地產論壇
登入名稱
密碼
頁數:
輸入外勞才能創造就業
瀏覽人次:17984    回應:11

輸入外勞才能創造就業

 

湯文亮博士

紀惠集團行政總裁
2019年7月4日

  有經營食肆老友打算結業,理由並不是生意不好,租金太貴,而是請唔到人。老友兩公婆不時要落手落腳做,當然不是收銀那麼簡單,而是洗碗洗碟。老友話仔大女大,全部都有一份好工,根本唔希望他們咁辛苦,所以,結業後打算周遊列國,享受人生。我聽到都非常開心,不過老友說,唯一難題就是有一班跟了他多年老伙記,結業之後都不知道做什麼。所以,這亦是他遲遲未肯結業的原因。

  政府公布最新失業率數字,依然維持在2.8%。有很多評論員話,由於失業率處於低水平,所以樓價是不會下跌。其實,兩者的關係不大,但如果失業率長期維持在低水平,代表做生意的人愈來愈難請人,最後就會好似我老友一樣結束生意,一班本來有工作的人就會失業。雖然有人話失業率非常低,他們不難搵到工作,理論上是沒有錯,但薪金可能要大幅降低。如果要令到那一班人不用失去工作,政府可以考慮放寬輸入外勞,只有輸入外勞,不但可以保住一些人的工作,還可以創造就業機會。

  現在市面上空置的舖位多了很多,有很多人認為是經濟轉壞。其實這只是其中一個原因,而事實上有不少打算開食肆,或者做其他生意的人在策劃生意的時候,發覺最難解決就是人力資源問題,請唔到人就乜都做唔到。一般人認為輸入外勞剝削了本地工人的就業機會,或者令到他們的工資下降。所以,就算不同政見的勞工團體都一致反對。其實他們有所誤會,輸入外勞其實是保障工人的工作機會。當經濟轉壞,首先要解顧的當然是外勞,就好似落葉一樣,一定會有一些樹葉首先凋謝,但那些樹葉並非沒有作用。在生長過程中,那些已凋謝的樹葉以光合作用為整棵樹提供了不少養份,令到整棵樹更加強壯,可以捱得過寒冬。所以,輸入外勞更加有利香港經濟發展,唔知點解咁多人反對。古人話人非草木,在香港應該是人不如草木。

輸入外勞才能創造就業
1. MT
2019-07-04 11:41
勞工團體都係一份工,職員都要食飯,支持輸入外勞等於得失自已腦細,輸入咗嘅外勞又唔可能成為新老細,只有減沒有加,點樣揀相信唔使問阿貴,至於輸入外勞對香港好定唔好就真係關仁。
2. 真真薯片
2019-07-04 11:53
依家咁既環境仲想立法輸入外勞?唔係掛
3. 十一哥
2019-07-04 14:18
發咗達揾人服待…邏輯冇鐠、不過攪掂宿舍未?

4. 十一哥
2019-07-04 14:22
唔係擔心外勞爭飯碗、係怕更加唔夠屋住。
5. 50 cents dog
2019-07-04 14:28
僱主要包埋外勞住宿, 咁D外勞先夠錢住係香港, 吸引到外勞黎洗碗了
6. 木子
2019-07-04 15:03
在香港應該是人不如草木。
最後呢句冇錯, 一棵樹除時值錢過一條人命。
7. 引刀一快
2019-07-04 16:25
飛地,飛地,飛地

重要嘅事情講三次。
8. 向泛民说不
2019-07-04 18:06
傻刀,飞咩L地啊,废青仇中,就是中央肯,狗罩暴徒都吾肯啦。

以前澳门就醒啦,得到横琴发展。香港人就on dog dog和中央对着干。现在的发展,真系好有可能提前收回一国两制。到时仲什么飞地,分分钟香港变成深圳市香港区。
9. 向泛民说不
2019-07-04 18:07
输入外劳,又要狗罩暴徒包围立法会。现在政府基本上咩都做唔到啦。
10. 引刀一快
2019-07-04 22:54
飛地,飛地,飛地

重要嘅事情再講三次。
11. 十一哥
2019-07-05 09:23
刀刀點衹三次…喃嚒咁…唸到忽忽地。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。