地產博客 > 文亮語 返回
瀏覽人次:24769    回應:9
文亮語

晨早夜話(10)15日行政拘留

 

湯文亮博士

紀惠集團行政總裁
2019年8月23日

  老友話無謂閉翳,留港消費。一班人上一次食完順德菜,今次食湖南菜。有老友話較早前英領事館職員在國內失蹤,現在不知是什麼情況。香港的電視台本來大肆報導,但突然間又沒有跟進,不知道劇情如何發展。其實亦不用猜,國內有報導那位先生被執行15日行政拘留,大家都知道是什麼事。簡單來說,那位先生是偽勇武者,到國內搵性工作者。這些事在香港是合法,在澳門更加是風流韻事,在國內就不合法,不過又不是大件事,10至15日行政拘留,罰5000元。最麻煩就是如何失蹤15日,今次女朋友同家人搞大件事,累了不少記者以及打算營求他們的人。所以,女士要記著,如果知道老公或者男朋友被國內執行15日行政拘留,千祈唔好搞大件事,更加唔好通知傳媒,否則就是自己攞架嚟丟。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2019-08-23 09:46:04
以前,有個老闆,因為P娼俾公安拉咗,公安局通知佢老婆,當佢老婆去到公安局門口,見到老闆嘅得力助手,助手細細聲同老闆娘講:“事頭婆,唔使驚,我揾朋友搞掂咗喇,原本老細醉駕要坐半年,依家整成P娼,幾日就可以出返嚟喇!”,老闆娘連聲大讚夥計好嘢。
2. 十郎 2019-08-23 10:00:18


      拘留15天 , 小意思啦。我比我老婆拘留左兩個15年。

3. 占士 2019-08-23 10:27:21
剛才看晚間新聞,終於確認他被行政拘留15天的真正原因。今天早上聽朋友說是這個原因時,我還真不知道是否真實,現在證實了
4. MT 2019-08-23 10:33:23
睇到有關拘留15日新聞後,太太話唔明,四眼仔女友明明話男友最後留言係坐緊高鐵返香港,點會喺深圳俾人拉,我話大吉利是我去深圳玩俾人捉咗我都唔會同大人你講真話喇,太太聽完話明。
5. Stephen Wong 2019-08-23 11:39:49
資訊泛濫,假亦真時真亦假,切勿跟車太貼.
To news makers.
6. 十一哥 2019-08-23 11:46:50
返到嚟實死口唔認P娼,比人灌醉咗老屈插贓。
7. 亞Q 2019-08-23 12:31:47
你可以唔認 , 到時公安又放一段錄影俾大家睇 , 某人同艷女只穿內衣 , 在酒店內房雙雙將手放在頭上踎在地下面對公安審問 .
9. 十一哥 2019-08-23 14:54:50
肉在砧板上、佢地成班人捉我上馬嘅…

10. xx 2019-08-23 15:17:02
我的一个老同事也因為非法賭博被執行15日行政拘留, 他突然失踪了,我們向中國警方報告,發現了這件事。