地產博客 > 文亮言 返回
瀏覽人次:6907    回應:9
文亮言
香港官員應該到國內學做官
 
湯文亮博士
紀惠集團行政總裁
2020年7月15日

  有初級官員同我講,在今次新冠疫情,香港其實是比很多地方好不知多少倍,但沒有太多讚賞,更沒有掌聲鼓勵。在限聚令解封之後,疫情反彈,確診人數增加,立刻被人話政府對疫情管制不力。政府於是從善如流,推出抗疫辣招,又被人鬧到爆。在香港真的是做人易,做官難。

  什麼做人易,做官難。在曾蔭權開始,香港官員的首要任務就是將問題壓下去,沒有問題出現就毋須解決問題。這與特朗普話如果不做新冠測試,就沒有確診有相同概念,就算解決樓市問題也是一樣。辣招壓抑需求,沒有需求樓價就不會上升,亦毋須增加供應。事實上問題只不過是被壓下去,總有一日會爆發,在樓市就會出現暴升,在社會就會出現暴亂。林鄭唔好彩,硬接兩個波,有乜辦法唔被人鬧到失暈。

  回歸23年,中國政府始終沒有要求做一件事,就是要求香港官員到國內城市學做官。如果大家了解國內官員晉升制度,就知道能夠上位的官員都會在不同省市做過官,而且得到相當好政績,香港官場只是塘水滾塘魚,經驗不足,又如何可以做到好官?澳門突然爆出賀一誠,而賀家做工業出身。老實說,在澳門做工業,得啖笑而已,但賀一誠做了澳門特首之後,香港以及香港官員就立刻比下去。在疫情開始時,澳門已經提出還息不還本來解決資金不足問題,香港隔了一段時間才跟隨。在防疫方面,澳門亦比香港做得好,理由是賀一誠曾經到國內學做官,中央政府應該要求一些香港官員到國內學做官,一來可以吸收多些經驗,二來可以增廣人脈網絡,對解決問題絕對有幫助。香港官員到國內學做官,這亦是大勢所趨。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 在曾蔭權開始 2020-07-15 11:24:59
如果貪曾在內地做官,一早已經剝奪權利終身,點會有大髮官開門放佢出嚟?同一道理,所以阿爺又點會信鄉講的髮官?
2. Hongkong People 2020-07-15 11:39:32
認同
3. 香港官場只是塘水滾塘魚 2020-07-15 12:35:06
阿曾係精仔, 接受招待食晒落肚; 阿許係蠢仔, 收左錢先收埋黎自己食, 咪中晒囉。
4. 到國內學做官 2020-07-15 13:01:42
收野食同收錢買野食有咩唔同好似唔係大髮官放佢走之藉口, 理由好似係小法官唔正確引導陪嬸團, 所以新安法下連陪嬸團同福核都 cancel 埋, 只好怨自己了。
5. 元朗灣區人 2020-07-15 13:15:38
某程度香港扎了腳,包括思想,生活習性,政府,醫療…

!!圍村

暮氣沉沉。
6. 那些年 2020-07-16 00:12:20
唔同意1樓,如果在內地,貪曾肯定冇事,村長貪嘅錢肯定多佢10倍,不過一定都唔會有事.
7. 引刀一快 2020-07-16 06:00:16
咁不如全香港學生返大陸讀中四中五仲好喇,大灣區嘅中學絕對有能力吸納兩屆香港中學生,大不了去埋清遠韶關湛江茂名。
去湛江果啲著數呀,湛江尖子一向好勁。

喺大灣區讀完中四中五之後,可以選擇喺大陸升大學,讀完大學可以試試做村官,掛職喺大陸各個城市。
8. 十一哥 2020-07-16 09:33:08
跟住  刀刀  足跡、正正經經~專業打更~都算係有出息。

10. 引刀一快 2020-07-16 16:44:29
十一仔,冇回鄉證,打更都冇你份喎。