地產博客 > 文亮言 返回
瀏覽人次:24066    回應:3
文亮言

零議價反而令業主心傷

 

湯文亮博士

紀惠集團行政總裁
2021年4月7日

  雖然有報章不時話悲情,但事實上樓市的成交價與成交量都有不俗表現,尤其是在復活節清明節假期期間,不少成交都是零議價,大家以為零議價業主一定很開心,其實並不一定,或者買家比業主更加開心。

  假期間有老友請飲茶,仲有幾位朋友,我知道當然是會無好會,果然不出所料,老友話最近賣走了一個住宅單位,買家零議價,非常開心,所以請大家飲茶,我飲得老友餐茶,就一定唔會講不利消息,除了恭喜之外都是恭喜,但有另外一個老友話點解要開心,零議價代表買家仲有能力俾多少少,即使多2,3個%,最少都有幾十萬,食十頭鮑都可以,何只一餐茶,不過賣仔莫摸頭,賣咗就算啦,話說咗出嚟,場面立刻變得非常尷尬。

  少時候,我阿媽叫我去買一舊不見天豬肉煲湯,豬肉佬話幾多,我就俾幾多,幾次之後,豬肉佬同我講,哥仔,唔該還下價,否則佢唔開心,自此之後,我減價,佢又加返些少,最後雙方都開心,連我阿媽都話我醒目,十歲唔夠就識得講價。

  有老友賣一個物業,買家還價減一成,價錢本來都可以,但問吓我意見,我話千祈唔好,業主減一成都肯賣,買家反而會縮沙,或者要求減更多價,不如還價減半成,令到買家認為這是業主底價,其實,每一個買家最大心願,並不是以低價買到,而是可以用業主底價買到,這就是討價還價,很高深學問,高深之處就是令買賣雙方都開心。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 不見天 2021-04-07 14:16:27
賣樓啫係賣豬肉咁, 個市真係太好了。
2. 證明真係有好多移民盤 2021-04-07 18:17:55
一去無回頭, 業主肯定開心過買家! #_#
3. 鳥6 2021-04-10 12:37:31
未來幾年攻擊亞洲人會係常態,警察不會太過在意。幾年後部份未被打死的港人,又會回流香港,到時又會出天價買返香港的物業。

人身安全才係等一位。