近日股市悶到嘔，不過，股票分析員與樓市分析員不同，股市分析員見股市牛皮，成交量低，知道這是反彈先兆，唔敢叫投資者沽股票，樓市分析員有多少不同，樓價只不過比高峰時下跌了8％，已經講到地球毁滅咁樣，講來講去都是話移民潮以及加息，其實影響樓市還有很多因素，不能只講影響樓市的不利因素。
澳門人知道，真正賭錢的人是不會自己落場，他們會搵一個比較旺的人去賭，那個人可能沒有心理包袱，真係會
贏多輸少，但如果那人賭自己的錢，就會變成輸多贏少，所以，就算那些人要賭錢，都會搵一個打算賭錢的人，互相替對方賭錢，我講很少人會相信，真的是贏多輸少，這個方法來自易子而教，最高深的賭錢學問。
現在有不少股票投資者是亂了步伐，不但唔識得在股市上升時止賺，認為股市還有得升，同時亦唔識得在下跌時止蝕，認為股市很快就會掉頭回升，如果那人替別人買賣，唔知點解，又識得止賺，又識得止蝕，所以，如果夠膽的話，搵一個股票投資者易子而教，即是你替我買賣，我替你買賣，我講唔會有很多人相信，這個方法比自己做買賣，贏錢的機會大得多，不過，最難解決就是如果我替你買贏了，你替我買輸了應該如何處理，所以，易子而教雖然是賭錢最高深學問，但始終是知易行難。
App下載
