地產博客 > 文亮言 返回
瀏覽人次:20547    回應:7
文亮言

交吉交易的國際版

 

湯文亮博士

紀惠集團行政總裁
2021年1月1日

  昨日收到很多短訊,問美領事屋交易不成,美國是否要賠償給恒隆,我相信問我的人大多數聽過「交吉交易」,當買賣雙方簽訂的合約有寫明交吉交易,如果業主在成交期不能交吉,是要退回訂金給買家,除非訂明,否則就沒有賠償,如果買家要訂明,業主應該唔肯,萬一買家使橫手叫租客不交吉,業主就要賠償,所以,無償取消協議是正常做法,不過,如果因為租客唔肯交吉而業主賣樓不成,業主是可以向租客追討損失,至於幾多錢,就慢慢打官司或者協商,所以,如果業主唔賣樓,租客可以賴死唔搬走,當知道業主將層樓賣咗比人,就會死死地氣搬走。

  今次美領事屋是交吉交易國際版,拜登上任,又未必想賣領事屋,而且,山頂文輝道地皮以破紀錄成交,美領事屋亦升值不少,所以,美國不向中國申請賣領事屋,沒有申請,即是唔可以賣,結果好似交吉交易一樣,不能交吉就退回訂金,美國退回訂金給恒隆便算整件事清楚了結。

  短訊朋友最關心的是事件是利好抑或利淡,當然是利好,如果恒隆撻訂唔成交就利淡。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 鳥5 2021-01-01 12:57:19
咁大單刃都會咁蝦碌?幾十億生意!以前唔會發生咁!我而家睇到市場信号就係,駱官同地覇係自己做自己野!已經談唔上以前嘅政協身份!利淡!
2. 講多無謂 2021-01-01 13:36:34
1樓,螞蟻當時中證監批左先可以招股,後果係點?邊關蝦碌事呀?
3. 十一哥 2021-01-01 14:20:18
最基本嘢…不可抗力條款…當乜事都冇發生過…
4. 十一哥 2021-01-01 14:43:04
契弟班頭~炮灰嘍囉、領略緊~不可抗力~嘅滋味、判上判…捉/放/捉…過到性旦過唔到完旦…提心吊膽..仲要找大揰棍條施法術數、阿爺玩嘢…唔聲唔聲…先得人驚。
假鬼~都要睇住阿爺眼色~施法、施法篤立~篤住點夠膽唔立。
5. 後果係點? 2021-01-01 15:12:19
咁即係要一個強有力嘅領導,跨部門咁樣去審核囉。
6. 鳥5 2021-01-01 18:49:58
有幾點好奇怪?咁複雜嘅程序!美國領事早半年已經吹風?何解地霸入票!相關人士全部唔知?中央政府有何解冇一早預告?唔係一朝一日嘅事嚟㗎啦?重點係Timming?唔係突發!
7. 鳥5 2021-01-01 18:53:52
冇人放風!又冇人收風!有心人將件事變成突發!邊個就係問題。。。