45日前，美國商務部長雷蒙多要求台積電，韓三星交商業數據，台積電當時話死都唔會交，我話一定要交，不少網友話我不懂得科學，唔識就唔好衝出嚟㭍，我話大家等45日，台積電到時唔交才話我，結果台積電當然有交，而且仲係第一個交，真失望。
台積電做晶片叻，做生意就唔叻，不懂得輸的技術，商業數據一定要交，冇得唔交，不過，可以遲一日才交，即是11月9日才交，效果就會好好多，最低限度可以沒有依照美商務部規定，在11月8日交，如果以足球比賽比喻，是輸5:1不是5:0。
美國佬做生意真犀利，搶了法國佬賣俾澳洲佬的潛艇生意，自知理虧，拜登親自約馬克龍當面道歉，但結果是拜登的確有道歉，不過遲了一小時，馬克龍開始等的時候就很火滾，及後就擔心拜登會不會爽約，唔通又俾美國佬玩多次，到拜登出現，馬克龍開心過執到金，這就是輸的藝術，唔係好多人識得。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
