地產博客 > 蔡志忠 返回
瀏覽人次:25987    回應:67
蔡志忠
2019年9月25日

繁榮背後 劏房悲歌

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  現今社會爭吵不休,許多年輕人對現實不滿,無論是否源於房屋問題,都應該將房屋問題處理好。香港地少人多,平均人均居住面積只有161呎,可說是非常擁擠不堪,港人居住在如此狹窄的空間,難免心情煩躁,房屋問題也衍生出許多社會問題。

  大家不要以為161呎很小,其實還有更小,就是坊間俗稱的劏房。據統計,香港有9.27萬個劏房,居住著大約21萬人,而他們人均居住面積只有約50呎,為什麼住房會這樣小呢?那是因為租金昂貴,一個在市區如北角,實用面積80呎的劏房,租金每月要$7000到$8000,打工仔需要用近一半的薪金來交租。香港是國際大都會,如此狹窄的居住環境,是繁榮背後的一闋悲歌。

  讀者可能會感到疑惑,香港不是有公屋嗎?就算港人平均上樓的輪候時間,從3年延長至5.4年,但這些土生土長的本地人,滿18歲就可以申請,理論上應該都有公屋才對。當然,如果入息高過申請限額者,是可以選擇購買居屋甚至私樓,他們是有能力的一群,不至於長期租在又貴又小的房間。

大量興建公屋 縮短申請資格

  外界總是借此抨擊港府的房策不人道,筆者認為恰恰相反,是港府過於人道主義造成。原因是這些劏房客絕大多數是新移民,有申請來港團聚的港人內地妻兒,有部份酷刑聲請留港的南亞裔人士,香港有十幾萬名南亞裔人士,也有近50萬名內地新移民,他們未申請到公屋或沒有資格申請公屋,這些人士如有一半(即近30萬人)是低收入家庭,他們沒有其他選擇,只能租在劏房裡。至於50萬名新移民怎麼算?每天150個單程證名額,1年是54,750名,最快10至12年才有資格上樓,即粗略計算,累積有約50萬名新移民住在私樓。

  房屋問題歷來是港府施政重中之重,如果說港人平均161呎的居住空間很狹小,那麼新移民50呎的空間是一種虐待。解決劏房的措施,只能是大量興建公營房屋,縮短港人上樓時間,也縮短新移民申請資格時間,如從居住7年才可以申請,縮短到4至5年。這些新移民雖然住在劏房,但他們大多數人勤奮上進,努力工作,極少拿取政府綜援金,讓他們也盡快上樓,既可幫助弱勢社群,也可提高香港國際形象。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 本地貧友 2019-09-25 12:25:27
蔡生
我係土生土長既香港人
今年30歲,準備結婚
現在一家4口住係公屋(約390尺實用,未計未來老婆)
收入約20k
未來老婆收入約10k
公屋申請唔到
居屋,抽唔到是常識吧?
私樓over 400萬是常識吧?
當我叻仔有2成首期,淨供樓都去左接近13k
得返約20k, 管理費,水電煤,基本生活費,2邊小量家用
基本=0saving
本地人都未安置好,點解仲要接收咁多"難民"
我既情況并不罕見上又上唔到,落又落唔到
年青人問題就係呢到。。。
2. 亮劍 2019-09-25 12:40:14
特朗普涉嫌向澤連斯基施壓,迫後者運用權力整蠱政敵,可能遭到國會調查甚至彈劾。
我深入了解侵侵究竟搞邊科,原來根據《華盛頓郵報》早前報道,特朗普與澤連斯基通電話前約一星期,指示白宮幕僚暫緩發放本已獲國會通過的4億美元(約30億港元)援助,被指是施壓要求烏克蘭調查拜登父子。

我為人市儈,乜都睇唔到只係睇到「四億美元」!!!

