美研究机构指搜房变「炒房」

最近，丝丝喺网上见到美国研究机构Glaucus Research（格劳克斯研究）嘅报告点名批评纽交所上市嘅中国房产讯息网站搜房网（SFUN），话搜房已经变咗「炒房」！

格劳克斯研究喺报告入面，话搜房网近年嚟喺华尔街、曼哈顿同埋海南三度分别买咗办公室、豪宅同埋酒店，质疑搜房网真正目的系用上市公司嘅资金炒楼！

丝丝睇过份报告，提出对搜房网嘅三大指控。第一就系搜房网喺一一年嗰阵，用咗超过6,000万美元，买咗华尔街72号嘅AIG大楼！公司就话呢一栋大楼，系要用嚟做员工培训。不过格劳克斯研究就话，搜房网只不过系一间中国嘅互联网公司，点解系7,000英里以外嘅地方，起一个员工培训中心呢？何况搜房买大楼至今已经20个月仲系空置喺度！

搜房：买楼培训员工

第二个指控就系，一一年搜房网仲喺曼哈顿近郊买咗一栋别墅，价值650万美元。搜房网主席两公婆透过其成立嘅一个慈善基金买入，但奇就奇在咁大笔数目，竟然无喺公司嘅帐目度出现。格劳克斯研究仲查到，呢个慈善基金成立到依家，都好似无做过慈善项目呀！

而最后一个指控就系搜房网唔单止喺美国买楼买地，仲系海南岛收购咗间酒店呀！加埋喺美国嘅投资，搜房网已经用咗超过8,000万美元，但系公司好似仲未够咁，仲打算系上海、北京等地继续买楼买地喎！搜房网就话，咁样做系因为需要地方用嚟做员工培训喎！

谁是谁非依家都仲未知，但系搜房网就回应话虽然报告嘅资讯冇准确咁反映事实，但都好欢迎外界意见喎！