地產博客 > 蔡志忠 返回
瀏覽人次:25633    回應:34
蔡志忠
2020年3月18日

金融動盪震樓市

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  新型肺炎疫情在中國開始受控,然而卻在全球不斷擴散,嚴重影響國際經貿往來,觸發全球金融動盪,日前美股一天暴跌近3000點,跌幅相當驚人。環球股市大跌小漲,港股指數在近期共跌了約1/4,美股更誇張,短短兩個月左右下跌了1/3,連股神巴菲特也稱:從未見過如此跌市!

  疫症的傳播風險高過沙士,但是歐美國民防範意識不強,很多老外出外不戴口罩,相信疫情會更快傳播。西方政府開始感到害怕,一方面對外實施短期封關或隔離政策,對內宣布城市進入緊急狀態;另一方面要對經濟救亡,美國在短時間内連續減息0.5厘及1厘,又重推量化寬鬆政策,規模多達7000億美元,歐洲央行也加大力度推行量寬措施。然而動作雖大,效果似乎不佳,環球金融市場仍然動盪不安。

  港府也推出一系列紓困措施,每人派錢1萬元,零售飲食等行業資助8萬到20萬不等,這些小恩小惠措施,筆者只能說聊勝於無。要解決香港困難,港府必須勇於承擔,如金管局降準,向市場釋放5000億資金,冀銀行借貸寬鬆,幫助中小企業渡過難關,此做法較為有效。不過,金融市場的穩定固然重要,但香港的另一個經濟支柱-樓市,也必須保住,釋放樓宇交投來拯救經濟已迫在眉睫。

新樓靈活變通 二手難以效法

  在目前惡劣的環境下,樓市自然不能倖免,工商舖價格一浪低於一浪,短期內似乎難以復原。正當大家都在尋底時,另一邊廂的新樓巿場,卻出奇地出現搶購潮,新世界發展(0017)位於西貢的一個豪宅樓盤,售價幾千萬至過億元,銀碼不菲,但近百個單位短短幾星期全部售罄;而會德豐(0020)在將軍澳的新樓盤首推208個單位,超額認購17倍,開售當天也賣出逾9成單位。究竟發生甚麼事,金融市場明明正在大動盪,樓市哪裡來這麼多購買力?

  問得好!新樓巿場就是有許多不外人知的故事。就以上述西貢的新樓盤來說,首期只付5%至10%,讓買家先搬進去住,4年後才成交相關單位,如此優惠條件,難怪吸引眾多買家和投資者購買;而另一個賣得滿堂紅的將軍澳新樓盤,是因為面積比較細,訂價又低於市價1成多,加上大型屋苑設施齊備,故吸引一眾中小買家垂青。然而,這些靈活變通的賣樓方式,只有發展商新盤才做得到,二手小業主難以效法。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 我要說 2020-03-18 13:31:10
股市咁樣大盪動,樓市必受影響,希望跌小小算了,唔好大爆煲.

樓價跌一點反映事實,蔡生文章有POINT!
2. 我要說 2020-03-18 13:32:57
[問得好!新樓巿場就是有許多不外人知的故事。就以上述西貢的新樓盤來說,首期只付5%至10%,讓買家先搬進去住,4年後才成交相關單位,如此優惠條件,難怪吸引眾多買家和投資者購買;而另一個賣得滿堂紅的將軍澳新樓盤,是因為面積比較細,訂價又低於市價1成多,加上大型屋苑設施齊備,故吸引一眾中小買家垂青。然而,這些靈活變通的賣樓方式,只有發展商新盤才做得到,二手小業主難以效法。]

講得好!學到嘢!
3. 實事求是 2020-03-18 13:45:56
宜家呢種環境就係天災,買樓都係審慎小心,無須急.
蔡老闆投資者身份講樓價跌,違背自己利益好罕見!
4. 跌跌跌 2020-03-18 14:23:34
樓巿大跌才是好事

