地產博客 > 文亮言 返回
瀏覽人次:11816    回應:15
文亮言
澳門早已有聯繫匯率
 
湯文亮博士
紀惠集團行政總裁
2020年6月1日

  特朗普本來在星期六凌晨兩點宣布因不滿中國政府向香港施行國安法而推出的制裁措施,最後要等到兩點五十分,講了未夠十分鐘便講完。有人話這十分鐘的演說等同向中國宣戰,亦有人話沒有什麼大不了。我認為雙方不用爭拗。如果認為雙方宣戰就宣戰,認為沒有什麼大不了就沒有什麼大不了,各自圍爐取暖,免傷和氣。

  有老友話,特朗普的演說雖然沒有實質措施,但這才是最恐怖。美國可以隨時因應形勢而調整,今次香港死梗。尤其是美國取消香港的聯繫匯率,如果這樣做,香港的金融中心地位不保。老友引述大行話,只要有一半在香港擁有物業的業主賣樓,就會涉及撤資5000億,相信於四月底外匯儲備14%,聯繫匯率可能會受到衝擊,香港未必可以頂得住。大行用假設性的數字做分析,有沒有一半業主賣樓仍然是未知之數。即使有一半外國業主賣樓,但是他們也要還按揭貸款,最低限度佔一半。所以,就算大行的假設屬實,最多是撤資2500億,香港應該可以頂得住。做少少分析已經將撤資數目減半,大行的分析是否根據早已設立的答案而定,要問他們才知道。

  至於聯繫匯率,這是保障美國在香港的投資,並不是香港人去美國投資。入去的時候可以用7.75-7.85港元兌換1美元,走的時候用1美元兌換7.75-7.85港元。現在是香港政府保證美元在香港的兌換率,有咁著數的事,特朗普又點會取消?而事實上澳門早已實施聯繫匯率,大家在過去幾十年去澳門玩,如果用1000元港幣,很多商店食肆都會以1030澳門幣使用。不過,將澳幣以差不多兌換價換回港幣就不能,所以只能說半聯繫匯率。

  老友唔信,於是我同佢去一間茶餐廳食午餐,食完用美金找數,一蚊當八蚊使。如果茶餐廳老闆食腦,歡迎客人以八蚊港幣兌一蚊美金。當然唔會有人這樣做,但也可以算是聯繫匯率,不是半聯繫匯率,茶餐廳這樣做,我相信不用得到特朗普同意。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. O 2020-06-01 11:27:15
個人理解, 聯繫匯率係香港政府既政策, 點到美國話取消? 要逼香港政府取消, 起碼需要動用一千億美元換走哂香港政府既儲備資金, 先有機會。我都未計銀行體系有過萬億港元存款。
2. 十一哥 2020-06-01 12:30:39
證明咗11哥一向所講…財資界好多kol係啜住牛奶嘴、字面粒粒識…成篇就睇唔明、一學人解釋聯繫匯率機制就出醜。


3. 湯粉 2020-06-01 12:32:18
五千億港元碎料。現時香港存款大約有14萬億,中國M2更加有200萬億人仔以上。只要中國綜合囯力,尤其系軍事及核打擊能力不斷提升,冇有怕。

中國首要的重任,就係增加核彈彈頭至最少三千個,並全力發展遠程導彈。
4. 向泛民说不 2020-06-01 14:18:27
班黑衣畜根本唔知道联系汇率其实是保证鬼佬赚钱之后,可以用1美元对7.8转回美国。

当然美国可以当香港是伊朗等那样,不可以用美金交易,如果是这么,老美肯定牺牲更多。要知道老美和英国在香港投资有多少,怡和,太古汇丰,大魔,小魔。数于万亿的利益,老美愿意牺牲吗?

在中美脱钩的情况之下,老美遏制中国已经是公开的事实,老美对香港的政策的决定都是在考虑是不是利大于弊。如果是利大于弊,老美就会出招。
5. O 2020-06-01 14:47:16
當年亞洲金融風暴, 索羅斯帶住四百億美元橫掃泰國菲律賓印尼,就係香港被擋住。 印象中,當年港府先得三千零億儲備。
6. 向泛民说不 2020-06-01 15:16:01
现在最大的风险是老美将暴乱赖系大陆上,现在连登仔已经开始造谣。
7. 當年港府先得三千零億 2020-06-01 15:17:51
當年老朱話佢會找數
8. O 2020-06-01 17:03:30
睇返呢幾次既示威, 連登仔呎吹水能力弱左好多。  佢老尾火燒後欄,又收唔返之前既言論只好賴中俄。 當然連登仔筆數國安法立完可以慢慢計。
9. 慢慢計 2020-06-01 18:09:46
唔係冇追數力嘅咩?
10. O 2020-06-01 18:38:53
呢班搞屎棍會忍得住唔搞野?
11. 忍得住唔搞野? 2020-06-02 10:25:56
搞動作嘅人在現有框架下已有規則處理, 咁新法係用來處理咩現在處理唔到嘅野呢? 而且都係返返果個問題, 涉及國家安全的罪行不嬲都係由國家層面終審, 是不會由地方選擇性執法裁決的, 你想想, 在本地終審要十年八載, 咩法都廢武功啦。
12. O 2020-06-02 12:41:42
人大有釋法權,大陸終唔終審唔重要。 打起官司知疑犯為左輕判,個個都要簽到守行為, 打個十年八年比起坐監更難受。 睇下班義上了法庭都西裝骨骨就好笑。
13. 就好笑 2020-06-02 14:23:52
釋法次次都係人大出黎做醜人。777, SJ, 楊鐵, 李國, 等等, 都行出來, 都係想保住行普通法同檢控審判權, 係咪? 阿爺會唔會再着一次道兒呢?
14. O 2020-06-02 17:56:15
所謂民主政治咪就係爭相扮好人,鬥講大話,呃選票。建制泛狗都為左選票唔夠膽做衰人,講真話。 阿爺唔須要選票所以先肯行出來做衰人, 唔通睇住香港成為英美攻擊中國既前線?
15. 唔通睇住 2020-06-03 11:14:19
兄台你會唔會諗大左?