地產論壇
登入名稱
密碼
頁數:
政府就是欠缺了第十個人
瀏覽人次:20957    回應:20

政府就是欠缺了第十個人

 

湯文亮博士

紀惠集團行政總裁
2019年11月11日

  有老友問我點解要寫「細價樓爆煲論」,至今仍然是別人笑柄。老友不明白,作為一個在地產行業搵食的人,我有責任提醒大家物業市場的危機,尤其是在大家情緒高漲的時候,老友唔明白點解我話有責任。其實,當時樓市每日攀升,提醒大家的確是害了大家,但已經有無數人講樓市好話。我就要做第十個人,在責任上要提醒大家。這是猶太人的「第十個人理論」,又被稱為「魔鬼理論」。老實說,第十個人錯的機會是很大,不過仍然要有第十個人,而且一定要是一個夠份量的人,才可以避開危機。今次社會運動,就是政府欠缺了第十個人。如果當日有一個夠份量議員或者官員以辭職來反對「逃犯條例」,社運有可能不會出現。現在講已經是明日黃花,不如考慮一下如何結束今次社會運動。

  有很多人知道我曾經親身到新加坡,台灣甚至北京成功買入他們在香港的物業,不少人問我有何良策。我一向都會話因緣際遇,這個不是理由的理由很多人都接受。其實,每一次我都小心了解對方要價。如果我們能夠接受,我才飛到當地與業主洽商。我曾經試過開低價,然後逐少逐少加上去,但唔理想。於是我改變策略,一開始就俾一個令業主心動的價,成功機會大得多。政府希望用一些小恩小惠來解决今次社運,我覺得是浪費時間。現在每拖一日,就會有更多人被捕,社運更難結束。只要用大刀闊斧方法,才有機會化解今次危機。

  現在應該從被捕的人考慮,已經超過有3,000人被捕,而且陸續有來。如果政府夠膽,應該表示在發表之前未有被捕的人不會被捕,已經被捕的人罪名可能會很重,但刑罰可以很輕。而且,在前線被煽動的人罪名要大幅低於煽動別人的人,而被煽動的人多,煽動別人的人少。用這個大原則解决,社運才會有結束的一日。雖然有很多人話應該用強力行動解决今次社運,我絕對唔同意,即使令市况回復平靜,但問題仍未解决。這就好似政府推出辣招印花稅來解决樓價飆升一樣,初時的確有效,但如果唔解决供應不足這個老問題,樓價始終會作出報復式反彈。究竟這是一篇時事評論文章抑或是樓市評論文章?我自己也不知道。

政府就是欠缺了第十個人
2. 龍虎豹
2019-11-11 11:17
今次社會運動,就是政府欠决了第十個人

欠缺
4. Admin
2019-11-11 11:37
謝謝2樓指正, 文章已修改。
6. Fisherman
2019-11-11 14:32
請湯先生介紹第十個人給鄭女士,我唔係攪笑,認真嘅!
7. 引刀一快
2019-11-11 16:16
大刀闊斧,最好就係同阿爺傾飛地。
兩家便宜兩家著,用飛地帶來曙光,好過用子彈。
8. 鳥5
2019-11-11 19:55
走勢似 利誘港人北上 飛地應該未有項目。。。
9. 鳥5
2019-11-11 19:58
嚟緊應該係美國佬立法 總統簽紙香港人權法... 香港就應該即刻行23條 或者大陸國內立法23條輻射香港... 呢個就係阿爺嘅反制
10. 鳥5
2019-11-11 20:00
林鄭有機會做埋多一次衰人... 都係嗰句呢架越難做,下屆粵 容易 做大家明... 反啲牛鬼蛇神攬炒炒到尾
11. 鳥5
2019-11-11 20:17
暫時睇到就係國內角角城市自己出招 國家補貼你有港人北上 暫時睇到就係 保障房... 要同深圳搶人
12. 鳥5
2019-11-11 20:35
我只係講大灣區內城市
13. 張先生
2019-11-11 20:59
林鄭月娥剛復自用,以為自已什麼都識,現在卻一 點方法都沒有,律政司不知做什 麼,無能快點滾!
14. 鳥5
2019-11-11 22:02
林鄭 走就梗係㗎啦, 律政司都冇得連任㗎啦。。 但係 同埋 牛鬼蛇神 , 攬炒埋先。。。 咪有交畀下屆重複玩多次咩
15. 鳥5
2019-11-11 22:03
一鋪過啦.. 唔好揼揼chak
16. 鳥5
2019-11-11 22:05
香港個局係咁行啊...至死而後生局.. 濫炒到盡 先有得生
17. 鳥5
2019-11-11 22:25
邊個牛鬼蛇神賣去頂佢 ,就同一齊攬炒。。。。 多啲嚟密啲手。。 阿爺 任 去玩。 阿爺包底。 佢都預咗犧牲, 佢都輸到盡。 進到心無罣礙。 官到無求品自高  朵已經臭曬。。。
18. 鳥5
2019-11-11 22:31
佢條官命都似阿董生. 起碼要三幾年後先知係咪德政...
19. 不時不食
2019-11-12 02:13
鳥5,睇黎你係黃絲,唔緊要。今日中環放工時間大量上班族出黎幫忙清理路面,執磚。呢D係沈默的大多數。李+乘先生依家攞十億出黎派俾D小商戶。有邊個去攞?有邊個唔夠資金搞運動?醒少少喇,依家係地產商同政府既博弈。收錢既傳媒都玩唔到好耐。
20. 引刀一快
2019-11-12 03:08
鳥5兄

睇睇今次光棍節,各地消費金額。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。