地產論壇
登入名稱
密碼
頁數:
茶餐廳亂話(518)中美貿易戰最後的贏家
瀏覽人次:26621    回應:18

茶餐廳亂話(518)中美貿易戰最後的贏家

 

湯文亮博士

紀惠集團行政總裁
2019年5月19日

  昨晚茶餐廳老闆話一齊睇英國足總杯決賽,睇左20幾分鐘曼城已經領先2比0。睇波變成茶話會,好彩老闆準備了很多小食,一路食一路傾計。有熟客問我,誰是中美貿易戰最後的贏家,中國抑或美國。問得真係好,中美都不會是贏家。不過,雙方都會對外公布她們是贏家,就算是贏家,都只是慘勝。其實,就算街邊賣菜婆都知道,中美是輸家,贏家是另有其人。

  中國唔向美國買大豆,豬肉,以及其他農產品,轉而向巴西阿根廷購買,巴西阿根廷的商人立刻坐地起價,結果是中國多付了鈔票。美國政府並没有收到想要的關稅,美國農民又賣不出農產品。反過來說,美國不向中國落單生產,轉而向越南,柬埔寨等地,結果是越南柬埔寨的商人立刻加價。越柬政府立刻徵收特別稅項,結果是美國消費者多付鈔票,中國又沒有得益,雙方都是輸家。贏家當然是提供製造業,生產農產品的國家。不過特朗普好嘢,不斷向國民吹噓美國是贏家。其實,他這樣說是自暴其短,即是話被其他國家知道美國人是儍的。講講下足總杯打完,結果曼城以6比0切低屈福特,意料中事而已。

茶餐廳亂話(518)中美貿易戰最後的贏家
1. 龍虎豹
2019-05-19 11:24
Admin

製(造)業。
2. morgan li
2019-05-19 16:03
李嘉誠欲脫手在上海最後一個大型項目
來源:香港網 www.123hkw.com
李嘉誠旗下的長江實業地產欲脫手其位於上海真如的旗艦項目——高尚領域,該項目的估值超過29億美金,200億元人民幣,長江實業在這個項目上擁有60%份額,也是長實在上海最後一個大型開發項目。

2006年,當時李嘉誠拿地每平方米少於3000元。長江實業當時規劃100萬㎡的綜合體項目-高尚領域,還計劃打造浦西最高樓。
現在李嘉誠正好踩著這個規劃集中兌現的日子,脫手高尚領域,時間點可謂踩得精準,不得不佩服李嘉誠的老謀深算,不賺最後一個銅板的理念。

從2013年開始,李嘉誠就開始在內地、香港陸續拋售房地產,變現離場,其中包括東方匯金中心,南京國際金融中心大廈,陸家嘴世紀匯廣場等等,2018年2月,李嘉誠以402億賣掉了香港中環中心。 “賣賣賣”的同時,幾乎沒有再在內地、香港拿地。
3. 真真薯片
2019-05-19 16:06
當年中國打越南,中國打入越南境內,坐唔夠兩個禮拜班師回朝,越軍於是收復失地,然兩雙方都話自己係贏家,我估中美貿易戰都係咁上下
4. 引刀一快
2019-05-19 16:22
贏家係俄羅斯,同周邊一班嘍啰,最大輸家係邊個?係全世界嘅子孫後代。

中國嘅產業鏈被移走,周圍幾個生態尚未破壞殆盡嘅小國就開始瘋狂開發取代中國呢個世界工廠,為先進國家服務,世界餘下嘅淨土一一摧毀,地球下一代下兩代集體埋單。
可悲呀。
5. 十郎
2019-05-19 17:33


      刀兄 , 越南柬埔寨都係中資 , 幫中國人加工。中國基本上控制晒喜馬拉雅山的水源 , 除左印度唔駛講  , 水源調左去新疆。越南現在缺水 , 東南亞湄公河都歸亞爺節制 , 越南再牙擦d , 可能要交水費



6. 自我陶醉
2019-05-19 18:11
十郎兄

多得傻侵,越南已越來越多日資和韓資進駐了。
7. 十郎
2019-05-19 18:28


      醉翁兄 , 你好。

      台資都湧入 , 郭台銘動向都暖昧。越南好大膽 , 唔敢單挑中國 , 搵埋十個國家一齊開石油 , 亞爺話在南海偷左200億美金石油(亞爺自己話咋 , 究竟誰屬就各說了)。呢筆賬有野睇。


8. Hongkong People
2019-05-19 18:35
其實中國轉型一早已開始,搬廠並非始於貿易戰,代工廠一早就係雞肋一件,利潤少環境污染大,阿爺老早就想請佢哋走,不過唔好意思開口,唯有整個勞工法,令勞工成本上漲等D廠自己搬走;貿易戰只係加速轉型,汰弱留強罷了.
9. 引刀一快
2019-05-19 19:09
依家阿爺最大問題,係技術唔配套,工藝、技術、不連貫,幾乎所有範疇都冇完整嘅生產技術,化工基礎又追唔上,最強項係組裝,人家扣住一兩個環節就牽住你。
所以大家要多長個心眼,形勢再嚴峻啲,就有可能武統台灣,一旦得手,技術就馬上追廿年。
10. 十一哥
2019-05-19 20:02
有個誤區、好似全世界生產嘅嘢…都係美帝食哂、而家好多貨打咗美帝嘜頭…老表先係真正嘅大客、就好似法國佬D貴口貨…老表幫趁小D都要即時喊驚、如果唔係個個都要阿爺幫趁…一早8國聯軍分豬肉啦!勞力密集轉去東南亞…即係老表升呢…轉型做賺錢頭角色。

刀刀 仲停留喺鏍絲批工廠時空、識…先學人講工芸技術化工基礎啦、如果真係似你講咁屎、美帝使Q茅招盡出…媽媽咁跳咩 !
11. 引刀一快
2019-05-19 21:29
琳琳,呢瓣你唔夠水平,只係水炮。

12. 引刀一快
2019-05-19 22:15
十郎兄

中國一向有利用地沿政治,不過態度懷柔,而且有個心腹大患俄羅斯喺隔離,呢鋪唔易玩,歸根結底,呢鋪第一個禍心係俄羅斯,第二個,就係過去十幾年嘅中國遊客。
13. Admin
2019-05-20 10:25
1樓, 謝謝指正, 文章已修改
14. 十一哥
2019-05-20 13:12
…水炮…刀刀要座低放水…又犯咗忌諱…

15. 引刀一快
2019-05-20 14:44
呢個世界最起碼有兩個國家嘅男人會坐低放水嘅,日本同印度,日本仔好多年前就已經提倡男人坐低屙尿,減少清潔廁所工作量。
而印度嘅原因呢,琳琳你要關心嘞,踎底屙尿可以屙清D,延緩前列腺衰老,琳琳,你今日踎咗未呀?
16. 十一哥
2019-05-20 14:55
牛林水炮冇得踎…要就住刀刀踎低先啱位接嘛。


17. 引刀一快
2019-05-20 15:13
琳琳,唔使玩挑逗,我唔興呢家嘢,你去第個網揾喇。
18. 十一哥
2019-05-20 15:23
喂!…牛林…水炮體驗咗…讚十一哥、係你發姣強調我長處喎 ! 食到飽梗唔哂…仲要教唆十一哥去衰11、毒呀婦人心!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。