地產博客 > 資深會員專欄 返回
瀏覽人次:25372    回應:18
資深會員專欄

尋找它鄉的故事

 

Alan Pepper

2015年10月9日

其實應該係尋找既他投資工具,這幾個月睇得太多香港樓市 / CCL 升定跌的討論,睇得有啲悶,所以積極尋找海外物業投資機會,發覺到一啲都唔簡單。又唔知地區好唔好,又唔知價,又唔知點打稅,又唔知貨幣會幾時先至跌完,乜都唔知,仲慘過小學雞。買一間嫌麻煩,買幾間唔夠膽,真正又要威,又要戴頭盔。我唔係李超人,可以攞百幾二百億投資兩間海外公司(係投資,唔係撤資,李超人多多得罪。)

最近研究加拿大 condo / apartment 物業,但係原來物業管理費食咗租金三份一,地稅每年1%,你唔將物業賣出就OK,一旦你買出去,政府就食你25%利潤,2.5% 經紀佣金,又要請會計幫你搞(洗咁多錢我係經紀佣金及會計師最願意俾,因為只係佢幫我解決問題)。如果別無他選,把財富滾存都可以,但眼白俾地政府食咗咁多點都有啲唔舒服。

當海外沒有投資機會的時候,香港比起來就係一個冇咁差嘅選擇。我唔係樓價升死硬派,但係對一個投資者來說,我真係別無他選。畢菲特曾經講過,商品例如黃金石油等等,本身沒有能力創造財富,你買了之後只是等下一位願意比更高價錢買而已,但生意或物業本身能夠製造 value, 即係話每年都會收息或回報。但股票波動令很多人食唔安瞓唔着,喺呢一種情況下,樓價大跌的機會很微,由其是有實力投資者手上的豪宅。

或許,我始終都會揀個海外地方投資,但現在仍然係學習階段,一日來買一日都學唔到野。又或者因為咁悶,我又想買股票了,但對一個從未在股市賺錢的人來說(好彩都未蝕過錢,咁多年都係打個和)這是否明智決定?

全球印咁多銀紙,早幾年令資產價格膨脹,膨脹完了,啲錢再可以去邊度?是否繼續膨脹?如果唔繼續膨脹,咁啲錢究竟去左邊?這段時期我肯定有人賺錢,仲要係賺好多錢,不過我唔知邊個。可能係 Wall Street 班友,呢度有冇高手答到我?我只係覺得市場上高好多現金尋找出路,個個都想個樓市跌的時候,個市真的會跌嗎?

最近王弼翻譯 Beyond Democracy 英文版我都睇過,簡單易明,值得一看。再推薦一書 Capital in the 21st century。雖然我唔同意作者的解決方案,但其客觀事實值得參考。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. AH-HO 2015-10-09 10:39:32
走出去,果然不容易。。。
另謝謝推介2本書。
2. 歷史長河 2015-10-09 11:04:38
多謝Alan兄又出大作,以饗讀者!

題目取得非常好,一下子想起了超人剛講過的「我身本無鄉,心安是歸處」。

「誰賺到了錢」是個大問題,小弟以為:簡單來講在過去幾年借到盡買資產者賺到了錢。恐怕這個情況還會繼續,只因未來還會長期低息。此乃睇大勢。

關於投資海外,冇錯,香港物業holding costs 應該係極低的,但這并不能否定投資海外的可行性。以我個人來講,當時選擇海外主要是因為可以重新高槓杠,付債從零計等,亦即可以短時間建立起規模。

至於選擇海外哪裡,除了係自己熟悉的地方外,宏觀上來講,移民國家勝算大。無他,經濟差時,放開移民就可以輕鬆應對。

一點拙見,僅供參考。
3. Sugar 2015-10-09 11:45:48

長河兄:

嘩,"...短時間建立起規模..."好大野心喎,還以為你是文人雅士...失覺哂!

在下十年前投資過深圳福田區...holding cost比香港樓更低,資產升值約7-8倍.當時我也考察過珠海,發現產業規模遠不及深圳(那時深圳電子巨頭華為,中興已做大).但近年珠海交通改善也不失為一個機遇,限購政策也可能逐步鬆綁.

