有同事對我說，有租客對續租的條件不滿意，認為租金升幅由他決定，並不是由我們決定，我話咁奇怪，從來封頂的決定都是在甲方，而什麼是甲方，例如業主、銀行，或者俄羅斯。同事話今次租客要求升幅由他決定亦與俄羅斯有關，因為G7要求俄羅斯生產的天然氣及石油價格由他們決定，所以，續租的租金亦應該由他決定。
如果俄羅斯接受，以後就要醒醒定定，最好立刻從烏克蘭撤軍兼賠償，否則G7在買天然氣時就會要求俄羅斯付
款，不過俄羅斯有冇就範，當然冇，價錢唔啱，連北溪一號都關了，油價點輪到G7做決定。所以，同樣情況，如果續租時由租客決定封頂，不但冇得加租，甚至要減租，價錢可以唔啱傾到啱，但封頂租金一定由我們決定。
大家可能唔信，G7的要求可能並不是針對俄羅斯，無論G7的領導人幾咁蠢，都冇理由唔知道封頂的主動權在俄羅斯，G7或者是G6的目標可能不是俄羅斯，因為在G7集團裡，G1美國亦生產天然氣石油，而且亦是G7以及歐盟的最大供應商，俄羅斯唔可以，但美國可以將油價封頂，理論上美國冇可能唔答應，因為G7，包括美國，亦要求俄羅斯封頂。同樣情況，如果我們有租其他地方，亦要求業主封頂由我們決定，當租客要求封頂，我們很難推卻。現在G7做法叫項莊舞劍，意在項羽，同事話乜唔係沛公，因為劉邦即是俄羅斯唔係自己人，項羽即是美國是自己人。
App下載
