昨日中午在遊艇會食晏時，有會友話睇我Facebook ，有好多人話我好柒，自己又唔知自己柒，仲衝出嚟講台積電，會友話睇完我幾篇關於台積電文章，又唔係太柒，都有一些見地，會友問，何謂柒，何謂叻。
其實做叻仔很容易，就算唔識嘢都可以做叻仔，以今次為例，不少網友話我咁柒就唔好衝出嚟講台積電，令人認為那些網友已經掌握答案，原來又唔係，他們連一知半解都未達到，不過，既然話得人柒，唔使講自己一定好叻。
台積電是台灣護國神山，如果處理不當，隨時被美國佬掠奪，台灣無論藍綠都震過貓王，香港人隔岸觀虎鬥，當然唔擔心，台積電是否是代工廠或者來料加工廠，我們鬥咀都冇用，大家等多一個月，如果台積電唔交機密資料，而美國政府又没有追究，台積電可以證明自己主權獨立，不是代工廠，如果台積電交資料，反證台積電是代工廠。
會友問，如果台積電唔交資料，美國可以做什麼，美商務部長雷蒙多話，她的工具有很多法寶，隨手攞一件叫「國防生產法」就可以置台積電於死地，少則沒收50台ASML光刻機，現在全世界只有102台，重則將台積電收歸美國國有，所以，我認為台積電一定會交出機密資料，而且自願罰上一大筆美金，這是上策。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
