地產博客 > 蔡志忠 返回
瀏覽人次:19009    回應:20
蔡志忠
2022年3月2日

「暫緩交租」添煩添亂 「即時減租」援助商戶

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

日前財政司司長陳茂波公布將透過立法推行「暫緩追討欠租措施」,指此舉是為受疫情影響的商戶提供保護,以免因欠租被業主迫遷結業。政策史無前例,坊間反對聲音強烈,外界憂慮措施干預自由市場經濟,影響香港私人產權,破壞持之以恆的合約精神,會起了一個壞的先例。

 

「工商舖小業主大聯盟」向陳茂波司長發出一封修正函,提議港府作三個月的租金八成擔保,多名立法會議員也表達了關注,前天陳茂波對措施作出修改,表示願意向受措施影響的小業主提供10萬元貸款擔保。盡管暫緩交租措施本意想幫助租客渡過難關,但仍然有不同的大型飲食集團即時宣布全線暫停營業和分店停止營業,理由是暫緩交租並非不用交租,只是延長商店倒閉的時間表而已。

 

香港受到前所未有的新冠疫情肆虐,各行各業遭遇嚴重打擊,不僅是商户需要救援,業主同樣是受苦一族。正如工商舖小業主大聯盟所描述,業主與租客同坐一條船,疫情下租客經營困難,直接幫助他們的是寛減租金和差餉地租等支出,業主願意減收租金共渡時艱,是對商戶最大的支援。暫緩追租措施提出緩交3個月至6個月租金,只會讓累積的租金變成一大筆,到時租客更加沒有能力繳付,從而選擇關閉商店將公司清盤,結果是業主收不到租金,也引致大量員工失業。

 

政府強調措施是引用外國做法,但似乎只參照了一半,例如美國去年下半年就推出470億美元資助業主及租客交租,而港府似乎沒有對業主有任何支援。此外,疫情下業主與租客有商有量,願意寛減租金,即使這幾年衆多商户拉閘關門,欠下大筆租金逃之夭夭,也罕見業主訴訟封舖收樓,未知港府是基於甚麼準則,突然要立法推行此緊急措施?

 

“撥多30億元  拯救中小企業”

 

推行一個好政策,必須對症下藥才能利民舒困,否則可能變成添煩添亂。因此,本人提出以下修正建議:

 

根據估計,這次受抗疫收緊措施影響的指定行業商店約有4萬間。筆者提議由港府資助每間店舖租金四成至一半,上限為5萬元,租客及業主每人承擔另外的三成,基於有一半店舖租金在4萬元以下,即此類商舖只需資助2萬元以下,那麼港府每月動用的金額大約為10億元,3個月加起來總支出約為30億元左右。(細節有待改良)

 

簡單來說,就是政府撥款資助租客繳交4成租金,剩下的由租客交3成租金,業主也付出3成,即打7折收租,為期36個月。政府資助做良心政府,業主減租做良心業主,租客交部份租金做負責任租客,這樣才能締造三贏,相信三方面都可以接受。而在現實租務市場上,只有租客保持交租才會繼續經營下去,否則累積龐大租金未付,到需要繳交時極大機會趁機「執笠」走人,這種情況是最大機會出現和最不理想的。

 

筆者認為,今年的財政預算案擬撥款664億元抗疫派錢,顯示港府救市的決心,既然大錢都捨得花,不如就加多一點點,拿多30億元出來支援商户。飲食零售美容和一眾服務性行業是香港重要經濟支柱,港府必須拯救這些行業,既幫中小企業,也保就業市場,更免得通街吉舖影響香港形象。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 自我陶醉 2022-03-02 12:44:48
下,咁都得? 唔係啩?!! 

靠害咩? 個個租唔出舖都求其同人簽張租約當租出咗,呃政府四成租金補貼,咁同幫政府庫房放血有咩分別?  
2. 正確 2022-03-02 16:35:35
自我兄:

假租約騙政府資助係犯法,唔好當香港人隨便犯法至得嘅.
3. 正確 2022-03-02 17:45:38
同舟共濟啦,香港尊重合約精神,政府唔好介入私人市場.
4. 講真話 2022-03-02 18:00:19
租客唔交租唔合法,業主梗係唔制,減租係好方案,租客如果唔接受,就有機會一併走數.唔誠實.
政府唔適宜干預自由市場,否則以後愈來愈多空間干預.
5. 講樓 2022-03-02 18:32:47
港樓有機會急跌,經濟大幅下滑,尤其係商舖唔掂,反而係低吸時機.
6. 自我陶醉 2022-03-02 18:39:51
正確兄

要搵個姨媽姑爹租自己間舖賣咸脆花生有幾難? 租值一萬變兩萬,兩萬變四萬又有幾難? 只要請一條友一日坐幾個鐘看舖,買二千蚊咸脆花生擺響度,你有辦法證明我係假租約嗎?

