地產博客 > 文亮言 返回
瀏覽人次:24759    回應:46
文亮言

從英國樓熱賣看香港樓市

 

湯文亮博士

紀惠集團行政總裁
2020年8月28日

  有老友同我講,自從英國推出BNO計劃之後,不少香港人打算移民到英國,令到英國樓熱賣,樓價升了不少,代表有不少人要賣走香港住宅單位,由此可以預測香港樓市必定會大冧,雖然施永青話香港樓市很快會調頭回升,老施只不過賣花讚花香,做物業代理生意的人又點會話樓市下跌,而事實上有不少分析員都認為樓市會大冧,甚至有報章以悲情樓市來形容。

  我認為現在能夠去英國買樓坐移民監都是有米的人,就算在英國買樓都不用賣香港樓,就算那些人賣樓,都唔會影響樓市,因為有很多國內優才在香港住滿七年,他們可以隨時買樓而不用付特別印花稅,那些購買力可以抵消賣樓移民英國的人,政府在2013年推出BSD等辣招,扼殺了國內人在香港買樓的機會,但無形中令他們賺得更多錢,據統計,大多數國內城市樓價升幅比香港大得多,當日不能夠在香港買樓,今日可能買到更大,位置更佳的住宅單位,而且,我們還有一大堆購買力,就是那些未住滿七年的國內人,如果疫情持續,政府派錢派到乾塘,在沒有更好辦法之下可能要被迫取消BSD等特別印花稅,如果係就大鑊,10萬購買力同時被釋放出來,情況好似現在英國樓一樣,甚至有過之而無不及,香港樓價有機會暴升而非大跌。

  老友條氣當然唔順,佢話現在的劈價,蝕讓又如何解釋,現在的所謂劈價,就是那些打算買樓業主叫價進取,偏離了市值,到最後以市價成交,都會被渲染為劈價,連美領事賣樓也不例外,最初的時候有分析員估值100億,現在據聞以28億賣走,唔通話美領事劈價七成,其實,28億就是市價。至於蝕讓,應該大多數是新樓盤買家,他們在買新樓的時候,隨時可以得到地產商巨額回贈,現在只是蝕3幾個%,其實只是賺少一些而非蝕讓,不過,報章從來沒有提及那些巨額回贈,老友話我死都拗返生,走了。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Hongkong People 2020-08-28 12:11:36
剛剛check 咗下英國樓嘅資訊,英國政府預期英國樓價未來一年會大跌22%, 為咗托市,而家減免印花稅至下年3月尾!  現時,英國樓係lockdown之下,買賣大幅減少,而買賣成交都積壓咗372000單,無法完成交易. 英國樓熱賣從何説起呢?
2. 有冇咁誇張 有人請假睇樓翌日6X5萬購新葵X花園2房 原來買家驚遲買會貴 2020-08-28 13:44:04
報導指巳經開始有買家趕入市了!
3. 十一哥 2020-08-28 15:17:14
英癈數精、揾班BN0去使5年錢..冇一句話必然入籍…衹係夠時間就可以申請、政策審批到時已經係下家莊話事、最難諗就係阿爺點玩、法理人定嘅…你初一我15、用BN0投英…香港ID就冇埋、原則一樣。
4. 英癈數精 2020-08-28 15:31:17
英帝最叻係面皮厚。
5. ! 2020-08-28 16:23:44
從自己住厭的地方,移居到別人住厭的地方,好似冇乜so.   

6. 鳥5 2020-08-28 17:34:33
十一哥,有見地...哈哈
7. 鳥5 2020-08-28 17:37:08
中英大莊..結果大部人書$,小數人贏錢..哈哈
8. 鳥5 2020-08-28 17:39:14
Good 水移民,冇水難民...
9. 引刀一快 2020-08-28 18:57:23
所以話呢,依家最佳投資就係大灣區,唔中意返大陸,咁咪去外國闖吓,充實一下自己,千祁咪學果啲冇回鄉證嘅人咁,人地返大陸又話人匿表哥褲浪底,人地去外國又咒人冇得返歸,所謂學問,就係呢樣嘢,學做好人。
10. 引刀一快 2020-08-28 19:02:21
鳥5兄

