地產論壇
登入名稱
密碼
頁數:
晨早夜話(28)坡哥何必諷刺香港
瀏覽人次:19205    回應:10

晨早夜話(28)坡哥何必諷刺香港

 

湯文亮博士

紀惠集團行政總裁
2019年10月8日

  昨晚有老友請食飯,目的叫我助拳。佢話有幾個新加坡朋友來了香港,而他知道新加坡人性格,在香港風雨飄搖的時候來,一定會指指點點,話香港政府如何不懂得管治香港。老實說,他們一定講得冇錯,但聽的人不是味兒。我話輸陣不輸人,叫多兩個老友,如此這般這般。

  今次老友新加坡朋友帶了一幅星加坡諷刺香港的漫畫,一點也沒有錯,我們正在拆自己屋,取得磚頭毀滅自己政府,但被新加坡人諷刺,一點都不是味兒。俗語話餐飯由背脊骨落,到了離開的時候,到我們表演。雖然兵慌馬亂,我們的司機仍然有返工,老友的新加坡友人擔心沒有的士,我們話不用擔心,我們幾位都有司機,可以分別載他們回酒店。有一件事新加坡人不知道,香港有2萬個私人司機,星加坡2千也沒有。結果,他們在一餐談笑風生的晚飯之後,全部面黑黑上了車。

晨早夜話(28)坡哥何必諷刺香港
1. 自我陶醉
2019-10-08 10:16
一如預料,港交所宣布放棄收購倫交所,早就叫佢可以慳番喇!
2. 引刀一快
2019-10-08 11:57
有本事就歸化埋做中國人,等中國唔使擔心馬六甲問題。
3. 引刀一快
2019-10-08 11:58
自我陶醉兄

依家至放棄?唔係人地即時拒絕咗咩?
4. 唔係人地即時拒絕咗咩?
2019-10-08 12:08
有個別股東要求提價兩成。不過即使人肯賣, 現價黎舉債, 都是不智。 
5. 自我陶醉
2019-10-08 12:17
引刀兄

你唔知咩? 港交所話願意加碼再傾呀嘛! 
6. 引刀一快
2019-10-08 15:59
自我陶醉兄

我唔知呀,見果邊話中意上海多啲,就沒興趣留意落去。
7. 見果邊話中意上海多啲
2019-10-08 16:07
咁倫交所去買上交所, 好唔好?
9. 真真薯片
2019-10-09 10:17
一早講左,林鄭送中不論是否通過,新加坡最開心,有銀行已經專注做緊香港轉移資產去新加坡既業務,當然細細聲做,悶聲發大財
10. 引刀一快
2019-10-09 16:02
To 7樓

係就好喇,如果阿爺肯賣,點會有貿易戰。
11. 一般讀者
2019-10-10 09:48
政府官員睇到博士寫咩未,做野做到咁差,恥唔恥辱。淨係識做錄音機,無眼睇
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。