地產博客 > 文亮語 返回
瀏覽人次:18268    回應:11
文亮語

斗零博十蚊,怎可以說是豪賭

 

湯文亮博士

紀惠集團行政總裁
2020年6月16日

  大家去賭場或者馬場時,不時會聽到有人話買中1賠150圍骰,或者過百倍賠率冷馬,但很少聽到有人話準備買1賠150圍骰或者過百倍賠率冷馬。老實說,賠率咁高,輸多過贏。賭徒除了要贏錢之外,很多時贏面子比贏錢還緊要。所以,在買高賠率的賭博之前是不會對人說,贏了錢當然會攞威。對於資深賭徒來說,就算買高賠率賭博,無論贏輸都唔會對其他人講。因為,只會輸到差不多清倉才會買高賠率賭博,同人講即是話畀人知自己輸到仆街。

  有老友話報章以豪賭來形容大鱷巴斯以200倍槓桿賭港幣貶值,即使港幣最近不斷觸及強方保證,金管局亦不時要沽港元來維持港幣兌換率。但大鱷出馬,非同凡響,叫我小心一些。我首先多謝,不過叫老友不用替我擔心,因為我冇炒外匯。巴斯衝擊港元都唔關我事,但200賠槓桿,怎可以說是豪賭?連博一博,單車變摩托都唔係,最多是玩具單車變摩托。老實說,我又唔知點解巴斯會預先張揚用200倍槓桿賭港幣貶值,咁樣講即是話自己唔夠錢,但又想追擊港幣。理論上巴斯在追擊成功之後才公開宣布,唔成功甚至輸哂當然唔講。

  有投資老手話巴斯這招的確係高。200倍槓桿即是向其他投資者表達他是有相當把握,瞓身去賭一鋪,作用就是吸引一些志同道合,有心追擊港元投資者。如果有其他大鱷或者大大鱷一起追擊港元,巴斯的行動亦未必不會成功。不過,巴斯有一件事可能算漏了,就是聯繫匯率已經有30幾年,全世界對這個匯率有信心,令到港元間接成為避風港,不是有太多投資者有興趣追擊港元,巴斯可能白費心機。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2020-06-16 13:45:06
呢兜友認真唔好心,不過似乎唔係山窮水盡果隻。
2. 腥港人 2020-06-16 14:36:08
賭嘅係人地嘅錢,又點算係賭錢呢?
3. 十郎 2020-06-16 15:30:27


      我諗過好耐 , 我曾經諗過好耐好耐。我認為港元如果脱o ut, 港元係升嘅 , 起馬睇齊人仔。條友仔賭200倍 , 擺到明冇信心 , 買6合彩嘅唔係賭仔 。 唔好叫佢做賭仔 , 米映衰賭仔個名。




4. 自醉 2020-06-16 16:00:56
都係2樓夠清醒,人哋開個盤口出嚟叫人落注,好明顯係大小通殺嘅庄家啦! 

大家買定離手。 哈哈哈!
5. Stephen Wong 2020-06-16 17:03:20
反對派係呢廿幾年來,成日諗住斗零搏十文,點知528開過通殺,仲想攞番個斗零?
6. 元朗真香港人 2020-06-16 17:14:08
港紙貶值,可因

1.主動不要聯係匯率。可升可跌。

2.賣出的港元 》香港,中央政府手中的美元。

暫時,两者機會都不大。

港紙,人民幣世界流通不多。其實最恐怖的是全世界一齊掟美元…
7. j 2020-06-16 17:48:02
有指美金頂唔到两三年爆煲,咁港幣掛勾人民幣機會較大。
8. 元朗真香港人 2020-06-17 09:07:35
7樓,有離岸人民幣,數字人民幣,港紙存在的價值不大。

美軍票特然瓦解,對世界影響很大。應該慢慢…世界交易去美元化。
9. 十一哥 2020-06-17 09:38:20
元朗哥   美癈賭大咗白頭片、冇底冇跟尾一味篤手指、衹靠杭住架撑兇神惡煞撑住死頂、阿爺就係睇通...軍事全力打造架撑、財資就人民幣自己開檔、美癈咁歇斯底里…就係明白唔使輸…衹要一冇得惡哂話事就實PK。
10. 向泛民说不 2020-06-17 11:36:10
元兄,欧美就来比自己的多元文化玩死。当多元文化变成了欧美的普世价值。就是十字狗自己玩死自己的制度。

中国文化的以史为鉴虽然缺乏科学分析,但是也是一种经验,西晋的灭亡,司马家族的灭族,其实就是因为西晋没有做好种族融合。结果当西晋内乱时,外族突然发难,导致了司马家族被灭,5胡16国,南北朝,汉族的悲哀。到了盛唐,开元之治的总结,也是因为没有做好外族融合。结果一神教的安禄山可能觉得吾公平,突然发难。

中国文化的大一统,都是最后汉族融合了其他民族,今天可以见到了曾经的匈奴,鲜卑,满族都基本上汉化,大家平等,满族人不会觉得被歧视,其他民族没有被歧视,甚至云南的彝族等,也汉化了,虽然没有了多元化,但是却带来了稳定和平等。

而欧美玩的多元化,黑人要求特权,迟d欧洲中东佬要求特权,到时肯定发生内乱。美国虽然有一神教,一神教最大的问题就是阶级固化,贫富悬殊,所以没有办法将黑衣融合入美国的文化,导致了今日黑衣的暴动。
11. 元朗真香港人 2020-06-17 12:13:10
十一兄,
印軍票的人,唔靠惡靠乜?