四億美元係乜嘢概念呢~~
1 香港財政預算案支出可以支撐51小時。
2 三跑開支2.21%(以唔超支計)!
3 高鐵香港段,可以起到一公里(其實爭DD㗎)!!!
4 勉強可以起倒兩千幾間公屋,以解無殼蝸牛燃眉之急(有熟地的話)😥

香港好多後生仔以為脫離大陸的「魔爪」之後,可以投靠/跟另一個大佬,但原來別人用幾億美元就已經可以玩到嘢!!
3. 東方成竹 2019-09-25 12:41:51
劏房係新移民的悲歌,佢地來咗香港,等7年至能夠開始申請公屋,低收入嘅人唯有租劏房,佢地比較勤奮又貪返工方便,都想住市區,租金呎價至被扯到咁高.

估計實用呎價每呎@80-100,比豪宅貴,主要是銀碼細,一個劏房80呎租金7-8千元,勉強負擔得到.
5. 實事求是 2019-09-25 12:59:04
1樓朋友:

閣下嘅個案仍然和家人住在公,相信只是暫時,只要正常地工作,你和未來太太好快收入會過4萬元,買一個私人細樓仔有機會達成,香港樓價唔係想像中貴,努力一下會做到.

再唔係,抽居屋吧,總會有一天抽中.或者加埋其他家人或長者一起申請公屋,都有機會,日子會很輕鬆.香港人,想想辦法,生活其實不差!
6. 實事求是 2019-09-25 13:12:41
1樓朋友:

我代蔡生答你,本地人不是沒有優先照顧,只是你的個案比較處於邊緣線,但你隨時可以有所改善.
我們常埋怨本地人5年至上到公屋,有冇諗過新移民要12年?本地人所有合資格的市民都可以安排到公屋,呢個係遲早問題.

蔡生提議大量増加公營房屋,就係要照顧所有人,因為真正慘狀的是新移民,但他們少埋怨,熱愛香港,努力工作,希望拼出美好明天,是否比較有正能量?
7. 自然一派 2019-09-25 13:16:00
我支持蔡生文章,內容講得好好,香港人其實生活得好好,又有最大嘅自由.
8. 完全同意 2019-09-25 13:34:21
蔡老闆好有說服力的文章! 新移民住劏房是事實,本地有一小部分憤青,及老年重婚者至會住劏房.

外界總是借此抨擊港府的房策不人道,筆者認為恰恰相反,是港府過於人道主義造成。原因是這些劏房客絕大多數是新移民,有申請來港團聚的港人內地妻兒,有部份酷刑聲請留港的南亞裔人士,香港有十幾萬名南亞裔人士,也有近50萬名內地新移民,他們未申請到公屋或沒有資格申請公屋,這些人士如有一半(即近30萬人)是低收入家庭,他們沒有其他選擇,只能租在劏房裡。至於50萬名新移民怎麼算?每天150個單程證名額,1年是54,750名,最快10至12年才有資格上樓,即粗略計算,累積有約50萬名新移民住在私樓.
9. 我有一計 2019-09-25 13:35:58
我有一計:凡是置業人士,都可以憑著單據向稅務局申請實報實銷退款,不限上限款項,希望財爺考慮考慮。
10. 基層市民 2019-09-25 14:19:47
施政報告冇得拖.大量增建公屋,新移民都係市民,都要照顧,否則香港劏房人間悲劇,對外形象好差!

本地人士可以買公屋,政府會廉價賣,庫房收入少幾年仲頂得住.好似1樓人士好好準備,機會來了.
11. 見得到 2019-09-25 14:44:00
每天150個名額給新移民,非常人道主義,照顧家庭團聚,
寵壞咗香港男人,那些工作不穩定嘅中老年基層港佬,九唔搭八走晒返大陸娶年輕姑娘,搞到香港負擔愈來愈重,唔單止房屋問題啦.
12. 忍者 2019-09-25 14:52:54

到底只係前任特首駝鳥,定係土地問題可以解決?

