地產博客 > 蔡志忠 返回
瀏覽人次:13902    回應:44
蔡志忠
2020年2月26日
一個向特區政府點讚的理由
 
蔡志忠
亞洲地產創辦人
香港東區工商業聯會會長
香港專業地產顧問商會會長

  本欄上一篇文章提到,如果澳門政府率先對樓市減辣,港府就會被迫跟隨,這個說法雖然有點過火,但卻是可悲的事實。希望當局看到筆者的文章,不管能不能產生效果,也就當作一個激將法吧。

  時移世易,不進則退,如今港府的施政能力的確是跑在澳門後面,更加不能和新加坡比。國際經濟放緩,新型冠狀病毒瘟疫擴散全球,亞洲國家更加首當其衝,因此,激活樓市交投對振興經濟有很大幫助,據聞新加坡和澳門均開始研究放寬樓市辣招,香港當然是後知後覺者。

  外界對於撤銷樓市辣招的聲音愈來愈大,有別於以往,這些聲音並非主要來自地產界,而是罕見地來自一些媒體報章,以及經濟學者和專家。現今坊間對於要求減辣的聲音沒有以前那麼反感,曾幾何時,推出打壓樓市措施,是提升港府民望的殺手鐧,而有幾個聰明的高官,在過去十幾年來,更是因為每次高呼打倒地產霸權,不斷對樓市加辣,因此平步青雲。

樓市減辣的迫切性

  坦白講,從來是加辣壓低樓價人人叫好,減辣推高樓價個個不滿,但為何如今外界對減辣的呼聲沒有批評?那是因為香港經濟可能出現大蕭條,大量中小型公司面臨倒閉邊緣,更多打工仔的飯碗也可能不保。經濟大衰退,失業率急增,首先應保住自己那份工,才能談論置業買樓之事,否則工作不穩定,還反對甚麼高樓價呢?

  當然,當局不撤招或減辣也會有其理據,比如他們會解說:「減辣會讓市場產生誤解,以為港府托高樓價;樓價只是輕微錄得4%-5%跌幅,跌幅沒有達到一至兩成以上,也就沒有減辣的充份理由。」筆者想說,反對派常掛在嘴邊的民不聊生這四個字,以往十幾二十年前沒有發生過,但今天卻真正言中了。也因為香港今天已經民不聊生,所以當局必須採取適當的措施,刺激經濟,挽救民生。

  大家可不要忽略樓市減辣的迫切性,所謂拆牆鬆綁,讓市場回歸正常,放業主一條逃生的路,否則一環扣一環,再遲一點恐怕為時已晚。筆者建議,高官們應該表現擔當的一面,大膽去對樓市撤招或減辣,不要害怕,哪位高官宣布減辣,哪位的民望會立即升高,千萬不要再拖延時間,如果行動比新加坡和澳門快,那就要向特區政府點讚!

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 再遲一點恐怕為時已晚 2020-02-26 12:29:01
啫係點?
2. Biu1 你有冇呀 2020-02-26 13:08:58
中央早就知道香港的優勢沒有了,因國內貿易都已完全會開放,加上那個海南島特大自貿區跟足香港新加坡模式運作,暫時當然未有即時威脅,時間就不會長啦!有錢搵資金好快就到位。香港政府點會咁蠢材放開樓市辣招呀!個個人都睇到香港將來邊有運行呀!香港政府又要散財保命,唔好話今年財赤嚴重,將來幾年後財赤點會唔嚴重呀!增加其他稅項收入就一定難,唯有向持有物業的業主開刀容易,現在香港又那麼民粹主義,邊個議員點會唔識取易呀!不過都長期收取唔少租金啦!有乜所謂啦!不過香港資產都要重新估值。
3. 毛主席詩词 2020-02-26 13:10:31
小小寰球  有幾個蒼蠅碰壁
嗡嗡叫  幾聲悽厲 幾聲抽泣
4. 跌跌跌 2020-02-26 13:13:54
無減辣喎   
5. j 2020-02-26 13:25:58
香港面對國際競爭,不是家裏茶杯風波,零和遊戲。一旦失去競爭力,兵敗如山倒,冇下次機會。

6. 東成 2020-02-26 13:40:24
的確係好理由,搏一下掌聲係需要,救經濟救小業主,救中小企,港府應該立即做.
7. 東成 2020-02-26 13:45:11
我認為港府減辣,呢個唔係幫大地產公司,係幫中小企,小業主套現至能救公司和救伙記.
8. 自然一派 2020-02-26 13:48:02
減辣港府未必會做,誰來做衰人,有冇咁嚴重呢?