全世界都係講利益,最緊要就係各取所需,如果今日出一批人去英國學嘢,過得十年八載,回流返嚟果啲對香港好有幫助,依家香港人英語水平已經越來越唔突出,慢慢兩文三語一路退化,點做金融中心呢。
11. 鳥5 2020-08-28 19:38:09
刀兄,當然(国際城市)...不過要7至1O年後.先至有用..中美博弈..西歐美國,嚟緊嗰三五七年都係窮人!呢個係事實!
12. 鳥5 2020-08-28 19:39:43
英國五年免簽工作...對香港人係有用...不過嚟緊三五七年鬼佬仲有排窮!而家過去工作冇競爭力!洗下錢就得
13. 鳥5 2020-08-28 20:36:22
移民代價5係細...5只係眼前價格!但而家每個香港人恐懼我個人覺得大於事實!理智D啦!
14. 人望高處, 水住低流 2020-08-28 20:38:30
英國人工高, 職位多, 樓價平一大截, 和舊香港文化氣息一樣, 香港人才空洞化, 樓市爆煲係必然既事, 自我安慰都冇用.
15. 鳥5 2020-08-28 21:06:41
恐懼大於事實...諗下啦!慧根要靠自己修....冇平常心..個人談不上冷靜..唯物所制...更談5上(理智)做決定
16. 鳥5 2020-08-28 22:13:42
不過14F,香港D樓係要大跌,D果我同意..
17. MT 2020-08-28 23:40:48

14/F,

英國人工高,職位多,你可能攪錯左啦

18. 元朗灣區人 2020-08-29 06:18:42
其實14樓,走咗去英國未?

得個講字無意思。

英國和舊香港一樣?

隨地吐痰? 定係週街小販?
19. 張先生 2020-08-29 08:24:19
路透會,
一看就知道你對樓同股認識有限,從你只寫到科網最好一面,卻沒寫到多少人以前在科網輸到破產例子非常多?!滕訊上升前也由470跌到200多,足足不見4成,你揸了重貨,跌了4成,心情如何?不是每個人都有那麼好的心理質素,到你手上的股票在大市不斷升但你的股天天減值?會否受心魔天天影響要你換馬呢?一換就左一巴右一巴呢?從數據上,十個人有九個買樓致富的確很多,買股發達及有持續性嬴錢其實真的不多,十個可能有半個能做到吧。

由始可見,閣下只是一個入世未深的無知股民,本人也有港股ATMX,京東及美股FANGMA 即AZN, APPLE, NETFLIX, GOOGLE, MICROSOFT, FB等,全都有一定數量 ,但我認為股市變化1天都可翻天變臉,絕對不夠港樓穩定穩賺,時代及周期短變化大,除非在非常低位已增持大數量的科技股,以我的組合如美團成本公是70多,APPLE 一百不到,滕訊一百以下,當然沒有問題,但現在或幾個月前再炒賺大錢的人難保之後穩賺不輸,因股值已呈現泡沫,你不追價,你賺不夠,你一追,平均價上升危及你組合安全性及風險,買輪丶牛熊丶期權,風險更大,注碼控制需要精準,否則隨時輸身家!
在我多年投資股、債、樓來說能做到穩中實賺就只有港樓了,這裏不是叫人瞎買樓,只是說分散風險的重要性,而不只是說某種產品一定好過另一種,而是各種投資物各有好壞,如有資金,資產組合最好分散在港樓,股,債,金,外滙。
20. 引刀一快 2020-08-29 09:07:35
鳥5兄

如果係一心只要舒服,咁未來幾年大灣區有境,內陸人口肯定繼續外移,國家物資會先滿足一線城市。

但係人都係要磨煉,趁後生辛苦一下,年紀大自然沉澱厚,依家香港好多才俊,其實咪又係出過去回流返嚟嘅。
21. 資金湧入香港 2020-08-29 10:04:47
2014年佔中時,香港M2(港元加外幣)有10萬億,而去到上個月,香港M2已經宊破15萬億。今年不少港人把錢搬到新加坡,但亦有更加多錢流入香港,主要係多得侵侵,搞到大批中資股從美國轉倉香港,搞到港元需求大增。

香港M2係新加坡5倍,股市日成交額比新加坡多差不多20倍。星交所快收擋😀。

香港樓市冇得跌,明年樓價創新高是必須的。香港大把人股市賺到錢,全球狂印鈔,谷成股市,股市賺到,部分必會流入樓市。港股整體30萬億市值,升1成都不得了。港股大升,却又要港樓大跌? 除非香港人轉死性。
22. Hongkonger 2020-08-29 13:03:04
21樓講得啱。
23. 十一哥 2020-08-29 16:03:15
香港好地地、點解會吹到好似打到嚟咁嘅 ? 好命就多呻吟 !