如果林鄭可以解決到呢個問題,今次危機就有機會化解。

13. 愛國愛港 2019-09-25 15:11:42
實事求是先生
其實我都同啲同事講你講嘅嘢.  但係我心知肚明這個是講大話. 你有幾叻, 間公司只有一個經理.可能仲要做到三五七年.一個唔好彩升唔到上去. 間公司十幾人都係一個經理啫.我見其他同事唔係唔勤力.只係可能唔夠聰明或者唔夠有智慧. 社會係咪就要呢啲人住劏房懲罰他們. 就算係嗰個做咗三五七年變咗做經理. 首期又升咗幾倍. 根本都買唔到樓. 所以呢啲係風涼話. 
14. 望東樓 2019-09-25 15:30:54

咪玩啦,查實大部份嘅香港人都係死窮鬼。唔該睇下政府數據。
15. 實事求是 2019-09-25 15:47:23
TO:13樓愛國愛港先生:

閣下問得好好,不過你查問一下你身邊的同事,有幾多個住在劏房,答案係冇.
除非佢係新移民,新移民為何比較勤奮,因為佢地冇得揀,劏房嘅租金都要7-8千,唔交租就要瞓街.


16. 黃皇老闆個仔仔 2019-09-25 15:54:30
兩刃刀,公屋越多政府負擔越多,納稅人每月都有補貼公屋戶,地不會增多,七比三,三成土地起公屋,賣地收入少了,開新稅又唔得…唯有加薪俸稅和公司利德稅,下一代硬食。
17. 實事求是 2019-09-25 15:54:34
香港人係冇人住劏房,住嘅全部係新移民,蔡生計好晒數,雖不中亦不遠矣.你睇下人家文章點寫啦.
當然,有一些奇離怪嘅本地人就會住劏房,如果入息稍高,唔買樓都租樓,唔會一家人住70-80呎房.
18. 黃老闆個仔仔 2019-09-25 15:55:47
更正:三成私樓七成公營房屋
19. 大鄉里 2019-09-25 17:22:57
排隊上公屋人士有怨言,但都安份排隊.
最大怨言欲買樓人士,而怨地產商吸血炒高樓價.
建議賣地預三成該等人士優先入股,四五倍槓杆,做到人人地產發展商,個個同坐一條船,體現何為富貴險中求原理,自然怨氣大消.

20. 引刀一快 2019-09-25 18:20:16
要解決只有一個辦法,就係飛地,除咗飛地,一切都係治標不治本。
21. 地產人 2019-09-25 18:34:46
19樓大鄉里哥:

真正了解吓啦.樓價有所回落,宜家唔算好貴,再回落一啲多數人都買起,新界地鐵沿線嘅樓同深圳同價.香港只係豪宅的確貴啲.


22. 治標不治本 2019-09-25 19:27:09
淨係諗吓果啲垃圾會驅矣會,就知本土模式根本尾大不掉,百分之一千唔會有飛地。
23. 浪子心聲 2019-09-25 19:38:43
引刀兄:

中央有新招啊,比「飛地」更有效,就係「捐地」,新世界先捐300萬呎農地,未來可能恒地、新鴻基、長實等等陸續有嚟…
24. 讀者甲 2019-09-25 22:17:40
捐地有助起公屋,香港多樓供應,廉價買公屋都好.分兩個市場,照顧基層人士.
唔使徵地講價,新世界做咗榜樣,負起社會責任,我為佢地點讚.
25. 我同意 2019-09-25 22:42:15
作者講得好啱:

[讀者可能會感到疑惑,香港不是有公屋嗎?就算港人平均上樓的輪候時間,從3年延長至5.4年,但這些土生土長的本地人,滿18歲就可以申請,理論上應該都有公屋才對。當然,如果入息高過申請限額者,是可以選擇購買居屋甚至私樓,他們是有能力的一群,不至於長期租在又貴又小的房間。]
28. 趣味小知識 2019-09-25 23:14:44
一平方公里
=1000米 X 1000米
=3300尺 X 3300尺
=10,890,000平方尺
等如:一千零八十九萬平方尺
29. 70 2019-09-25 23:34:58
23搂
捐地成本已計算去其它地皮。

21搂,
深圳香港搂(边境)楼价接近,甚至南山区楼贵过天水圍。
但唔好忘記地点系(边境),接近香港,當然贵少少。
而南山系属于名校区。

而且深圳不是全部过万蚊一尺,

就算市中心,羅湖区,水貝,田背等,500尺/都仲有几仟蚊租到,二手尺价好多都仲有几仟蚊。

新少少搂,遠D去到深圳六约,
都系几仟蚊租間3房。









30. 70 2019-09-26 01:20:59
租50尺劏房,同買161尺劏房楼。

租同買是兩件事,怎可比較。。。

跌左个良心?












