地產博客 > 文亮言 返回
瀏覽人次:14222    回應:11
文亮言
英首相BJ應立刻結婚
 
湯文亮博士
紀惠集團行政總裁
2020年4月9日

  很多年前,有同學老婆得了頑疾,知道不久於人世。當時同學的確很傷心,但亦很現實,擔心以後冇機會追到女仔,要孤零零過一世,問我有冇計。我話賺錢我就唔叻,不過旁門左道都可以見得下人,以後是否能夠追到女仔就要睇佢點樣對老婆。從今開始,以後對老婆要晨昏定醒,百般遷就。當佢老婆過身之後,其他女士見到他的真誠,必定深受感動,屆時好似食自助餐一樣,任揀。但到最後,我唔知道這個方法行唔行得通。因為佢老婆畀同學真誠感動,唔捨得離開,到現在仍然非常恩愛。

  新冠疫情肆虐全世界,英國首相BJ提倡群體免疫。他認為如果有六成市民得到抗體,全國人民就會免疫,但這個方法要死很多人,國民要有失去至愛的心理準備。今次真的是好嘅唔靈醜嘅靈,提倡群體免疫的BJ竟然確診,而且在沒有理會之下,情況愈來愈壞,最後竟然要入lCU,是否能夠康復是未知之數,有人話今次真的是作法自斃。

  其實不能怪BJ,因為他知道英國醫療系統冇可能承受今次新冠肺炎患者的數量,提出群體免疫亦是無辦法之中辦法,最低限度會令一班在英國讀書學生打道回府,起碼可以舒緩一下醫療壓力。老友問什麼是群體免疫。其實,如果懂得下圍棋,就知道什麼是群體免疫。唔懂得亦唔緊要,群體免疫是隔離的一種方法,不過就以活人做隔離,活人唔死,就變成一道屏障,阻止病毒擴散。其實是很殘忍,殘忍在唔死兩個字,因為一定要死很多人才搵到唔死的人做屏障。老實說,我亦非常佩服英國佬,咁殘忍的主意可以搵到咁優美的詞語,以血肉之軀來抵抗病毒,我就會叫血肉長城。

  老友話如果BJ有乜三長兩短,英國是否會踢哂腳。一定唔會,英國在管治方面上哂軌道,BJ唔掂,外相頂上,少少問題都沒有。不過BJ那位已有身孕的未婚妻就慘啦。所以,即使BJlCU都應該立刻與他的未婚妻結婚,倘若有乜依郁,他的未婚妻就變成遺孀,連同BJ的未出世小孩亦可以享有已故首相的福利。如果唔結婚,她們就是寡婦孤兒,而全英國人民見到BJ如此有情有義,下一任首相都唔使選,一定由佢繼續做,如果唔瓜的話。

 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 長期讀者 2020-04-09 10:50:45
我諗係最近睇大醬園嘅結婚沖喜,或者救得返當事人😂
2. Fisherman 2020-04-09 11:48:24
英殖時代,有一單身公務員患重病即將離世前,與一素不相識的年輕女子結婚。根據英殖規定,公務員遺孀可領取相當豐厚的撫卹金。
3. 真真薯片 2020-04-09 14:28:43
BJ搞成咁,突顯英國情報系統唔惦,而BJ本人既判斷都唔惦,好多領袖都公開講冇事冇事,唔洗擔心,但私底下係極度小心,只有BJ一個原來係真心,真係以為冇事,on9既程度簡直可以寫入歷史
4. 引刀一快 2020-04-09 15:19:30
不如陰謀論一下,BJ有冇可能係詐病呢?
一招苦肉計,世界關注,各國人心惶惶,病榻之下發動追索潮,中國亦唔好意思同病人硬拼。當BJ再出關之後,可以以復仇者姿態出擊,理所當然對中國強硬。

陰謀論咋。
5. BJ到極致 2020-04-09 17:44:45
BJ先詐病,然後詐死,然後下個禮拜復活節後宣布復活,帶領一班英國肺炎僵屍向中國尋仇,認真震撼。好彩我地有僵屍先生。
6. 十郎 2020-04-09 19:23:11


      BJ條肺癆鬼邊有咁叻識得詐病 , 國之將亡 , 必生肺癆。給台灣叫做黑鬼的世衛秘書 , 夠膽小7特朗普 , 現在中國才是大哥。

7. 鳥5 2020-04-09 20:04:23
刀兄,高章!睇5到壞影向!只有好幾多!不過真係要好好戲!要核心幾個人保守秘密!難道唔高!不過暫時睇唔到係事實!
8. 鳥5 2020-04-09 20:05:54
死六七千人。要交代國民,又要團結國民!有啲難度㗎!
9. 鳥5 2020-04-09 20:10:55
自己都病埋!等同向受傷害國民,身受同感!團結國民,容易處理!上下一心!政治家perfect Good Show!我嘅角度!叻仔!
10. 鳥5 2020-04-09 20:16:53
Bj以後中美欧,以英國特別政治角式,尋找空間!其實比較歐盟!咁多包袱!容易好多!英國最大對手!未來五年其實係歐盟,唔係中國!
11. 引刀一快 2020-04-10 06:52:29
鳥5兄

王子病咗,關注度冇BJ三分一,英女皇危危乎,肯定吊住全國老百姓心肝。
佢一話病,冇耐就開始傳普京,九成有樣學樣喇。