公司決定取消整個二月的應酬，我可以回家吃晚飯，屋企煮雲吞。我同老婆以及菲律賓家務助理講，她們包雲吞，我煮雲吞。因為每一次由她們煮雲吞，都甩皮甩骨，唔到她們不同意。真奇怪，我煮的雲吞真的沒有甩皮甩骨。
我的家人不知道，我在小時候經常去澳門六記食雲吞麵，每一次六嬸都親自淥新鮮雲吞給我。她首先開大爐
火，將新鮮雲吞放下去。當雲吞浮上面，她會加一殼水，雲吞馬上沉下去。當雲吞再次浮上來，六嬸會再加一殼水，再浮上來的時候，六嬸就會將雲吞放在新煮的麵。我問點解唔一直將雲吞淥到熟，六嬸話這樣會甩皮甩骨，一定要三上三落，仲叫我唔好同人講。我相信現在很多人都食過六記雲吞麵，但很少食得到新煮的雲吞。我講大家都唔會信，從食雲吞麵當中，我了解到罷工的步驟。如果步驟正確，就算不能得償所願，但仍然可以全身而退。
大家可以睇台灣長榮航空罷工。當航空服務員開始罷工，長榮搵一個中級管理人員商討，服務員話公司有誠意，暫停罷工，雙方傾唔掂，服務員又話罷工，長榮於是派高層管理人員再傾，又暫停罷工，傾唔掂，又罷工。最後，長榮派總裁出馬，應承服務員一些條件，並且表示，如果再傾唔掂，一定會秋後算賬，結果當然是復工。
香港醫護人員罷工的做法有所不同，他們要求一步到位，林鄭唔出來唔傾，唔應承他們的要求立刻罷工。即使政府局部封關都唔得，第一日第一階段，第二日立刻升級，不符合三上三落的談判技巧，搞到現在冇得返轉頭。本來，醫護勇往直前，其他人不能夠說什麼，但可惜他們要求不可以秋後算賬，即是話畀政府知他們擔心秋後算賬。醫護不明白，狹路相逢勇者勝，我認為醫護勝算不高。
有人話我又亂作文章，六記六嬸點會煮新鮮雲吞麵給我食。有什麼出奇，六嬸交租畀我阿媽。
App下載