31. 引刀一快 2019-09-26 06:36:38
To 22樓治標不治本,23樓浪子心聲兄

就算地產商俾嗮啲地出嚟,都係治標不治本,緩解住屋問題,只能解決部分社會問題,真正處理香港事宜,只有飛地一途。
去中山,飛一兩百平方公里,香港可以進行大量發展計劃,對國家亦會有非常大幫助,我絕對唔會用“雙贏”嚟形容,而係相輔相成。
32. 十郎 2019-09-26 08:00:18


      刀兄-------- 經過這次教訓 , 亞爺比唔比飛入去先 ?以為是紅牌亞姑好受歡迎 ,想用一堆xx屎攪和一鍋粥牙 , 過深圳都有困難 , 唔駛推銷嘞。

33. 新移民。 2019-09-26 09:37:41
我年三十六歲,我20年前跟随母親來香港。一家四口住在50尺劏房之内。父親和我説香港到處都是有錢人。只要勤奋努力,一定有出頭天。等了十年才上公屋,当时没有怨天怨地,單純想做如何發达,目標清晰。上年進駐太古城三房。另外2個單位收租。公屋單位4年前已退回政府。
我也非常認同蔡生觀點。絕大部份新移民均是劏房出身。我同時期認識了很多新移民,他們大多數勤奮努力,拼命,只要可以揾到錢的工作更辛苦都會做。搵唔到錢只會怨自己。
34. 新移民。 2019-09-26 09:52:19
本人行年三十六。20年前跟隨母親由內地農村來到香港。一家四口駐足50呎的劏房之內。 我非常贊同蔡生的觀點,基本上現在的劏房都是由新移民居住。我們一家人輪候公屋十年才上樓,當時並不懂得怨天怨地。因爲我父親和我說香港很多有錢人,衹要努力不怕挨苦總有出頭天。我滿腦子都是如何在香港這個希望的城市發达。同時期認識了很多新移民,他們大多數勤奮上進,渴求改變生活向上流動。因爲都深信拼命勤力上天一定會眷顧。但今時今日不知為何很多香港人你懂得埋怨,不懂感恩自己生活在重香港,山村,敘利亞,烏克蘭或者山區農村地方。連拼命的機會都沒有。。

35. 新移民。 2019-09-26 09:56:01

本人行年三十六。20年前跟隨母親由內地農村來到香港。一家四口駐足50呎的劏房之內。 我非常贊同蔡生的觀點,基本上現在的劏房都是由新移民居住。我們一家人輪候公屋十年才上樓,當時並不懂得怨天怨地。因爲我父親和我說香港很多有錢人,衹要努力不怕挨苦總有出頭天。我滿腦子都是如何在香港這個希望的城市發达。去年已經成功進駐太古城三房單位,有兩個單位收租,並於四年前,將居住了五年的公屋單位退回政府。
我想說的是香港其實還是有很多機會的。
同時期認識了很多新移民,他們大多數勤奮上進,渴求改變生活向上流動。因爲都深信拼命勤力上天一定會眷顧。但今時今日不知為何很多香港人你懂得埋怨,不懂感恩自己生活在重香港,山村,敘利亞,烏克蘭或者山區農村地方。連拼命的機會都沒有。

36. 自我陶醉 2019-09-26 10:13:09
十郎兄只講咗一半,除咗唔會有供應,搵人返去都有困難。 即係話冇供應亦冇需求。
37. 十一哥 2019-09-26 10:16:20
十哥  唯一可能...飛去新疆開墾新天地。
38. 十郎 2019-09-26 10:34:57


      醉兄、 十一哥  -------- 新疆、西藏其實最危險 , 係反恐級別。上次西藏舉旗班大學生 , 死裏返生 , 還得神落。



39. 十一哥 2019-09-26 11:35:09
十哥   呢D咪就係經驗效果囉、日後回望…班友會感恩教訓佢地嘅人 !   班炮灰就會怨恨稱呼佢地~義士~嘅聰明人。

