地產博客 > 文亮語 返回
瀏覽人次:16409    回應:15
文亮語
晨早夜話(47)有香港人唔做,去台灣做難民
 
湯文亮博士
紀惠集團行政總裁
2019年12月5日

  有老友昨晚請食飯,講明是無事不登三寶殿,佢話有一個老友的兒子因為熱衷社會運動,可能是太熱心的緣故,現在要在台灣生活,老友知道我在台灣有投資,一定識得不少當地權貴,是否能夠幫他老友的兒子申請政治難民,可以在台灣讀書及工作,甚至結婚生仔,長居台灣,我實話實說,我在台灣並不認識什麼人,更加不認識什麼權貴,申請做難民的事,真的無法幫手,據聞香港有一些大學的學生會長已經到台灣求助,以他們當日可以在大學裡將校長罵到狗血淋頭,要求台灣當局收留滯台的港生做政治難民亦是輕而易舉,老友苦笑,佢話那些學生會長在香港就威,去到台灣就冇運行,就算召開一個記者會都沒有台灣公務員參加,又如何能夠解決問題,他老友的兒子在台灣已經生活了三個月,現在前路茫茫,大家好似唔記得他們,老友話問我都是盡人事,叫我唔好放在心上。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 都是盡人事 2019-12-05 11:41:04
既然都係遠走高飛, 點解唔由台北飛柏林, 講出來都馨香啲。
4. Fisherman 2019-12-05 12:50:34
人地加冠晉爵,你就倉惶辭廟,It's very interesting.
6. MT 2019-12-05 13:18:56
睇到學生哥去台灣求庇護新聞時真係笑出嚟,原來佢地唔係扮,係堅kai,真係信台灣係支持佢地。
7. 十一哥 2019-12-05 13:30:33
呆咗喺台灣、先會領悟…香港好定唔好 !

閉關/修煉/冥想…待飛升…



8. 先會領悟 2019-12-05 13:40:04
呆響呆灣可以做乜? 賣萌?賣塑化劑奶茶?賣奶精太陽餅?
9. C叔 2019-12-05 14:30:46
 Very interesting, 時代革命成功在望,未來香港會比民主更民主,唔明点解人人都話移民。
10. 無耐 2019-12-05 14:44:41
如果唔出去台灣、美國、、英國等去領悟這些地方的自由、民主。
才發現自己在那些地方是失自由,一無事處。
現在才發現香港才是對他們最自由民主,可惜後悔莫及,香港被他們破壞了,背着一世刑案。
早知結果,何必當初。

11. 唔明点解人人都話移民 2019-12-05 14:46:27
本土除左資本主義係放任, 民主豉油都係放任, 要移民係驚住支放任民主豉油會被收緊, 其實放任資本主義咪一樣會被收緊。
12. 十郎 2019-12-05 14:53:15


      知唔知英國點解脫out  ?係唔想收難民呀。台灣又點呀 ?呢班人要監視㗎 , 之中有冇大陸無間道呀 ?其實唔可以責怪台灣。

13. 其實唔可以責怪台灣。 2019-12-05 15:47:31
搞搞震嘅人全世界都唔會安心收容啦, 其實都唔可以責怪全世界。孫中山都要返去推翻滿清先有贊助, 唔通響日本蹺住腳可以做上賓日日食拖羅? 
14. ! 2019-12-05 17:09:24
  移民撒哈拉沙漠最民主自由,方圓百里得你一個人,你話點就點。
15. 十郎 2019-12-05 18:13:00


      其實其實其實最淒涼係班父母親 , 我屋企都有3件黃C , 好彩2件響澳洲 , 大大個冇搞野。公仔箱唔知係唔係怕食磚頭 , 冇報導法庭判案 , 報導又冇睇見。舉d例 , 佔旺女“不為分”判46月 , 破壞屯門輕鐵的兩名青年 , 各判賠償14萬。有案底又要賠錢 , 係唔係人财兩空 ? 消息聽番來 , 不要信十足。聽聞有好多父子割蓆 , 總之慘啦。


16. 歡呼 2019-12-05 18:57:45
唔見棺材唔流淚
19. 總之慘啦 2019-12-06 10:42:32
捉緊啲啲化骨龍呀, 你一分心就被人拐左去架啦。
20. 十一哥 2019-12-06 13:30:14
自由…用~任性放縱~嚟定義、咁香港就係全球自由嘅典範。