近日唱淡樓市的新聞如鋪天蓋地，不但連物業代理都唱淡，甚至有很多大好友亦轉軚，但我有一個買了樓幾年，已經毋須繳交SSD的年輕朋友竟然無動於衷，雖然供樓比較吃力，又要面臨加息，明知賣樓之後財政比較鬆動，又不用擔心加息，但仍然沒有打算賣樓，令到不少替他擔心的人摸不著頭腦。
我問年輕朋友點解咁有意志力，死守都唔肯賣樓，年輕朋友話除了他仍然有能力供款之外，即使加息，唔超過3%，
即是壓力測試底線，他亦供得掂，所以唔打算賣樓。不過，這不是最主要原因，而且在未買樓之前，他是租樓住，即使他願意付市值，甚至高於市值租金，業主亦可能要收回自用，他已經搬過兩三次屋，甚至試過還未拆箱又要搬屋，知道租樓苦處就會買樓。如果為了少少加息而賣樓，之後又要租樓住，所謂見過鬼都會怕黑，除非迫不得已或者移民，否則點都唔會賣樓。
由此可見，現在賣樓的業主在未買樓之前大多數與父母一起居住，自己從未試過租樓，唔知道租樓住的煩惱，買樓之後反而會覺得很煩，家居費用又多，所以，當有機會亦會毫不猶豫賣走自住單位，不但不需要考慮租樓，甚至可以搬返屋企與父母同住，仲慳了一大筆使費，正是何樂而不為。就算賣樓的業主擔心很難租到合適的單位，物業代理亦會話市面上又平又靚的租盤多到唔恨，不但可以鋤業主價，如果單位太舊的話，仲可以要求業主做翻新工程，連裝修都慳返，點解唔租樓。
當業主賣樓之後，奇怪的事情發生了，幫他賣樓的物業代理會話不善長做租務，請他搵其他代理代勞，其他代理又會話，賣樓的時候唔搵佢，點解要幫賣樓的業主租樓，租盤唔係冇，唔通有生意都唔做，只不是會是一些地點不佳，又殘又舊的租盤。
App下載