40. 路過 2019-09-26 12:44:45
To 作者 其實香港仲有一種悲,就係舊樓,種種原因無法重建,有啲係因為老人家年事已高,多一事不如小一事,有啲就已移民,業主都搵唔到,有啲就業權分散難以收回,有啲就獅子開大口,雖有強拍條例,但回收速度非常慢,其實應該趁樓市調整周期就要好好計劃收回重建,太子,大角咀,旺角,佐敦,收哂番黎唔小野,同都想同有舊樓啲業主講句,唔好咁貪心,唔係整多兩單馬頭圍道事件就喊都無謂
41. 實事求是 2019-09-26 13:01:47
35樓新移民兄:

閣下的奮鬥故事令人佩服,新移民雖然住劏房,不過佢地冇埋怨,冇放棄,努力打拚,發揮香港獅子山精神,宜家唔少人都出人頭地.
反觀現在年輕人,有公屋住,冇壓力,自由自在地話自己冇自由,得閒可以出去抗爭下,矣!

42. 支持者 2019-09-26 13:12:16
內地新移民比南亞裔好好多,主要基層勞動力來自於內地新移民.
就算幾艱苦,新移民肯捱,公屋應預佢地一份.
43. 樓市中哥 2019-09-26 17:24:51
一半以上新移民不工作,有幾勤奮?

【Now財經台】現時經常提到中港融合,香港逾700萬人口中,內地人佔比愈來愈多,大家又是否知道內地來港移民的相關數字?

原來,現時每年約有4萬至5萬名內地人持單程證來港,2003年至今累計來港人數達693800人,佔全港人口約10%。不過,現時的新移民主要為40至59歳的偏高齡女性,當中大部分人教育程度不高,更有逾一半人來港後沒有工作,香港社會福利開支會否因而上升似乎會是個潛在問題...

44. 樓市中哥 2019-09-26 17:35:41
the government is playing with statistic as well.  

These new immigrant after some years will be counted as local permanent Hk citizens.  So even if they continue to collect subsidies, it become local permanent citizens collecting. 
 The  local pool will only increase over time and give a false impression that  the new immigrants  is dropping
45. 支持者 2019-09-26 19:34:02
樓上中哥兄:

新移民女士結婚幾年後,申請來香港,多數帶有仔女,40-59歲咁嘅年齡,有一半人返工,我認為算係勤力.
46. 支持者 2019-09-26 19:43:56
家庭團聚是人道主義,唔能夠唔俾.
原因香港一班渣男走去內地結婚生仔,貪大陸女子年輕漂亮,搞到香港剩餘好多黃金剩女,香港社會當然要承擔責任.
呢個亦就係香港隔代貧窮嘅原因.有班人仲要怨政府怨社會,香港真係會沉淪.
47. 睜開眼睛 2019-09-26 22:58:42
回應支持者:港男返大陸娶老婆未必全部係貪圖女色,也有一部分原因是自身條件麻麻地,港女宁愿唔嫁都哮佢地!
48. 樓市中哥 2019-09-26 23:31:18
除了子女仲帶一大堆兄弟姐妹老豆老母來港。

我有一位大陸親友就帶了二十多人來港。

點講人道都好,社會資源應該本地人優先。都未計佢地隱藏資產。
49. 自然一派 2019-09-27 00:40:42
今次危機要解決需時多半年,過農曆年後吧.
零售酒店業萎縮一半,失業嘅這班人可以轉去做建築工,行業嘅轉變係無可避免.
50. 望東樓 2019-09-27 09:35:03
講解吓又返到去港人優先呢個議題。咁請教何謂港人?
51. 支持者 2019-09-27 13:21:32
大家都明,新移民居港7年後至有資格申請公屋,本地人當然優先.
香港號稱國際都市,但好保護自己,例如:醫生律師行業,勞工就業市場,甚至樓市,邊一樣唔係香港優先?
住公屋比住劏房大兩倍,租金卻平兩倍,冇交租壓力,返唔返工冇所謂.
年輕人得閒出來抗爭下,自由自在地抗議港人冇自由.
52. 樓市中哥 2019-09-27 20:07:49
東望兄:  不如你先答我第一個問題。 一半以上新移民並不工作,是否叫勤奮?

