20萬港人用水喉水代替口水做檢測

　　我知道有很多香港人在每一次約會之前，參與者都會做一次檢測，費用由主持人負責，我大大話話在這幾個月做了十多次檢測，但我想像唔到會有人用水喉水代替口水做檢測，如果唔想去，索性唔好做檢測，無謂浪費主人家的金錢，而做檢測的目的為了約會反而是其次，最緊要是知道自己有冇確診。

　　當袁教授話有3%去做檢測的香港人會用水喉水代替口水，我覺得匪夷所思，但更加令我匪夷所思的就是梁子超話未聽過有人用水喉水代替口水，仲話即使係事實，都不用擔心，3%是很細百分比 ，梁子超一定未聽過星星之火，可以燎原這句話，不如我們唔好用百分比，直接了當話有20萬香港人會用水喉水代替口水做檢測，這個數字會不會提高大家警覺性。

　　有老友問我今次信袁教授抑或梁子超，我當然信袁教授，梁子超連講大話都唔識，竟然話未聽過有人用水喉水代替口水做檢測，及後立刻話3個%是很少事，大家不用擔心，老實說，唔擔心就假。

　　袁教授今次大義滅親是有多少迫不得已，如果以已經做了檢測的人數字來計算，大大話話有七八萬人用水喉水代替口水，倘若當中有一個唔生性向傳媒話可以用水喉水代替口水，醫管局以及在今次疫情經常發言的專家，教授，醫生等就大大鑊，袁教授自我引爆，其實是救了所有有關醫護人員。

　　今次疫情第四波大爆發，估計與水喉水亦不無關係，其實，要追尋是誰用了水喉水代替口水是很容易，因為每一個檢測都有真實姓名同電話，除非，醫管局將所有存檔都毀屍滅跡，所以，袁教授話要用10000警力追尋，我愈講愈驚，希望政府快快趣作出有存檔的全民檢測，否則，有排都唔可以清零，但我估計不會做，林鄭會聽專家意見，3%是很少事，大家不用擔心。