地產論壇
登入名稱
密碼
頁數:
政府不及早消除社運的目的
瀏覽人次:20160    回應:12

政府不及早消除社運的目的

 

湯文亮博士

紀惠集團行政總裁
2019年9月28日

  由「逃犯條例」引發的示威活動,及後變成社會運動已經超過三個月。好彩香港底子厚,否則可以用民不聊生來形容,但如果繼續下去,所有香港人都是受害者。有人問我點解「逃犯條例」會引起咁大反應。理論上那些國內貪官或者中港兩地的不法商人才需要擔心,一般市民根本不用理會。其實,「逃犯條例」只不過是藥引。主要香港社會存在不公義的情況,而這些情況是對年輕人不公平。所以,由「逃犯條例」引發的示威活動最後演變成社會運動。不過,大家又不用太擔心,政府其實一早可以控制今次社會運動,但就不能夠消除社會上的不公義。所以,政府讓這場社會運動繼續下去,直至政府認為有能力消除社會上的不公義情況為止。

  參與今次社運的人有五大訴求,而事實上一般市民亦有五大訴求,就是衣食住行與就業。一般香港市民衣食不缺,行不是問題,失業率偏低,只是住的地方差些少,不是差些少,而是很差。近三任特首令到市民愈住愈細,愈住愈遠,兼負上一筆債項,政府對解決房屋問題沒有對策。簡單來說,政府手上沒有土地,要向地產商乞求多建房屋,地產商是商人,一切以利益為主,供應愈少,樓價愈貴,地產商的得益最大。所以,就算政府乞求,地產商都不會增加供應,最後做成社會不公義,亦是今次社運起因之一。

  政府其實要及早解决今次社運是很簡單,就是推出禁蒙面法,就是禁止市民在示威遊行或者在公共場合蒙面。政府遲遲不出手,就是要這場社運搞到民不聊生,地產商要公開表態支持政府止暴制亂。不過,亦要等了兩個多月才有地產商公開表態,現在當然是全部支持政府止暴制亂。有了地產商支持,政府就會強行收地以解民困,地產商亦不敢反對。而事實亦證明地產商不反對政府強行收地,有了這個訊息,政府就放風話硏究緊急法及禁蒙面法。緊急法影響之深,禍害有幾大,大家都唔敢想,退而求其次就會支持政府推行蒙面法。沒有口罩,那些狂熱分子就會回復正常,距離社運結束的時間亦不會太遠。在社會結束之後,土地供應將不是問題,樓價亦會受到控制。

政府不及早消除社運的目的
1. 十一哥
2019-09-28 11:18
係9官主動减慢公營房屋供應…今日投桃…夕陽收李、大錢袋咁都唔乘風落注…點會成為大錢袋呢!富不與官爭、大錢袋何罪之有…做生意係要順勢…被動質到滿咀油、講真…呢度D老友咁得閑唔洗口旱旱…跟隊執埋一份成口油…先至有閑情噴口水…唔通咁都係罪過  ?


2. 引刀一快
2019-09-28 11:51
有地唔飛地,清袋起沙地,好似幫你地,老笠人田地,其實係佢地,玩唔掂𠼱地。
3. 十一哥
2019-09-28 11:55
劉業成…講話…顯示咗冇後顧之憂、兩個結果…一係唔志在…一係預咗做特首、呢一番話…阿一早應該出口啦!

4. 十一哥
2019-09-28 12:15
全方位開火、暴徒、暴亂、傳霉、教辱、用詞對象、冇留後路…毫不閃縮、盡吐陀鐵嘅烏氣…邊個25·9官敢玩佢…除非係任務完成…功成身退返祖家領賞啦。

5. MT
2019-09-28 14:42
之前諗極唔明點解咁多人暴動,而家終於明,係太多人對房屋問題不滿,政府一日唔解決一日唔停,對地產霸權出手相信已有阿爺綠燈
6. 鳥5
2019-09-28 14:43
蒙面法就選立埋23條 ,根本唔係乜嘢大不了事情... 有幾恐怖? 其實而家就係最恐怖? 蒙面法淨係香港? 23條淨係香港?
7. 鳥5
2019-09-28 14:45
唔好因為恐懼, 而影響到 理性嘅睇法。。。
8. 鳥5
2019-09-28 14:52
恐懼嘅念頭, 恐怖過 嗰件事情。。。 例子畀畀皆是。。 一個小朋友揸住汽油彈喺條街度。 啲樓細到要喺廁所煮飯食。。 呢啲唔恐怖嗎? 諗一諗? 立咗幪面法嘅西歐國家 係太平咗 定冇咁太平呢? 立咗23條嘅澳門. 變咗地獄嗎?
9. Stephen Wong
2019-09-28 17:56
To 6F
23條淨係香港?
澳門23條已經立了法.
10. 鳥5
2019-09-28 18:26
23F....可能我講得預早咗... 大陸係有準備 國內立23條輻射香港。。呢個準備係事實。。。
11. 真真薯片
2019-09-29 11:34
法國已經立左反蒙面法,但係黃背心照樣蒙面上街

香港正苦如果想立反蒙面法,要先問自己社會上支持立法既民意有幾大

如果主流民意支持當然冇問題,如果唔係,就好易變成第二個逃犯條例,數夠票就算直上大會禁制格硬黎,如果打算咁玩,大家就要有心理準備,全香港回到6月9號再loop一次
12. 木子
2019-09-30 10:30
從社運到實際房屋供應, 雖然是講得通, 但有些牽強。  因為時間性好重要, 到真正供應可能要花上10年以上, 而且, 如果蒙面法實行了之後, 但社會上的爆亂仍然沒有改善又會如何, 這看起來就像是一場脂賭博。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。