支持者: 我又唔覺香港過分保護。本人就職醫療行業,如果到外國全部都要考試。加拿大合格率只有3%,唔通我又投訴?
外地人在澳洲買樓都要給额外税。我並不見香港同其他國際城市有什麼不同?

另外我相信香港40-50歲的母親大多數都在職。


53. 引刀一快 2019-09-28 00:36:29
To 32樓十郎兄 36樓自我陶醉兄

無論香港發生乜嘢事,地球要繼續轉。唔飛地俾香港,大陸損失一個非常合時宜嘅強化機會,而香港就繼續陰乾。

阿爺唔俾人過深圳?唔會,係會更積極招攬香港人,香港人願唔願上去?梗有一啲大膽啲嘅。最重要嘅係,經過今次發生嘅事件,彼此都有一個更深嘅認識。

我十二歲就第一次自己返大陸,唔係去深圳,係去廣州。當時嘅廣州同香港相比,的確係兩種截然不同嘅環境,我媽放我一條𡃁仔上去都唔驚,因為我去過,我知道大陸係點樣嘅。
54. 自我陶醉 2019-09-28 11:50:37
引刀兄

香港最珍貴之處唔係地而係法治,可以保障人身安全嘅法治,當你出街可以無端端被人打被人斬冇人理,當任何人唔需要證明,都可以話自己係警察,可以搜你拉你,當各處突然出現大量浮屍、墮樓全部都係話冇可疑嘅時候,你會信任香港的偵緝、驗屍、醫療系統嗎?當大量手持武器嘅人聚集,警察可以視而不見,律政司可以選擇性檢控,你會信香港還有法治嗎? 當講一句話都要怕人亂扣帽子,怕明日冇咗份工,怕隨時死於非命, 你會在這裡買樓嗎? 當一家公司僱用同開除一個員工變成了純政治任務,這裡仍然是香港嗎? 你願意在這裡投資嗎? 飛咗地之後又可以點?


55. 引刀一快 2019-09-28 12:06:06
自我陶醉兄

法治依家係點,所有人有眼見,咪以為真係有人視而不見,果啲係嘴硬啫。
不過,冇咗法治,人仲係要生活嘅,都係果句,最緊要心裡有數,唔好自己呃自己就得喇。
飛地之後,住屋唔再係大部分人一生最大投資,社會發展就可以重拾正軌,寄望將來,大部分人會記得2019年之前嘅香港係點樣嘅,將失去嘅香港再構建返出嚟。


57. 引刀一快 2019-09-28 12:26:36
自我陶醉兄

如果香港人唔願意面對呢個慘狀,大規模移民,各散東西,咁香港就真係成為歷史,呢樣嘢好難接受。
就算我幾愛國都好,我都必須承認幾件事,殖民時代,係佔人口少數嘅鬼佬令香港成為華人最文明嘅地方,過去幾十年,香港文化輸入令珠三角成為全國最文明最實在嘅地區,領先而不傲視,除咗廣東傳統文化之外,香港功不可沒。
我就算要走,都會留底根喺呢度,因為有問題嘅,唔係整體。
58. 東成 2019-09-28 13:56:49
以各自論點睇,雖然各有理由,但樓市中哥比支持者還是稍差一啲.
59. 東成 2019-09-28 14:07:45
引刀兄:

閣下喜歡大灣區,我仍然要留喺香港,講法治,我仍然相信香港多過內地.
我同意飛地,但與其同樣冇法治,我都選擇香港,我相信香港仲係福地.
60. 十郎 2019-09-28 16:27:14


      53樓刀兄 , 對於你睇法 , 我半贊成半反對。我以前覺得在文學、文化、文明上 , 香港比較大陸是優越的 , 例如他們可以貼錯對聯 , 直行讀中文的時候 , 係由左到右 , 什至左高右低 , 他們行為上有儒家 , 但是可以字都唔識多個 , 他們對西方言語和西方歌曲音樂等 , 認知不及香港。

      可是我經常睇內地視頻 , 由新疆(安妮古麗)、湖南的影片中(宏點、小婷), 發覺他們運用少見的成語、歷史、廿四孝、生活常識、西方單字 ,西洋歌曲(top of the world 、bridge over trouble water 等)。在某程度上 , 我認為超越左香港 , 原因呢 ?我認為是在教育和教師身上 , 連老師都未必識得。試想一想 , 香港大學學生會慶祝918日軍侵華。真係香港教育偉大之處。

