地產博客 > 文亮語 返回
瀏覽人次:7390    回應:5
文亮語
今次抑或2008年那次跌市,那一次較為恐怖
 
湯文亮博士
紀惠集團行政總裁
2020年3月25日

  小弟響應政府呼籲,未來14日都不會在晚上與客戶晚飯或者與朋友聚會,而放工之後有很多時間,唯一可以做的事就是寫多幾篇文章,老實說,寫文是非常容易,但搵題目就很難,所以,見到好題目時要儘快寫下來。

  昨晚有老友問今次與2008年那次跌市,那一次較為恐怖,我相信有很多人認為,美國連續溶斷幾次,唔使問阿貴,今次一定較為恐怖,但原來唔係,單以香港來說,2008年環球金融海嘯比今次恐怖得多,當時,不少歐美銀行已經冇哂錢,在香港的外資銀行搵客戶開刀,配合測量師不斷降低估值,向物業投資者追收差額,甚至要全數追回,老實說,問銀行借錢買樓,又怎可以在一時三刻之間還錢畀銀行,冇錢還銀行就會沒收物業,你話恐唔恐怖,今日,銀行不但沒有追數,仲會對客戶說股價咁殘,要唔要錢買股票,不過話分兩頭,今日經濟環境的確比2008年恐怖得多,當日空置率很低,沒有租客要求減租,今日,唔使我講大家都知道。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Philip wong 2020-03-25 10:52:51
毛澤東說:手中有糧,心里不慌,腳踏實地,喜氣洋洋。這次疫情雖嚴峻,有樓的人借貸比率低,手中尚有不少現金,尋覓投資機會,所以,即使是比2008年跌市恐怖,也有千人排隊為匯豐護盤,股民也慌,慌的是錯過這個十載難逢的投資機會。
2. 湯瑪斯 2020-03-25 11:07:28
我聽過一個笑話:
有一對男女行山,男的失足連跌帶滾碌落山,女的大叫:你點呀?傷成點呀?
男的應曰:點知有幾傷呀,都重未碌到落山腳!
因此,現階段尚未能判斷這次疫情的影響是否比2008年金融海嘯嚴重。但可以判斷的是影響一定很大。
3. 跌跌跌 2020-03-25 11:33:45
資產大跌是好事
4. 十一哥 2020-03-25 12:23:37
遠銀扮嘢話原本打算私有、實情係軟資產...已經托唔到咁大舊實銀、根本係設局揾籍口…趁高出售軟嘢套硬嘢。

市道好唔好…真係各有各體驗、老散基本..空即是兇、空..睇錯就冇得守、硬橋硬馬有C力…就可以守到見日頭。

美帝放定哂網先噏嘢…庒/閒…等你買定先擺骰仔。
5. 123321 2020-03-25 14:14:42
股票 債券 錢都係印出黎

信佢就值錢 唔信就牆紙

樓巿跌極有個譜

始終香港係一個 
連狗都有得做肺炎測試既地方
望下外國就知咩係人不如狗

日日鬧政府既minions 睇唔到

其他地方既人唔係盲