撥亂反正

根本樓價唔應該咁高
5. 地產人 2020-03-18 14:50:19
地產界講樓市最好講正面啲,好少直接講得太白,否則影響樓市.
6. 讀者甲 2020-03-18 18:22:18
總之言歸正傳,樓價唔可以大跌,否則金融都唔掂.
7. 見樹不見林 2020-03-18 18:25:09

【全球冧市】樓價滯後股市下半年或追跌 蔡志忠:最悲觀跌30%

19小時前
https://hk.appledaily.com/finance/20200317/ROWANFX2VZ3YPKECQGPRXW4TEU/
8. 陰謀論 2020-03-18 18:50:12
回5樓:吓?只可以講正面?樓市咁脆弱?唔通樓價唔跌係假?只係靠吹?
9. 風險評估 2020-03-18 19:24:31
疫症沒完沒了,大跌市來臨,唔係唱淡,各位業主做好防範措施,冇只升唔跌嘅樓市.
宜家呢個時候,金融危機出現,樓價跌兩三成閒閒地.
10. 樓價跌兩三成閒閒地 2020-03-18 22:27:12
買樓最好唔使借錢,一次過full pay,就唔使擔驚受怕。
11. 風險 2020-03-19 00:04:40
股神都驚訝! 錯了,佢等緊大跌時入貨!

"新型肺炎疫情在中國開始受控,然而卻在全球不斷擴散,嚴重影響國際經貿往來,觸發全球金融動盪,日前美股一天暴跌近3000點,跌幅相當驚人。環球股市大跌小漲,港股指數在近期共跌了約1/4,美股更誇張,短短兩個月左右下跌了1/3,連股神巴菲特也稱:從未見過如此跌市!"
12. 湯瑪斯 2020-03-19 00:57:40
6樓話:樓價唔可以大跌,否則金融都唔掂。
喂!而家唔係樓價大跌導致金融危機,而係武漢肺炎導致工商業停擺、實體經濟重傷、金融出現大危機。
咁嘅經濟環境,香港樓價都唔大跌將會是奇跡!
13. 湯瑪斯 2020-03-19 00:57:41
6樓話:樓價唔可以大跌,否則金融都唔掂。
喂!而家唔係樓價大跌導致金融危機,而係武漢肺炎導致工商業停擺、實體經濟重傷、金融出現大危機。
咁嘅經濟環境,香港樓價都唔大跌將會是奇跡!
14. 讀者甲 2020-03-19 17:20:48
樓價大跌來多次金融風暴,大家都唔好啦!

政府都會救市,我睇唔會咁差.

15. 雲在青天水在瓶 2020-03-19 17:43:28
連股神巴菲特都從未見過的跌市,會讓香港樓市一枝獨秀?各位千萬別天真。

即使在樓市上升周期的2008年,香港樓市也被迫調整了23%。這一次,以最高位計,市場調整3成,是客氣的。調整5成,是正常。

首期只付5%至10%的新晉業主,很快將進入負資產一族。希望大家能夠忍受住熊市的痛苦,堅持到最後,迎接數年後才重新開始的上升周期。
16. 東成 2020-03-19 20:40:22
雲兄見解獨到,只是看法有點過淡,樓價跌一半會好多人走路.

股市就有機會跌一半(美股),之前升過籠,港股恐怕難矣,有外匯基金,又有國家隊,唔好睇得過於悲觀.

17. 龍虎豹 2020-03-20 08:07:28
冇五成,又失蹤囉。
18. 元朗真香港人 2020-03-20 08:34:02
東成兄,
一切要看疫情按不按得住。 是否太樂觀
19. 地產人 2020-03-20 17:21:42
無須太恐慌,我認為跌一兩成合理,太多唔會,各國都救市.
20. 東成 2020-03-20 17:36:11
元朗人兄:

我唔覺得樓價會大跌,疫情喺中國已受控制,就算有水份,相信也差不遠.

歐美宜家係高峰期,如果果斷啲學中國強制執行,唔會太差,4月份係關鍵時刻,5月份希望可受控.