24. HongkongerX2 2020-08-29 19:54:49
回十一哥,香港人多年来年年都冇病呻吟, 月月都話香港未日快到,年纪大的港人,大家對此都麻木咗。 移民潮後,就一定系来一波回流潮。次次都話今次唔同,但結果次次都系一樣。香港是福地。
25. 鳥5 2020-08-29 20:19:13
刀兄,香港轉型要3至5年..今次係欧美都要high...中美博弈貿易戰====亞洲第一high係韓国第二係日本.台灣..今年新架坡,澳洲===美國最大堡...日本第二.星架坡第三...大陸GDP最勁都冇一半...香港酒店毫宅商舖要即走高位計得一半...中下價平...但D租8拆...疫情後係大陸業主返港沽貨..3年前樓花而家入伙租金下行...QE又點毫宅商舖跌呢?啲人真係一廂情願!
26. 鳥5 2020-08-29 20:19:16
刀兄,香港轉型要3至5年..今次係欧美都要high...中美博弈貿易戰====亞洲第一high係韓国第二係日本.台灣..今年新架坡,澳洲===美國最大堡...日本第二.星架坡第三...大陸GDP最勁都冇一半...香港酒店毫宅商舖要即走高位計得一半...中下價平...但D租8拆...疫情後係大陸業主返港沽貨..3年前樓花而家入伙租金下行...QE又點毫宅商舖跌呢?啲人真係一廂情願!
27. HongkongerX2 2020-08-30 17:14:05
今年唔大煲,老咪就不會狂印鈔,美股就不會狂升。所以老咪死得越多人,股市就越顛。香港今年唔大煲,隻388何德何能可以升穿$500蚊。搞笑。
28. Hongkong People 2020-08-31 11:08:20
14樓,

英國人工高,真係美麗的誤會,朋友個女,英國大學畢業,係香港揾唔倒份似樣嘅工,返咗英國利物浦working visa, 係英國做份有關推廣網頁嘅工,都係新興行業,有嘢學嘅, 但佢話如果working visa 5年後要再續,年薪就要有3萬英磅,而係利物浦就基乎唔可能俾倒,一定要去London先有機會. 5年工作經驗俾唔倒3萬英磅年薪,真係唔可以話髙人工. 回想當年小妹94年大學畢業,98年已接近3萬英磅年薪了(相信我唔係少數).我家先生更接近8萬英磅年薪 (不過,佢係少數較幸運嘅人). 英國真係唔算人工高.
29. 向泛民说不 2020-08-31 12:31:50
28楼,英国鬼的GDP per capita仲低过香港,就是比香港穷,还有英国和香港一样,都系去工业化非常彻底,也不想工业化,还要因为退出欧盟要被迫选边,选美帝,就失去中国,但是美帝在经济上和他说竞争关系。又不能选中国,而伦敦的金融中心在脱欧之后,怎么生存呢?香港最少有阿爷保证香港作为金融中心,暂时和上海深圳是在两个跑道上,还有如果香港有有问题,最多像10年轻深圳一线和2线开关,到时香港和深圳开关,到时由龙头深圳带起香港。

真系非常无面,10年大家都以为深港融合,香港是大哥大,现在看来是深圳才是大哥大。
30. 向泛民说不 2020-08-31 12:36:38
26楼,香港转型,讲笑咩。香港继续玩大陆的美金金融中心。当然这也要看美帝的面子,现在是有点困难。至于自由行,2019年年中之前是最好的,以后香港班废青都唔知道点生存。

还有饭民利用数码港问题不断否决香港的再工业化。而香港人可以低能到相信自己搞吾起,结果就是大疆去了深圳发展,为深圳经济努力,其实香港很多大学研究都去了大湾区发展,根本就是因为饭民否决了香港的再工业化,导致了香港根本不可能转型。
31. onclerkclerk 2020-08-31 14:56:42
以專業人員來說, 英國比香港工資低一半以上, 如四五年經驗护士英國每月二萬幾港纸, 香港可去到四萬, 我家里有人做醫生月入十幾萬, 但去 到英國要再考試, 就算合格搵四萬都好免強.
32. philiP HK 2020-08-31 15:23:25
英國樓升是表面現象,要買英國樓的朋友要三思!不同香港,英國樓宇按揭貸款十分麻煩,需要先向香港的銀行查詢,英國的銀行喜歡投資者多過自住,按揭成數也不一樣。建議買樓之前先做好功課。英國的經紀不會幫你度橋上車!而且,英國人好草根,基本上少買二手樓,外國投資者又比較喜歡新盤,價格即使上升,也不一定有買家承接,干升而已!所以投資英國樓,在資本回收上比香港困難得多!
33. 98年已接近3萬英磅年薪了 2020-08-31 16:16:04
九幾年做個經理仔都六萬五一個月,而家做咗經理可能都係六萬。
34. 英爆 2020-08-31 17:01:01
英國脫歐後,蘇格蘭會脫英,北海油田歸蘇格蘭。然後北愛會脫英同愛爾蘭統一。

