地產博客 > 文亮言 返回
瀏覽人次:22110    回應:14
文亮言

駱主任落區是否能解劏房之謎

 

湯文亮博士

紀惠集團行政總裁
2021年10月14日

  在林鄭發表施政報告前,中聯辦主任駱惠寧落區視察劏房的居住環境,當然是不堪入目,國內不少傳媒亦有報導,但可惜報導不夠深入,如果駱主任再了解一下,他便會發覺住劏房的人或者街頭露宿者本來是有樓,雖然不是什麼名貴屋苑,但亦是一個非常實用的公屋單位,本來那些人可以在那個公屋單位住過世,但政府好心做壞事,變相強迫那些人出售他們的公屋單位。

  政府為了追及星架坡,在供應不足下來一招偃苗助長,一招公屋私有化,住公屋的人可以用十分優惠價購買他們居住的單位,那些住戶變成業主之後,個人的誘惑多了,身邊的聲音也多了,既然有咁多錢由天跌落嚟,不吃白不吃,一於享受咗先算,冇現金唔緊要,有樓有朋友,財仔幾時都給予方便,當錢財散盡,公屋單位便歸財仔所有。

  有些公屋租戶做了業主之後,就會發覺,本來唔多孝順的子女突然非常熱情,目的當然是公屋的業權,業主冇可能滿足每一位子女,最後將公屋賣了,在決定賣走之時,每一個子女都話會照顧父母一世,但分了錢之後就關人個關,有一些子女甚至移民去英國,最後老人家又要住劏房,仲日日夜夜鬧香港政府唔照顧老人家,這個公屋私有化政策真的是捉蟲。

  現在講返轉頭都無謂,駱主任落區之後應該可以了解劏房租戶的來由,如果撇除本來有公屋的租戶,劏房住其實不是太多,所以,政府首先唔好再讓公屋租戶買回他們的公屋單位,否則只會製造更多劏房戶,用綠置居買居屋已經可以幫助公屋租戶變成業主,又何必出售公屋,不如留返那些公屋給有需要的人,令到輪候時間可以減少一些,住劏房的人又少一些。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 淡友真面目 2021-10-14 12:52:06
賣自住除了成世人未豪過的公屋業主,還有衰貪心的賭搏淡。

在自覺高位放了自住樓租住先,諗住遲D樓價跌先買返賺其差價。

本來呢個係個人選擇,但呢種人最終會變成黑心淡,交租交到儍日日咀咒業主,又話社會欠佢嘅。

呢度都有個人辦。
2. 十郎 2021-10-14 13:10:40


      出售公屋 , 是老董時代的產物 , 是由一班有識之士 , 如信報林行止所鼓吹的。 理由是甩去長年的維修保養費用 , 例如維修斜坡、外牆、水管等等 , 不用為住客交差餉 , 更是收低租金 , 是一門入不敷出的蝕本生意。現在問題出現了 , 放開是否做成劏房户的原因 , 電視亦出現過私有公屋的霉爛狀況 , 屋外設施爛了沒有人維修 , 因為大廈業權夾雜著私人和政府 , 這些後遺症是始料不及的。


3. 引刀一快 2021-10-14 13:21:43
飛地能解劏房之困,一塊飛地,分分鐘飛咗出國嘅都飛返嚟。
4. G 2021-10-14 14:18:39
不排除有人想買特價居屋,因而才排公屋,並入住籠屋博快上樓。
再者,專業面向各種慘像的龐大社福界和社工團隊,亦和劏房籠屋互動


5. WWSG 2021-10-14 19:40:34
人各有志,大把人宗旨,人一世物一世,有得威,緊要威左先。爛鬼自住公屋大升?重唔賣傻架。有前冇後,碌爆卡消費都見唔少喇。

6. 元 2021-10-15 09:22:42
住房是基本要求!政府推公屋時,是否知道樓價大升?如果之後樓價跌,大把人又閙政府做壞事。所以

!!房住不炒。

才是正理。劏房問题必會解決。
7. 十一哥 2021-10-15 14:17:38
有幾多人學到刀刀吖、早早行先….揾人民服務、還看今天…返璞歸真撈份夜更…食蕉…打更週街行…服務人民、心中胸懷過百億…氣魄大…悟性高。
11哥都好喜歡上大灣、不過就衹係打打歌芙…體驗下農家樂原生態、比唔上刀刀…咁大嘅冚搣民。
9. 引刀一快 2021-10-15 17:24:11
乜原來十一仔有回鄉證㗎?咁即係六年來日日講雞棚山旮旯橋底老千,唔係出於無知,而係有心抹黑喎。
10. 引刀一快 2021-10-15 22:33:06
有時,人唔要面,就以為真係天下無敵。
十一仔唱衰大灣區已經六年,依家話中意上去?

11. 十一哥 2021-10-16 12:02:37
刀刀心情可以理解…境況值得同情、大灣梗係好世界…不過唔係老千講果區、貨真價實…幾時洗聲嘶力竭…出盡口術揾交替。
話事偈..幫刀刀長期溝通、從來都係對住佢背面…未見過佢有面。
12. 引刀一快 2021-10-16 14:17:32
收皮喇你,我一路就係講廣州佛山深圳東莞,邊區唔係升到七彩?上年東莞升五成,點交替呀?
你衰咗六年,繼續喇。
13. 十一哥 2021-10-16 18:04:24
刀刀 老…收皮…怒…於事冇補、扒底D…冷靜下…諗一諗、11哥收皮仲有邊個肯調理海鮮呀?


14. 引刀一快 2021-10-16 22:57:07
輸唔起,一樣係輸,你越寫下流嘢,即係越唔抵得人地贏。
日日寫嘢屈人侮辱人告地狀,想催眠?結果就係催眠咗你自己。
哈哈哈哈
15. 以偏概全 2021-10-17 08:48:29
大部份是新移民, 等到死都輪唔到公屋