"大家可不要忽略樓市減辣的迫切性,所謂拆牆鬆綁,讓市場回歸正常,放業主一條逃生的路,否則一環扣一環,再遲一點恐怕為時已晚。筆者建議,高官們應該表現擔當的一面,大膽去對樓市撤招或減辣,不要害怕,哪位高官宣布減辣,哪位的民望會立即升高,千萬不要再拖延時間,如果行動比新加坡和澳門快,那就要向特區政府點讚!"
9. 誰來做衰人,有冇咁嚴重呢? 2020-02-26 14:23:00
如果你行出來說樓價冇乜點跌過, 甚至指數仲顯升嘅, 咁仲減咩辣呢?
10. 忍者 2020-02-26 15:21:45

如果政府真係減辣,轉頭個疫情解決咗,樓市就會升到棚棚聲,到時唔通又加辣咩?

政府做事要睇長線,不能朝令夕改。


11. 我要說 2020-02-26 15:24:49
我支持蔡老闆文章,香港未來幾個月出現失業潮,中小企大量關閉,宜家已嚴重內傷,減辣遲啲都唔得了.

12. 我要說 2020-02-26 15:33:37
目前樓市冇成交,經濟一片死寂,小業主減價都出唔到貨,套現唔到,樓價乾跌,香港嚴重內傷,港人就齊齊瓜.
唔係嚇大家,小業主保唔到身家財產,重現沙士時苦況,揸樓都一樣唔值錢.
13. 世事難料 2020-02-26 15:40:16
政苦唔會減辣,點解要幫地產商,樓價跌好多咩?為何要托市?
樓價冇趺兩三成以上,減辣冇必要.
14. 揸樓都一樣唔值錢 2020-02-26 16:39:26
轉頭個疫情解決咗
15. 媒體報章,以及經濟學者和專家 2020-02-26 16:43:11
帶路黨, 利益團體
16. 還反對甚麼高樓價呢? 2020-02-26 16:44:55
咪就係反對高樓價囉
17. 一言驚醒 2020-02-26 16:54:13
民不聊生發生咗.

[當然,當局不撤招或減辣也會有其理據,比如他們會解說:「減辣會讓市場產生誤解,以為港府托高樓價;樓價只是輕微錄得4%-5%跌幅,跌幅沒有達到一至兩成以上,也就沒有減辣的充份理由。」筆者想說,反對派常掛在嘴邊的民不聊生這四個字,以往十幾二十年前沒有發生過,但今天卻真正言中了。也因為香港今天已經民不聊生,所以當局必須採取適當的措施,刺激經濟,挽救民生。]
18. 引刀一快 2020-02-26 17:06:00
2樓 兄台

你有冇去過海南島呀?果邊複製澳門就得,複製香港就難喇。
19. 引刀一快 2020-02-26 17:10:33
要減辣,就減BSD,等阿爺開條水路俾人落嚟買嘢托住個市,其他暫時唔使考慮住。
20. 開條水路俾人落嚟買嘢托住個市 2020-02-26 17:16:44
咁就真係盲流落香港嘞
21. 燒炭指數 2020-02-26 17:54:09
我估要睇多半年,一旦多咗業主燒炭,政客們又會化身保䕶中產的天使, 帶頭示威要求撤辣,並推出波九招救樓市。

全球只有香港把珍惜生命這幾個字寫在炭包上。笑C人。
22. 燒炭指數 2020-02-26 18:02:22
同以前一樣,今次港府撤招同出招的時候都會是慢幾拍,只起到加速而非逆週期作用,令到跌勢及升勢加劇,落井下石,火上加油。


23. 自然一派 2020-02-26 19:26:36
減辣嘅條件必須是大量銀主盤及破產個案出現,否則免問.
做高官,加辣是立功,減辣有違民意,誰人肯做衰人?
24. 元朗真香港人 2020-02-26 23:01:53
呢度咁熱閙,代表乜?

