地產論壇
登入名稱
密碼
頁數:
茶餐廳亂話(541)英國如何制裁中國
瀏覽人次:18700    回應:16

茶餐廳亂話(541)英國如何制裁中國

 

湯文亮博士

紀惠集團行政總裁
2019年7月6日

  今早跑完步去到茶餐廳,見到有一位客人話早餐唔好食,老闆怎樣解釋?又換另外一份早餐也沒有用,那位客人在臨走的時候話會制裁老闆的茶餐廳,老闆有些少擔心,問我那位客人會用什麼方法制裁。老闆真的是很天真,我估計那位客人本來應該話以後都唔會幫襯,但近日可能受到英國話制裁中國的影響,所以用上了制裁這個詞語。如果有能力制裁的話,實力應該比較對方大很多。我問老闆那位客人是不是在社區內很有勢力的人,可以發動區內的住戶不幫襯老闆的茶餐廳。老闆話那位客人是普通人,平日比較俺尖聲悶,今日唔知點解大發牢騷。我話唔使理,那些大口又冇實力的人有一個特點,就是很善忘。三日內一定會回頭,什麼制裁的說話,一定唔記得有講過。老闆做生意,打開門的人,當然唔會咁小心眼,點會斤斤計較。

  英國外相話中國好似破壞緊一國兩制,佢都唔想制裁中國。外相真有吉士,但不自量力,以為英國經濟體系大過中國十倍,可以十倍圍之,所以用上了制裁,簡直是自取其辱。英國有這些領導人,我都無話所說,天佑女王。

茶餐廳亂話(541)英國如何制裁中國
1. 十一哥
2019-07-06 08:38
家道中落、豪門餘孽想當年…惜日光輝抽離難、香港班餘孽活在同一幻覺。

2. 浪子心聲
2019-07-06 10:15
英國的英文名為「United Kingdom」,如果脫歐成功,不但家道中落,好快會變為「Divided Kingdom」(分裂的王國)。

從此以後只有「英格蘭」(England)再無所謂的「英國」了。

3. Stephen Wong
2019-07-06 10:32
政客為了首相權位,口不擇言.
4. 亞Q
2019-07-06 11:10
不知自己幾斤幾兩 !
5. 十一哥
2019-07-06 11:34
班建制都低B、大個餐屎都唔識將軍、垃圾會掛龍獅旗塗黑中華人民共和國…英國紅毛冇劃凊界線…仲聲援呢種行為、有理由相信紅毛背後操控…實質已經體現咗侵犯中國主權、敵我矛盾確立、衹要表明冇偈傾、包個個喊住返屋企揾老母、有理由相信林鄭係深耕嘅無間道。
6. 引刀一快
2019-07-06 11:43
得把牙,外憂內患就叫人去惹事。

琳琳都係噴子一名。
7. 十一哥
2019-07-06 12:32
刀刀 牙都冇埋…陰公、十一哥請你食明哥飯盒、返歸啦!唔洗成日內憂外患咁痛苦!又唔洗一比人恰就扢高c忽。

8. MY
2019-07-06 12:57
制裁我試試看,誰怕誰,怕的是你不敢
9. 真真薯片
2019-07-06 16:21
拿,英國講得咁口響,講完唔做就真係柒頭啦
10. 十一哥
2019-07-06 18:07
當日綽號勁到鐵嘅娘子、去見鄧公、一向寸慣…驕由心生…唔記得面對邊位、提D不該提嘅條件、一下比鄧公連煙帶痰噴到一面都係、睇番D片…出嚟時好似盲頭烏蠅分唔到方向咁就百佳、紅毛賊小器又陰濕、有機會實玩嘢嘅。
11. Hongkong People
2019-07-08 13:53
我聽到佢話制裁,都笑到想噴飯,真係窮到失心瘋了!
12. 十郎
2019-07-08 15:00


      我觀察香港有兩個狀況 , 一個是火鳳凰。一個是曹劌論戰。

13. 湯瑪斯
2019-07-08 15:11

聽埋彭定康講既野,就知道英國佬唔係癲既。彭定康既政治智慧大家見識過,佢支持英國外相的制裁中國論,我認為有三大原因:

1.大陸政府成日話歐美等國評論香港事務係干涉內政,但其實歐美認為這是言論自由,何況香港係國際金融中心,香港既特別經濟區地位需要歐美國家認同。香港既政經問題與她們悉悉相關,評論下好正常。中國政府話唔准講。大部份歐美人士認為中國這種立場係專制同錯誤既;

2.在中美貿易戰的背景下,中國投鼠忌器,不敢到處樹敵。英國雖屬五眼聯盟,但並沒有積極配合特朗普抵制華為。英國要制裁中國,正路係加強與五眼聯盟一起出招,唔會單獨上。博士笑英國不自量力,但現在的國際關係是合縱連橫,不是單打獨鬥。英國外相說制裁中國,言下之意係與美國等盟友一起制裁中國,我諗唔會有人笑五眼聯盟不自量力;

3.大部份英國人都自大,外相話可以制裁中國,大部份英國人唔會覺得佢癲,反而覺得佢正義佢有理。佢這句說話可以贏得不少民心。英國人玩政治,其實叻過美國人好多。識玩既都可以四兩撥千斤,可況英國爛船有三斤釘。佢同盟友合力,可以在政治經濟上影響大局。

14. 無奈
2019-07-08 17:45
同意13樓湯生,分析得好!

毛澤東:戰略上藐視敵人,戰略上重視敵人。
15. 無奈
2019-07-08 18:02
改:戰術上重視敵人
16. 湯瑪斯
2019-07-09 17:26

我見七小時前BBC News報道話「華為解禁懸而未決,中國駐英大使作安全保證」。由此可見,中國也怕英國真的抵制華為。

有限度放寬華為在英國的發展其實對英國電訊業有利,所以英國應該傾向於讓華為在英國發展5G,但英國政府又想以華為作為一張牌,以增加自己的外交實力,所以唔想俾中國政府覺得佢咁順攤。點知俾人涉密話英國政府會放寬華為在英國的發展。

英外相今次話可以制裁中國,言下之意,放寬華為在英國的發展是基於中英保持良好的外交關係。所以,中國政府若聰明些,應該不要再批評英國對香港事務說三道四。鄧小平不是說過共產黨是罵不倒的嗎?中國大可以意見接受,做野照舊。照舊做乜野?大家自己諗啦!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。