我個人長遠看好中國大城市資產.


4. 歷史長河 2015-10-09 12:37:30
Sugar 兄,

嘩,你竟然以為我是文人雅士?這讓我情何以堪?

佩服你當年眼光,深圳樓價在過去10年應當跑蠃港樓好多。你未來看好中國大城市應當是對的,中國的城市化進程遠沒有結束,中國的大方向也是對的,完全可以ignore 那些叫囂了幾十年的崩潰論。

當時我曾經去深圳了解過,不過始終未能跨出第一步,後來要出手時又有了限購。欣慰的是,回頭看,在香港的投資也算爭氣,基本上做到錢盡其用,也算投了香港信心一票吧!

雖然唔夠雅,不過掙錢也可當作樂趣。
5. 亞Q 2015-10-09 12:46:13
物業價格走勢許多時不能單看一地,2003年沙士時候香港正是陷入谷低,但是世界其他地方當時已經反彈了一年有多,如果有綜觀全球的話,應該可以看到香港黑暗之後可以再見到光明。又例如2008之後,全世界樓市只下跌了一陣,之後除了美國,其他地方全都重拾升軌。如果此時還執迷不悟,以為樓市還會跌跌跌,則差之千里。現在許多人都在說樓市快要跌跌跌,但是世界其他地方卻一點也看不到有跌的跡象。
6. 打工仔 Andy 2015-10-09 13:20:17
資金跑出去容易, 但跑岩地方就不容易! 
小弟的福田小屋正長大中! 

7. 歷史長河 2015-10-09 21:27:45
打工仔兄,有眼光,不到百倍不要放。
8. 引刀一快 2015-10-09 23:14:46
樓市唔會挺得幾耐,特別係大陸,請大家都記住今日自己喺呢度嗡過乜。
9. 占士 2015-10-10 01:01:45

Alan兄,我請我們FB群裡的高手們幫忙回答您的問題! 

10. 引刀一快 2015-10-10 04:20:26
To 5樓 亞Q兄

你意思係香港樓市一定慢人一拍?
11. Sugar 2015-10-10 09:23:57

長河兄:

同意你的分析.你應該對自己有信心的,不必過謙!

12. 向饭民说不 2015-10-10 10:38:26

6楼,福田楼租金回报肯定比香港好,而且风险更低。----好多港璨,包括自认大陆通的因刀也不知道。

点解话福田回报高,第一,大陆收租是实收,香港收完租,要比管理费,还有每年10%的税,最后实收75%左右。

第二,每几年,收租楼都要小装修,大陆1,2万,就可以搞掂,但是香港无10万,8万,根本做吾到。

第三,如果碰到租霸,在大陆,你可以停水,停电,听讲还可以去将租客所有的物品仍了,然后就可以收楼,最后当地的保安会巴结业主多过租客。

第四,大陆没有凶宅这种概念。对楼价影响不是很大。系香港,影响最少30%的楼价。

13. 打工仔 Andy 2015-10-10 11:51:16
12 樓 向飯兄

回報率都要睇下買入價, 我買時福田未爆上, 計落都合理.
我都係用來養住間屋先. 至於港樓, 小弟都係好早買入, 因此回報率可觀! 



14. 向饭民说不 2015-10-10 12:03:13
就系以今日的市价租金楼价,福田回报肯定比香港好。还有,香港新楼的天价管理费,都好可怕。
15. 向饭民说不 2015-10-10 12:05:35
打工仔,看来你可以退休啦。而中国通的引刀日日做怨妇。
16. 打工仔 Andy 2015-10-10 13:15:29
向飯兄

共勉之


17. 引刀一快 2015-10-10 15:01:52
向飯,你講嘅嘢大部份都係抄我嘅,傻佬,你漏咗様好緊要嘅嘢冇講。
18. 向饭民说不 2015-10-10 17:53:13
楼上,你甘先知,点解好像怨妇,日日忘大陆崩溃,心地真系唔好,你看看,打工仔可以退休。