地產博客 > 文亮語 返回
瀏覽人次:14760    回應:11
文亮語
滙豐取消派息,的確令人耿耿於懷
 
湯文亮博士
紀惠集團行政總裁
2020年4月1日

  昨晚滙豐失驚無神話要取消派2019年末期息,以及2020年中期息,害到我這個捧場客雞毛鴨血,輸錢唔緊要,最慘又畀人鬧,又畀人笑。有不少網友在Facebook 幸災落禍,仲話好彩冇信我,否則就慘了。老實說,如果真係咁好彩咪好囉,應該反過來安慰我。不過,我又不需要別人安慰,投資的事,千祈唔好睇番轉頭,否則就會長在後悔中。仲有,自己投資是自己負責,贏咗唔會分畀人,輸咗當然唔可以鬧人。大家又不用擔心我,我或者有多少運,去年中,我收到消息,話政府會取消BSD。如果是真的,我手上的丁權就沒有效,於是賣走了100萬股匯豐,以個人名義買入一個七千萬元單位。我不是亂吹亂作,報紙都有報道,可能冇乜人察覺。不過,我仍然持有些少匯豐,唔派息,始終有多少耿耿於懷。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人B 2020-04-01 15:45:59
其實呢幾年買匯豐真係擔驚受怕 ! 動不動俾美國佬話佢呢樣錯個樣錯 , 劑劑都話要罰幾多十億美金 ! 又要俾美國佬擺個人入銀行裡面監視成盤生意 , 連帶在匯豐銀行有戶口做生意嘅成日都要填問卷調查俾匯豐 , 煩過梵諦岡 !
3. Philip wong 2020-04-01 16:01:39
其實這個消息不是太負面,匯豐如果要恢復昔日光彩,現在只有將總部搬回香港一途,說不定這是一個總部回遷的契機。今天慌忙拋售匯豐的人,會不會明天感到后悔?
4. 123321 2020-04-01 17:00:54
十年河東十年河西

當年遷冊係驚無形之手
(美其名曰拓展歐洲業務)

不過原來人地係用有形之手 
大石責死蟹

好多人覺得投資 股票 債券 
比磚頭好

但偏偏忽視左 磚頭可以係比一半(甚至少過一半)價錢 加上按揭利息後

獲得100%控制/使用權的投資

股票? 
唔派息 渣住佢同廢紙有咩分別
除非你做大股東 可以玩財技
否則都係任人宰割

債券 現金 依家俾人任意溝淡

要信任中國人的傳統智慧

買得起樓 但一直冇買 等樓跌的人
祝你好運
5. 上海滙豐銀行 2020-04-01 17:48:26
香港滙豐獅子頭被燒,已經冇運行,唔執笠已經偷笑,重咁大貪想派息?唯一可行的就是遷冊回發源地上海,並改名為上海香港滙豐銀行(SHBC)。 

6. Stephen Wong 2020-04-01 18:00:01
唔係有人話退休後賣走700萬自住單位,買入高息股過活嗎?
7. 龍虎豹 2020-04-01 18:45:31
幸災(樂)禍,

唔派(息)。
8. SYB 2020-04-01 18:47:09
講完放水救經濟,轉頭正常派股息都停止。。。
9. 大笨象 2020-04-01 20:27:50
大笨象嚟緊日子會唔會供股?
10. 所謂自由經濟 2020-04-01 20:48:59
原來派息都要英國政府批,又話所講自由經濟,合約精神。

匯控唔遷冊返亞洲一個死得。寧願遷去星加坡好過香港,起碼不會再怕被紅燒狮子頭。


11. MR. CHEUNG 2020-04-01 21:09:53
唔知有沒有人了解什麼叫溝淡,英文dilute 效應,原來這concept不單應用在股市配股,原來以為現金為王最安全,其實是錯的,你的現金也會給央行QE 完之後產生溝淡效應,只是溝淡並不是錢紙的面值,而是購買力而已!
這個理念不容易給平民百姓所理解,因比較抽象!一般平民以為死揸現金一定冇事,其實是大件事,因港元同美元是掛鈎,美國央行印 鈔救國可以是無限,一於直升機派錢,然後由揸美元及港元班現金友找數,你說現金為王大不大wok?
12. C銀行 2020-04-02 00:18:30
除淨後都可以取消派息???眞的系未聴過!滙豐應該系走頭無路了。