地產博客 > 文亮語 返回
瀏覽人次:12651    回應:7
文亮語
新加坡撤辣,是否香港又要撤
 
湯文亮博士
紀惠集團行政總裁
2020年3月26日

  有物業專家話新加坡準備撤銷管制住宅樓宇辣招,香港亦應該立刻撤辣,否則又會輸比新加坡,我覺得很奇怪,在全世界都受到疫情影響之下,新加坡政府點會無端端撤辣,就算撤辣,打算買樓的人亦因為新加坡封城而去唔到買樓,所以,新加坡現在首先要考慮幾時可以解封,而非撤辣,我相信這是假新聞,不過,又很難說這是假新聞,因為新聞話有傳聞新加坡政府打算撤辣,根本沒有確認,又怎可以說是假新聞,只可以說不是新聞,就算新加坡撤辣,而香港唔撤,我唔覺得輸比新加坡,如果有需要的話,香港可以即時撤辣,基本上沒有損失,但反過來說,如果香港政府撤辣而新加坡最終不撤,這豈不是中了越位陷阱,而且,新加坡出辣招的作用與香港不同,即使新加坡撤辣,香港仍然可以不撤。

  新加坡推出辣招的目的是不希望太多人在新加坡買樓,而香港則是希望在辣招壓抑之下,初次置業者或者未有樓的人可以在較少競爭對手下買樓,因為外來人士以及早已有一個住宅單位的人,他們買樓要付辣招印花稅,既然新加坡與香港推出辣招的目的不盡相同,是否撤辣就要看本身需要,而非見到新加坡撤香港又要撤。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2020-03-26 11:19:42
星仔冇個阿爺錫、又要小心左鄰右里吱吱屹屹、香港就阿爺好放縱、23條一條都冇縛到、背底唔同…同一行為..結果會好唔同、風平浪一靜…香港甩繩就好瘋狂。

2. 辣椒仔 2020-03-26 12:52:49
星球冇叉用,可以不理。香港銀行就快水浸眼眉,可以考慮加辣。
3. 水浸眼眉? 2020-03-26 17:16:37
今日香港銀行一個月 Hibor 抽升上兩厘,H 按息又上頂,銀行存款結餘又大幅減少。水浸???
4. 識唔識架? 2020-03-26 17:22:51
港元強只係因為港息高過美息,有外國基金借美元存港元套息,令港元升上強方保證咁解,唔係黎香港買樓。千祈唔好自作多情呀!
5. 十一哥 2020-03-27 09:24:45
4樓  財資賭博冇乜識唔識嘅、幾叻相馬..結果先係驗證、理論上套息係因素之一、唔係全部、唔好識D馬名就當bobo。
而家美帝春藥當飯食、走咗泊得喺香港…仲有乜好嘢諗 ? ? ?
6. 識唔識架? 2020-03-27 11:17:12
外國基金借美元存港元泊香港套息,只係短線行為。佢地係等美股熊市完,牛市重臨(1年唔定,兩年唔定),就班資回朝炒美股,到時港息就狂升,港匯又去返弱方對換保證。
7. 大爺 2020-03-30 10:28:57
撤咩辣? 普通小市民負擔得起咩? 求其一個盤都要$18500/尺邊個買得起? 買落嗰啲一早好平買返嚟, 宜家跌少少, 就係放盤, 佢哋只不過係賺少咗啫, 唔係蝕錢. 响度縊山縊死...