地產博客 > 文亮言 返回
瀏覽人次:11633    回應:4
文亮言
跟著物業代理去投資
 
湯文亮博士
紀惠集團行政總裁
2020年5月29日

  有老友打算移民,台灣是其中一個選擇,知道我識得不少物業代理,可否介紹給他。待他了解台灣樓市情況,隔山買牛,都是穩陣一些比較好。受人所托,於是搵這方面的專家,我知道某香港著名物業代理行在台灣有不少分行,問他們應該沒有錯,答案出乎我意料之外。對方回答,的而且確在台灣曾經有過10幾間分行,但閂下一間,閂下一間,現在只剩一間,而且是苟延殘喘,幫唔到我的朋友。按這個情況來看,又不是太多人在台灣買樓,最低限度比日本或者馬來西亞少。物業代理搵唔到食,自然閂下一間,閂下又一間。

  我的投資心得有一條,就是跟著物業代理去投資。假定去到某個屋苑,見唔到或者很少物業代理行,就算帶我去睇樓的物業代理都是由其他屋苑到來,這表示那個屋苑的成交量很低。如果買來用作自住還可以,用作投資就要多考慮,因為當要賣走的時候就會發覺困難重重。所以,我不會在那些屋苑買樓,但如果去到某些屋苑,例如港島區太古城,九龍區黃埔花園等,有很多物業代理行,要買要賣,放租或者租住都很容易,但兩者亦有分別。如果買賣,就應該搵那些大行,話哂盤源與客源都比較多。如果租住或者放租,就應該搵那些地區性小型物業代理行,他們根扎屋苑,熟悉屋苑內的出租盤,亦是他們的收入來源。而大行經常換人,大行的代理對收租盤興趣不大。如果叫他們放租,隨時搵到一個買家將放租物業賣走。

  老實說,去全世界任何地方買樓都沒有問題,但如果要賣樓,都唔知道要等幾耐。所以,咁多人喜歡在香港買樓。無他嘅,香港有40000個物業代理,地產市道應該很暢旺才可以養得起咁多代理。如果唔知點做,不如跟著物業代理去投資。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2020-05-29 11:02:49
仲有一招,就係跟著靚女去投資。

當一個地方開始出現靚女,就係時候投資,滿街靚女嘅時候,性價比就冇咁好。
3. PHILIP HK 2020-05-29 11:48:56
 難怪博士咁成功,這是投資的金科玉律,可惜我今天才知道,以後要好好利用。謝謝博士!
4. 博士好嘢 2020-05-29 15:17:47
湯博士👍
5. 醉未醒 2020-05-29 19:39:25
等緊台灣省區國安法幾時出爐。