筆者熟讀歷史，可否向我提出指正？
我認為中國的朝代更替係有宿命的。
通常一個朝代的終結前定必群雄並起，經過幾輪分組賽及幾輸淘汰賽之後，最終由有能者取得政權。
而呢個政權能否繼續玩落去，就睇繼任人係乜料，有料到嘅就有得玩下一個 round，冇料扮四條就含包散，由另一個政權取而代之，而通常呢個政權，如果能捱得過幾個大考驗，就會玩多一段頗長時間，而且期間無論文化及經濟都有良好的發展。
周朝末年群雄割據，秦始皇完成统一，但個仔唔係波玩完，繼續打！
劉邦完成統一之後呂后專權但捱得過去，因此漢朝繼續有得玩！
漢末群雄割據，司馬炎完成统一，但個仔係弱智嘅完全唔係波，引致八王之亂、五湖亂华及南北朝時代，仗繼續打！
楊堅收拾殘局统一中國成立隋朝，但繼任人楊廣唔掂，仗繼續打！
李淵完成统一之後，雖然阿仔李世民殺咗阿哥及細佬全家，然後迫老豆交出政權，但佢始終係做倒嘢嘅皇帝，所以唐朝繼續有得玩落去。
唐末群雄割據，經過五代十國大分裂之後，由趙匡胤統一中國，太祖逝世後由其胞弟趙光義繼承帝位，是為宋太宗，好多史學家話趙匡胤是畀太宗對冧。加上太祖死後，帝位非由其子繼承，而是由弟登基，違反中國長子繼承的傳統，而與太祖有關的皇室成員亦相繼離奇亡故。此後的皇帝亦由太宗的子孫繼承，直至宋孝宗才回歸太祖一脈，因為太祖的死因並不單純，成為千古之謎。但點樣講都好，宋朝經此一役都有得繼續玩落去。
朱元璋打垮元朝取得政權後建立明朝，佢立大仔朱標為太子，但佢死得早，因此朱元璋立朱標個兒子朱允炆為太子承繼皇位，但阿叔朱棣條氣唔順，所以推倒允炆取而代之，但點講都好，明朝繼續有得玩落去。
明末民變，叛亂軍與明軍開大片，直至清朝順治年間才結束，順治傳位康熙時因阿仔得嗰十幾歲，因此朝政不得不交付給輔政大臣。少年時期的康熙帝在智擒權臣鰲拜後，才開始掌握到權力，因為康熙都係一個做到嘢嘅皇帝，這才得以鞏固清朝統治地位兩百多年。 到清朝末年，又係群雄割據，最終由國民黨取得政權，但蔣介石控制唔到局面，最終要出走臺灣。
到共產黨取得政權後，毛澤東欽點嘅繼承人係林彪，但墜機身亡，經過一番轉折由鄧小平執掌最終權力，實行改革開放政策……
我覺得歷史正不斷重複，但中國似乎向好的一方面發展，即～
天下大亂
有人取得政權但唔長久
最終有人打生打死取得政權，又經一連串權力鬥爭之後穩定下來，其他人就服咗你，咁呢個朝代便可玩多2～3百年！
因此我想要界定，中國呢家係複製緊秦朝、隋朝、晉朝、中華民國的歷史，一或呢家係進入漢朝、唐朝、宋朝及明朝的歷史軌跡！
正所謂一子錯滿盤皆落索，呢度係打邊爐或打屎忽之別！
喺中國入世前後，支爆論可能成立，但自從911事件後，所有國際大事的結果，都唔知點解，利好中國！
歷史亦話畀我們知，你強大了就好多人想旭你，但你要是能排除萬難解決問題，咁你嘅敵人就變成朋友甚至馬仔。
小弟始終相信天理循環，得道自然多助，自從特朗普上台，美國倒行逆思，正把籌碼推向中共一方。
呢幾十年美國佬喺中東、中亞及北非到處煽風點火，呢啲國家嘅人民當然被美國搞到雞毛鴨血，不過鄰近嘅西歐國家亦被害慘。
我總覺得歐洲人唔係白痴，佢哋最終會知道邊個係幕後搞事嘅人。
美國維持強權的武器，係發鈔權，軍事實力及道德感召，盟友及馬仔知道被揾笨，仲聽唔聽你支笛？
如果中國國運會穩步上升，咁樣房地產嘅價格，就會升到去難以想像嘅地步，因為全世界都無中國人咁誇張地熱愛磚頭，當然呢個係我諗倒最好嘅結局啦。
App下載
經》也說：“以正治國，以奇用兵”。特朗普向中國自去年四月份以來開始發動的貿易戰，是由美國副總統彭斯“以正合”，而特朗普則“以奇勝”，一改往日歐美用“以正治國”的方式對中國的“以奇用兵”。似乎特朗普的“紛紛紜紜，鬥亂而不可亂；渾渾沌沌，形圓而不可敗。亂生於治，怯生於勇，弱生於強” ，雖然表面上看特朗普有些亂點鴛鴦譜，骨子裡卻是“故善動敵者，形之，敵必從之；予之，敵必取之。以利動之，以卒待之” ，特朗普一直把握著圍棋的所謂先手，讓中南海的謀士們四面受壓寢食難安。這裡一奇招那裡又一奇招，徹底摧毀了心裡防線。當今中國經濟環境十分不明確的態勢下，中美之間的貿易談判至少在協定層面，估計特朗普可以很快宣佈他的重大勝利。至少是第一回合。