21. j 2020-03-20 19:39:08
QE降准放水派錢,呢個世界就快比銀紙淹末了。
22. 東成 2020-03-20 20:19:44
我信蔡生,佢比較中庸之道,又準確一啲.
樓價跌係一定跌,但唔會大跌,10-15%我信.
股市有國家隊,又有外匯儲備基金頂住,跌至2萬點肯定大反彈.
擔心美股好過啦.
23. 冇花假 2020-03-21 12:24:29

以上正確事實,冇花假,香港樓市好硬淨.
24. 冇花假 2020-03-21 12:28:57

以上好像是正確!
25. 冇花假 2020-03-21 12:38:36
我指以下文中內容:

"在目前惡劣的環境下,樓市自然不能倖免,工商舖價格一浪低於一浪,短期內似乎難以復原。正當大家都在尋底時,另一邊廂的新樓巿場,卻出奇地出現搶購潮,新世界發展(0017)位於西貢的一個豪宅樓盤,售價幾千萬至過億元,銀碼不菲,但近百個單位短短幾星期全部售罄;而會德豐(0020)在將軍澳的新樓盤首推208個單位,超額認購17倍,開售當天也賣出逾9成單位。"
26. 武肺摧毁全球經濟 2020-03-21 14:18:19
武漢肺炎摧毀全球經濟,酒店、航空業首當其衝。著名希爾頓集團部份美國酒店入住率已跌至個位數,萬豪集團行政總裁蘇安勵(Arne Sorenson)更含淚對員工說,疫情帶來的衝擊,比「911」恐襲和金融海嘯加起來還要嚴重。分析指,如美國政府不及時出手援助,行業可能會遭到滅頂之災。
27. 見樹不見林 2020-03-21 17:27:12
 我們講緊不只是股市, 是經濟呀經濟差,樓市點會好呢

 現在全球經濟下行, 除了口罩和醫療物資,現在中國復產都欠外國購買力,原料亦必足
 
 疫情最樂觀預測是6月完結, 到時全球經濟才開始恢復, 年底才會回復正常6月未    完, 或者移去南半球, 手尾長人人唔出街, 返唔到工, 政府放水都無用

 香港情形更慘, 上年就是人禍, 現在是天災, 下半年就算疫情完了, 社會運動又會返來
  立法會選完仍有得玩,可能沒完沒了

所以我覺得樓市下跌30%-50%, 大有可能

28. 識唔識計數? 2020-03-21 17:58:22
有人話:“新世界發展(0017)位於西貢的一個豪宅樓盤,售價幾千萬至過億元,銀碼不菲,但近百個單位短短幾星期全部售罄”

喂!買家只要俾5%樓價訂金,就可以免費住5年,5年後先至成交。如果住咗5年就撻訂,即係每年只用1%,交租都唔止啦!下話?唔買就儍。
29. 自然一派 2020-03-21 20:01:18
順其自然啦,樓價唔容易大跌,因為香港人多供應少.

星期五港股升咗過千點,唔好太憂慮!
31. 冇花假 2020-03-22 19:23:49
to:27樓;

閣下忘記咗各國QE放錢,巨資救經濟,力度之大前所未見.
遲啲周圍水浸,經濟反彈,樓價未必會大跌,中庸一點,跌1成幾差不多啦!
32. 有花假 2020-03-22 22:36:36
今次外國印銀紙同以往唔同。上次因爲銀根短缺,各國生產出黎產品無人買怕引起通縮,印銀紙可以令貨品流通生產繼續。但今次疫政令全世界生產停頓,印出黎嘅銀紙只夠人民消費用黎保住基本生活,並無多餘錢投資,何況買樓?一知半解真係害死人!
33. 恆生指數 2020-03-23 09:53:19
港股一開市跌咗千四點
34. 等運到 2020-03-23 12:58:49
每日走一轉.
等早上大跌時入市,下午反彈時走貨.
試過幾次都中.一定要等大跌過千點.
香港地搵食好容易!
35. 趁低吸納 2020-03-23 14:09:18
恆指跌至2萬點,正是趁低吸納時候,大家唔好錯過呢個千載難逢機會.