到時,租金比市值低嘅租戶,隨時畀人踢走換人,整體租值仲無端端抽升,明明吉嘅舖全部都有人租,租舖做生意只會越嚟越難。

7. 西周器 2022-03-02 22:43:51
暫缓交租,不如交一半缓一半,租客才能釋出誠意。
一刀切,如末期癌,冇得救死拖,一半租都交唔出,搵邊個信?

8. 引刀一快 2022-03-03 01:16:35
自我陶醉兄

乜咁唔知趣呀,好多等住呢塊肥肉。

駛乜請人咁辛苦,開鋪轉租放堆自動售賣機,夾公仔 ,兩頭收錢都得。
9. 真相 2022-03-03 01:47:23
真相係利淡消息咁多,單係一個放寬貸款成數不足以穩住樓市.
故樓價跌多過升.
10. 真相 2022-03-03 01:53:16
講到假租約,喺香港機會少啲,夠膽欺騙政府,坐監機會好大.
11. 真相 2022-03-03 01:53:16
講到假租約,喺香港機會少啲,夠膽欺騙政府,坐監機會好大.
12. 自我陶醉 2022-03-03 08:12:41
引刀兄

無計啦,由細到大,我都習慣見到問題一定會提出,正如我一聽到醫院放病人回家隔離一樣,明知死梗,唔通我當睇唔到? 有問題出聲希望得到有關人士關注係基本公民責任,除非我唔希望呢個社會進步!

做人如是,工作如是。如果一間公司請嘅全部都係擦鞋仔,淨係識拍馬屁,見到老闆錯都冇人出聲,日日自我膨脹,對間公司一啲好處都冇, 諗都諗到呢間公司將來會點。

其實我非常同意其他網友嘅睇法,在自由市場,根本唔應該有太多政府乾預。如果業主願意主動減租3成,已經比原先暫緩交租好很多,大把租客會接受安排,租金佔一間小店開支比重咁高,如果減租三成都幫唔到佢,你都唔慌佢在疫情過後有錢交租啦! 政府根本唔須要再攞4成出嚟補貼,免得被有心人有機可乘。



13. 十一哥 2022-03-03 12:10:48
醉婆一向覺得自己好叻喎,所以磚頭咁重…點會孭呢。

14. 十一哥 2022-03-03 12:15:31
醉婆古惑嘢好叻,捐窿捐哪…搵多小着數花好多腦汁,或者呢啲古靈精怪就當係好聰明啦…
15. 十一哥 2022-03-03 12:17:35
座花廳食王家飯…或者都算係着數啩…
16. 引刀一快 2022-03-03 13:06:45
自我陶醉兄

你呢鋪真係傷透十一仔嘅心喇,十一仔預備好嘅洩露天機演說台詞,俾你講嗮先,睇佢幾失落?

佢依家心裡面講:霎那光輝,唔係永恆嘅!

😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒😒


17. 引刀一快 2022-03-03 13:10:01
蔡生呢帖十一仔走咗眼,依家含恨,幽怨到呢.......
18. 自我陶醉 2022-03-03 13:22:56
引刀兄

遲唔緊要嘅,佢都會話自己“Day 瘟”已經係咁諗,最緊要面皮夠厚呀嘛!

話時話我又唔覺磚頭好重喎! 莫非有人自己唔夠斤兩,所以覺得特別重?  哈哈哈!
19. 講樓 2022-03-03 14:56:24

有道德,政府應參考下.


"簡單來說,就是政府撥款資助租客繳交4成租金,剩下的由租客交3成租金,業主也付出3成,即打7折收租,為期36個月。政府資助做良心政府,業主減租做良心業主,租客交部份租金做負責任租客,這樣才能締造三贏,相信三方面都可以接受。而在現實租務市場上,只有租客保持交租才會繼續經營下去,否則累積龐大租金未付,到需要繳交時極大機會趁機「執笠」走人,這種情況是最大機會出現和最不理想的。"


22. 正確 2022-03-05 13:47:34
自我兄好嘢,夠自我有性格,有時都唔明其講甚麼.
不過我同意樓價上半年顯著下跌,下半年會反彈.