。