地產博客 > 文亮言 返回
瀏覽人次:18056    回應:9
文亮言

技術性博反彈

 

湯文亮博士

紀惠集團行政總裁
2021年7月30日

  今個星期一二,港股失驚無神每日跌了超過1100點,股市專家解釋的理由多多,而且不一致,從國內政策有變,到資金撤離等兼而有之,總之信就係,唔信就唔係,到星期三、四,港股回升,大部分專家的理由都是一樣,就是技術性反彈,因為若果不用這個而用第二個理由,可能與日前話股市大跌的理由有所抵觸,很容易會被人話以今日的我打倒昨日的我。

  有老友問,何謂技術性反彈,我話以學術語言我唔識得講,但可以用一個籃球解釋,如果將一個籃球從一米高自由墮下,一定會反彈,幅度大約是0.3米,這可以叫技術性反彈,前提是籃球必定要充滿氣,股市也是一樣,在急跌10%之後,如果沒有特別壞的原因,以及股市運作正常,必然會有人入市買股票而出現反彈,大家都叫這做技術性反彈,而事實上用技術性反彈來形容即是睇唔好股市,反彈亦只不過是暫時性的。

  倘若有專家發覺,他所擔心的不利因素是錯誤的,是不會出現,他應該用復原性反彈而非技術性反彈來形容股市。

  有老友問,既然技術性反彈不是一個利好股市的消息,點解仲有人入市買股票,這個答案是息息相關,因為不少人知道在股市大跌之後會出現技術性反彈,他們博技術性反彈入市,我認為那些買股票的人行為可以叫技術性博反彈。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 十一哥 2021-07-30 16:31:54
準確係物理性反彈、技術性係指人為操作、基本原因係阿爺演嘢…冇乜嘢係大到不能倒嘅、一比色勞…隻隻大惡都馴如羔羊…大聲響..…我乖…一定全面積極配合、所以正經人冇洗怕…
3. onclerkclerk 2021-07-30 18:28:05
在香港揸住一百幾十萬唔投資股票買乜,如買樓幾十個只夠俾雜費。
4. 十一哥 2021-07-30 20:39:41
當今聖上…強過毛主席、捉叛逆唔洗玩文化大革命…冇話走甩先焗打飛機、軍頭大惡…今日唔知聽日事、手到拿來…完全冇圍發、隻隻都要C狗咁顯世、班齊天大聖…打親關斗都實poor guy。
5. 引刀一快 2021-07-30 22:01:23
十一仔技不如人照反彈。
6. 引刀一快 2021-07-30 22:10:47
技術性擊倒十一仔之後,依家有個飯蓋被雞腳撐到反彈又反彈。
7. 十一哥 2021-07-30 22:23:07
幾硬嘅棍都比刀刀以技術耐受性擊倒嘅…尤其刀刀鷄腳撑得幾撑…不倒太難…
8. 引刀一快 2021-07-31 17:12:24
win十一仔,一嘢打巢,靚扣殺。
唔忿?一樣輸。
9. 十一哥 2021-08-01 09:39:47
刀刀好果濟…
10. 引刀一快 2021-08-01 11:38:11
ko!perfect game。