撤招,會唔會反而是最後的一根稻草?
25. 風險 2020-02-26 23:07:10
唔會減辣了,俾人罵,業主都未銀主盤走佬,減咩辣?
26. 讀者甲 2020-02-27 14:20:54
港府呢方面好頑固,不會減辣,樓價點都會跌一啲,今年10%以上調整係好合理.
業主如果等錢要執生.事關冇咩人買二手樓,經紀介紹一手樓為主,貪其佣金高.
27. 讀者甲 2020-02-27 14:25:05
香港剛性需要存在,樓價跌1成已是大跌幅.
宜家是三層夾擊,先會跌,不過唔好大意,事件拖得耐,如兩年以上,香港就會大災難,樓價就3成以上大跌.
28. 如兩年以上 2020-02-27 14:42:37
象徵式地用隔離期封左關...回應各方要求
本來是有點針對自由人, 但現在西方也很清楚不能獨善其身, 不會怎樣出門了
這樣, 街舖可以就咁納租兩年? 如果唔得, 業主又如何獨善其身? 唔通本土人可以響果個舖位一個月買幾十萬肉乾?
洗牌已經開始了

29. 東成 2020-02-27 18:03:28
我地作為小業主,就算一層樓,都希望物業有保值功能,以往樓價長升長有,香港金融中心地位優勝,現在管治出問題,社會分化人心不穩.
疫症唔知幾時完,咁環境經濟危危乎,生意冇得做,講咩買樓,成交量萎縮,小業主想套現困難,大劈價至有人問津.唉!
政府唔救小業主,唔減辣即中小企周轉困難,執笠潮排緊隊.
30. 雲在青天水在瓶 2020-02-27 22:50:09
政府不可能短期內減辣撤招!最快也要等到中原指數抵達149點,才有機會討論。
31. 中原指數抵達149點 2020-02-27 23:20:49
(190 - 149)/190 = 21.6% ?
32. 我要說 2020-02-28 00:12:22
樓上雲兄:

政府唔減辣嘅理由,係怕外界有錯誤訊息以為政府救市,樓價仍未跌到市民負擔水平,如果貿然減辣,怕樓價會回升.
閣下認為目前環境,減辣俾業主鬆綁,對經濟有冇益?另外減辣樓價會升番嗎?
33. 了解市況 2020-02-28 00:50:32
各位睇睇,慘不忍睹:

樓市走勢向下,銀主願意下調放盤底價,刺激買家入市。有私人拍賣會昨單日連沽3項住宅銀主盤,成交價都低於市價,當中長沙灣海柏匯高層B室,以360萬元拍出,低出幅度達兩成。

高明大廈呎價僅10442

上述物業透過忠誠拍賣推出,單位實用面積205方呎,開價350萬元,成交呎價17,561元,物業市價約450萬元。

而何文田高明大廈低層D室連地下車位銀主盤,實用面積996方呎,開價938萬元,獲買家承價至1,040萬元賣出,呎價10,442元,較市價約1,300萬元低約兩成。

同場的西半山豫苑第2座高層G室,物業部分屬業主盤,另一部分為銀主盤,實用面積587方呎,開價890萬元,獲買家搶高逾百萬元,以999萬元拍出,呎價17,019元,低市價近一成。

油塘舖傳減價五成易手

此外,黃開基拍賣行亦拍出深井豪景花園三期C停車場4樓一個單號車位,開價45萬元,以56.5萬元易手,搶高25%。

市場消息指,資深投資者持有的油塘嘉榮街雙號舖,面積約14,950方呎,以約8,500萬元易手,該舖年前曾叫價高達1.68億元,現成交價低近五成。

34. 乜春 2020-02-28 08:16:33
半年前阿菜生仲講緊正苦辣招只會令樓價不斷上升;而家佢叫正苦減辣,唔通佢想樓市大跌?
哈哈
35. 有理有據 2020-02-28 17:28:14
我見過嘅評論員,蔡生算是比較準確嘅一個,樓上有誤導成份.哈哈.
36. 有同感 2020-02-28 18:35:27
蔡老闆算係中肯,去年下半年一路講跌,樓價的確向下跌.
加辣減辣唔會影響樓價走勢,樓價升跌主要反映喺經濟狀況.
加辣減辣主要影響成交量.

