地產博客 > 散文集 返回
瀏覽人次:8229    回應:14
散文集

用首期買股收息去租樓 點解好過買樓?

 

林南冧
東網財經專欄作者 

2021年5月3日 (東方)

  最近樓價重拾升勢,許多樓市KOL都說是因為環球放水、銀紙貶值,通脹刺激樓價向上。為對抗通脹,有位睇淡樓價網友提議,不如將買樓首期,分散投資於收息股,自製現金流幫補租樓支出,既可隨通脹坐享資產升值的好處,又能隨時變現應急。對於網友建議,本欄將進一步分析其可行性,以及提供具體操作方法!

  假設該網友儲下100萬元,若買私樓,一定要博到盡借9成按揭才夠錢,惟七除八扣下,估計最多只能買540萬元的細單位。各項支出依次如下,最大金額是首期54萬元,再來是按揭保險費24.3萬元,另有印花稅16.2萬元、代理佣金5.4萬元及律師費1萬元,剛好將100萬元首期使清光,但還未計裝修等雜費。

  以目前最低H按息率約1.4厘、供30年計算,每月供款16,541元,當中5,778元為利息支出,佔整體供款約35%;若然加借按揭保險費,月供金額則變為17,368元。

  而以同一筆錢買股票收息,又將如何?在此,本欄不建議散戶將錢投放於高風險的投資產品,始終是以買樓首期做前提的儲蓄,當然要最大限度的力保穩健。具體如何做到?答案是在大型恒指成分股中尋寶。

  事實上,藍籌股中不乏股息高逾6厘的選擇,換言之,長線持有一年可坐收6萬元或以上的派息,平均每月5,000元以上,有效抵銷屋租負擔。投資標的則以對抗通脹做主題,可以考慮買內地石油股、電訊股,皆因這些生活必須品大機會隨通脹加價,屬於相對穩陣的公用性質。另外,高息內銀股亦都可以留意。上述板塊大跌的風險相對低,不過為了防止股價波動而令投資變成「賺息蝕價」,確定買入目標後,千萬不要孤注一擲,而是分注吸納、取其均價。

  總結上述兩種做法的優劣。買樓方面,據代理網搜尋所得,540萬元只能買到個別新界區的300餘至400方呎的兩房戶,或者200餘方呎的市區細戶。好處是擁有自己的家,壞處是積蓄「一Q清袋」,更要孭上高達486萬元的債務,每月至少供款16,541元,當中35%為利息支出,另外要繳交差餉、地租。

  而藉買收息股租樓,除了不用繳交差餉、地租,亦不用支付每月逾5,700元的按息,且每月獲得5,000元的股息補貼租樓支出。在香港經濟不穩、打工仔隨時加入失業大軍的陰霾下,藍籌股可以隨時變現的流通性尤其重要。而且,通脹已經降臨,上述股票板塊將會水漲船高,與樓價向下的大趨勢相比,增值能力更高。

  最後,亦是最大爭議的是為何樓價向下的大趨勢不變?問大家一個簡單的邏輯問題,若然全副身家只剩下買食物的錢,請各位撫心自問,你會選擇交租、供樓,還是用來維生?若然答案是後者,那麼在香港經濟出現曙光之前,樓價中長線一定只跌不升。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 若然全副身家只剩下買食物的錢 2021-05-03 09:59:34

咁會點?

咁仲諗住溝女買樓 ?

唯有努力作文呃稿費,草夠首期先買樓囉。

2. 立必樹 2021-05-03 11:54:25
若然買食物的錢只夠自己食,以樓主理論和性格,咁老婆仔女一定放在一傍,所以乾脆唔好結婚生仔,留番份二萬蚊不到的人工等世界末日。
3. 忍者 2021-05-03 15:40:06
佢自己都識講「平均每月5,000元以上,有效抵銷屋租負擔」,即係仲要額外俾錢交租,而租金最後係一蚊都無得袋。

每月供款16,541元,當中5,778元為利息支出」,即係每月10,763元係本金,係第日攞得番。

自己都識諗啦,仲叫人租.....


4. 撫心自問 2021-05-03 18:55:30
好一句“撫心自問”。

其實作者自己信唔信自己講嘅野?

撫心自問你係咪好恨買樓?當然冇本事就即管繼續阿Q,不過時間唔等人,門面說話越講越肉酸。
5. Alan Pepper 2021-05-04 11:15:21
https://inews.hket.com/article/2947799/【香港經濟】香港首季GDP增7.8-勝預期、再谷接種疫苗%E3%80%80總商會:市民未能感受經濟復甦(第二版)

冧sir 是否活在平行時空?

突出盲腸:問大家一個簡單的邏輯問題,若然全副身家只剩下買食物的錢… 

請問「大家」是否「全香港人」?

請問這符合邏輯嗎?不要將某群組的情況代入「全香港人」。「全香港人」不喜歡被代表的
6. 唔知醜 2021-05-04 11:59:21
論面皮厚,冧sir可說數一數二。


7. 引刀一快 2021-05-04 12:08:54
“若然全副身家只剩下買食物的錢,請各位撫心自問,你會選擇交租、供樓,還是用來維生?”

買大灣區喇!供完樓,餐餐一隻白切雞加乳鴿,仲有錢剩兩公婆睇戲呀!
nice!
8. 仲有錢剩兩公婆睇戲呀! 2021-05-04 12:26:32
又過埋五一, 你都係未講響大媽區可以做乜。
9. 餐餐一隻白切雞加乳鴿 2021-05-04 14:31:52
香港嘅稻香同富臨都係賣緊一蚊一隻雞同一蚊一隻乳鴿咋。
10. 一蚊一隻 2021-05-04 15:16:47
你意思係響鄉講養老?
11. 回4樓 2021-05-04 17:36:07
冧 sir當然唔相信自己講既野啦,佢每編文章的heading都是用“?”做結尾,佢自己都唔相信自己開的題目,講咩自然都只是隨口o翁,估估下。。

都係個句:認真便輸了
12. 淡友真面目 2021-05-04 18:49:03
11樓:

世事被你看透了,這個問號又名彈弓手,用來吸睛之餘又卸責,好使好用。
13. 昇升升 2021-05-04 20:57:58
筆者越唱越升
繼續唱
14. 引刀一快 2021-05-05 00:34:52
To 9樓

好呀,一蚊一隻,一人一隻,俾埋加一,咁都係兩個二埋單。
全中國嘅人都要嚟香港食喎?