地產博客 > 文亮語 返回
瀏覽人次:7738    回應:3
文亮語

德國政府釜底抽薪之計

 

湯文亮博士

紀惠集團行政總裁
2022年5月12日

  昨晚與客人食古老粵菜,包括一度大家現在很少食到的豬腦魚雲羹,席間,客人問我,德國佬有冇搞錯,雖然是搞聯合政府,但都唔使搵識彈唔識讚的綠黨黨員做外長以及經濟部長,尤其是那位女外長,政治素人一名,在出任外長之前是兒童教育家,仲話沒有經驗就是最好的經驗,現在搞到同中國反哂面,都唔知點樣收科。

  我同客人講,這是前任女首相默克爾留下的錦囊,這招叫釜底抽薪之計,在我初出道時,每次傾妥生意,都會被一些老臣子彈,後來,當有老臣子彈我,老闆立刻將project 交俾佢,做唔掂再叫我接手,以後,無論我做成點,老臣子都唔會彈我。

  默克爾知道綠黨識彈唔識做,於是將兩個對外位置交俾綠黨,結果一定搞到一鑊粥,最後由總理執手尾,綠黨就唔敢彈,這就是釜底抽薪之計。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2022-05-12 18:27:29
咁啱,尋晚我都係天麻燉豬腦,當然冇魚雲咁正。
依家廣州買豬腦冇以前咁容易,因為四川人多咗,搶嗮。
四川人中意水煮腦花,撈飯一流,又係一種冇白飯就不能充分發揮嘅菜色。
2. SYB 2022-05-12 20:24:12
高招。以亂打亂,雞同鴨講。一箭雙鵰,內外兼收。
3. 向饭民说不 2022-05-12 21:08:14
绿党基本上已经被deep state渗透,同美国佬民主党深度捆绑。90年代,绿党原来是反美,支持俄罗斯,不过现在已经倒换过来,因为金主是美国佬。美国鬼安插绿党系欧洲,令欧洲分裂。美国鬼就可以玩离岸平衡。盎格魯-撒克遜玩离岸平衡,令到欧洲打了几百年。欧洲永远分裂。