37. 何自圓 2020-02-29 21:51:19

190點叫人買的樓......現在如何自圓其說......


中原城市領先指數 CCL 每周五公佈 – 最新2020/02/28公佈,反映2020/02/172020/02/23(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈與上週比較與上月比較
[中原城市領先指數]

178.11

  0.39 %   0.30 %
[中原城市(大型單位)領先指數]

178.39

  0.03 %   1.21 %
[中原城市(中小型單位)領先指數]

178.05

  0.45 %   0.12 %
[中原城市大型屋苑領先指數]

179.71

  0.46 %   0.02 %





38. 有同感 2020-02-29 23:13:09
樓上:

所以講,蔡生評論樓市準確,我睇佢文章兩年幾,都預測好準,值得讚佢.
例如:蔡生預測(1)去年上半年升10%,下半年跌約5%,全年只升約5%左右,結果全中.(2)全部評論員話今年農曆年後樓市會小陽春,樓價上升,唯蔡生預測今年樓市沒有小陽春,會出現下跌,結果又俾佢全估中.


39. 有同感 2020-02-29 23:20:18
全港評論員年初時,又預測今年樓價先跌後升,全年升5%至10%.
唯獨蔡生預測今年全年都處於下跌軌道,全年跌10%至15%.
我睇好蔡老闆預期,到時且看誰人估計準確?
40. 有必要 2020-03-01 14:50:19


擁有物業 豐盛人生。。。。。。事實證明,擁有物業就是擁有財富,擁有財富才有豐盛人生。

3. 說對嗎 2019-04-24 15:13:28

擁有物業 豐盛人生

現今樓市不斷狂搶,好多實力不不足者難以上車上樓供樓,沒有必要再捉弄此批人士心情七上八落的情緒???你說對嗎???


41. 自然一派 2020-03-02 02:42:51
如果澳門又減辣救經濟,香港又俾人笑.

"時移世易,不進則退,如今港府的施政能力的確是跑在澳門後面,更加不能和新加坡比。國際經濟放緩,新型冠狀病毒瘟疫擴散全球,亞洲國家更加首當其衝,因此,激活樓市交投對振興經濟有很大幫助,據聞新加坡和澳門均開始研究放寬樓市辣招,香港當然是後知後覺者。"
42. 井 2020-03-03 16:15:42
減什麼辣,減了只是給你們班炒家,再炒樓
43. 飲茶 2020-03-03 16:16:28
根據《彭博》數據,在經濟和貿易緊張局勢放緩的壓力下,中國企業在2019年開始,已連續第二年創紀錄,出現高達1,376億元(人民幣‧下同)債券違約事件。由山東省青島市首富王清濤持有、從事物流清潔能源及礦產資源開發的中融新大,未能支付於2018年發行、5年期7.5厘的15億元票據利息,中融新大集團公告已在會議通過由上海清算所的場內支付變為場外支付。上海清算所隨後表示,截至3月2日,仍未收到中融新大集團支付的付息兌付資金,因此無法代理進


中國真強大,爆上來都大
45. 被綁蠏 2020-03-04 00:37:45



中原城市領先指數 CCL 每周五公佈 – 最新2020/02/28公佈,反映2020/02/172020/02/23(預計簽署正式買賣合約時段)的二手私人住宅樓價。一般在簽署臨時買賣合約後14日內簽署正式買賣合約。
本週公佈與上週比較與上月比較
[中原城市領先指數]

178.11

  0.39 %   0.30 %
[中原城市(大型單位)領先指數]

178.39

  0.03 %   1.21 %
[中原城市(中小型單位)領先指數]

178.05

  0.45 %   0.12 %
[中原城市大型屋苑領先指數]

179.71

  0.46 %   0.02 %


[中原城市領先指數]跌破175點,好多人會被綁蠏......