支爆唔爆唔知,英就一定爆。英爆後會狂加稅,所以要搵香港班儍仔去埋單。
35. onclerkclerk 2020-08-31 18:02:38
以前華人在英多做餐飲炒收鑊外卖店,搵倒錢但做到五癆七傷,新一代華人很多已是專業人仕,醒目的中年人就買楼收租,像我之前說香港窮人最好去英國(窮人是指元朗屯門有層百零二百零呎的楼約值三百萬,奀打的算赤貧,赤貧不要去,買機票都無水,古人一早說貧賤不能移),在二三線城市買两間獨立屋,一間自住,一間收租.   我有個朋友大約四十歲,在二線城市Bristol,那次我去探他,看見有個婆仔退休賣獨立屋£27萬,他還價£25萬成交,跟著他拿£2萬叫裝修师傅換喉換暖氣加塊板变五個房間,之後在網上招租两日滿座,盛惠位位£400/月.  他說十年前已開始買houses收租,現已有40間房,開間公司平時維修報埋稅,一個月十幾萬港纸袋袋平安.

36. 九幾年 2020-08-31 18:09:50
九幾年好似做咩都好, 揸貨車, 做廠長, 甚麼會計仔攞埋 hardship 都三萬起跳, 當媚軟出左 win98 就唔得嘞。
37. 現已有40間房 2020-09-01 00:28:40
港騙將劏房此 financial engineering 到英倫發揚光大,紐西蘭還會遠嗎?
38. 引刀一快 2020-09-01 07:06:10
鳥5兄

依家準備推新一波移民香港,攞香港身份證可以保留大陸戶口,已經有批人準備落嚟,到時香港呢邊肯定做配合,分段撤BSD,果度水位好大,最後手段就係恢復買樓移民香港,今次上面大水,唔少人想離開。我諗要港樓跌,除非係上面爆咗先,如果上面先爆,咁就不一定會繼續托港樓市,托都托唔住。

39. 唔少人想離開 2020-09-01 09:06:25
就係因為咁所以是鬼故。
40. onclerkclerk 2020-09-01 10:04:11
37th floor

英國那些house屎是三房两廳間格, 加塊板变五個單位, 严格來說不是劏房,是分租房間, 英國地方大,打工仔收入不多,人们到处工作讀書, 所以這些分租单位包水電wifi 很受歡迎,投資者可算做福人民.

真正不人道的劏房在倫敦,,可以一劏N間房,廁所 放在床頂,  之前有個業主一劏十五被告上法庭, 最後被罚£150萬, 是150, 港幣千五萬, 法官說極不人道, 一定要俾, 唔比充公你層楼.
41. 引刀一快 2020-09-01 11:11:08
香港人嘅身份,逐漸變成一個旅遊護照。
42. 投資者可算做福人民 2020-09-01 11:15:44
禾當然明白啦, 其實英國的居住環境, 天大地大唔知點解都係好就真, 如果投資者肯俾大啲, 係好吸引。
43. onclerkclerk 2020-09-01 14:44:50
我時時都後悔來英國

太遲


英國在我來說都可是天上人間了, 每日吃完早點後開部两個轆单車在山間運河邊飛馳, 累了就大字在樹下綠草地躺下,望著藍天白云,看看遠處像童話故事的houses 屎,吃著新鮮採的野菓, 間或有隻野馬來問你攞食,懶理緊張的疫情,不知人間何世.
44. tsuitim 2020-09-14 15:03:35
所以,如果有能力買層英國樓,或者買個倫敦樓盤,英國去睇係咪?睇資料話未來5年英國樓盤既整體價格會升14%,而倫敦樓盤更加會係升18%。

45. 引刀一快 2020-09-15 21:01:49
To 44樓 onclerkclerk兄

請問英國俾唔俾用電動單車?
46. 向泛民说不 2020-09-16 10:50:08
27,28楼又玩一唱一和。不过人民币最近大幅升值,已经升了5%,也就是香港楼价对人民币基本上贬值了5%,今时今日深圳楼价是天价,卖一层楼,然后来香港买层,完全无难道,加上香港税低,可以避税,美帝突然话冻结,你话惊吾惊。