61. 望東樓 2019-09-28 16:40:07
52樓,由頭到尾你都無答我點先算係港人。無定義係無得講嘅。
62. 引刀一快 2019-09-28 17:18:37
東成兄


睇到閣下言論,我就諗起我廿幾年前喺廣州讀書,有好多外省人問我一個好得意嘅問題,佢地問我係香港,還是係九龍嘅。

東成兄,慢慢,你就會知道,你係香港,還是九龍嘅。
63. 十郎 2019-09-28 19:09:48


      香港被大陸城市 , 一個一個的追過 , 我都沒有感覺。但是被第一窮省 , 天無三日晴 , 地無三里平的貴州過頭 , 真的酸味味。

64. 樓市中哥 2019-09-28 23:31:47
東樓兄: 坦白講,任何有香港身份證都是香港人。不過應否讓有能力照顧自己的人先成為香港人?
65. 東成 2019-09-29 00:30:32
引刀兄:

我唔係好明九龍與香港有甚麼大的分別,怨我理解能力差.
至於你的飛地一事雖然好,但香港環境複雜,執行上有好大困難.
我反而認為叫發展商捐地好過找大陸飛地.
66. 引刀一快 2019-09-29 06:30:59
十郎兄

咪嚇我呀,貴州點追過香港呀?雖然隻茅台成萬億啫,唔係咁都算追過香港卦?😨😨😨
67. 引刀一快 2019-09-30 07:43:56
東成兄

唔使畫公仔畫出腸卦?香港同九龍有咩分別?

香港地產商捐幾多地,都只能緩解住屋問題,如果香港冇新發展,最終係會衰落,只有飛地,可以為香港,以至國家,帶來新希望。
68. 十郎 2019-09-30 13:21:31


      小婷用9,000元在網購一輛新的小貨車 , 用來運飼料 , 6,000元網購一部無人機。1,000元一年向舅舅租一間豬圈 , 可以養幾百頭豬 , 有宿舍廚房。舅舅租給別人要5,000元一年。小婷養鴨子賣 , 有時間釣下魚 , 拾下雞蛋 , 騎沙灘車探下外婆 。貿易戰唔知邊個死先。


69. 直腸直肚 2019-10-02 00:15:13


繁榮背後 劏房悲歌。。。

直腸直肚,現在,最好叫多啲人買樓,等佢哋慢慢供...



70. 自我陶醉 2019-10-02 10:43:47
57樓 引刀兄

蔬菜枯乾咗啫,唔使咁傷心嘅,我最近聽過一首歌的詞,寫得真有意思,大意是: 落葉最終都變成花的禮物,唔洗因葉落傷感。 

送首蘇東坡嘅蝶戀花俾你: 

花褪殘紅青杏小,燕子飛時,綠水人家繞。枝上柳綿吹又少,天涯何處無芳草。 

牆裏鞦韆牆外道,牆外行人,牆裏佳人笑。笑漸不聞聲漸悄,多情卻被無情惱。 



當春天再臨,蝴蝶自然會出現,控制唔到嘅事擔心都冇用,只能靜待黎明到來。

71. 引刀一快 2019-10-03 09:22:36
十郎兄

香港同大陸,係有一個錯開嘅文化斷層,香港90後出世嘅人,比較忱於逸樂,睇書少過50、60、70後嘅人好多,文化底子薄咗,慣於接受容易不艱澀嘅文化娛樂享受,而大陸直至80後,日常娛樂都偏重於廉價嘅閱讀,所以文底深厚好多,乃至於今日出現明顯此消彼長。

不過,你見到嘅少見用詞,好多都係特登使用嚟表達高大上,你咪以為難,百度幫到你😄。
講到音樂,係得力於九十年代,大陸大量進口鋸口碟同製造老翻,依家上網乜都有得聽,基於相對深厚嘅文化底子,對音樂體會與感受、分析能力唔錯,大陸雖然思想文化有問題,但文藝文化潛力極強。