地產論壇
登入名稱
密碼
頁數:
睇淡樓市並不代表唔可以買樓
瀏覽人次:26403    回應:13

睇淡樓市並不代表唔可以買樓

 

湯文亮博士

紀惠集團行政總裁
2019年2月8日

  在大年初三,一班澳門老友聚會,不少老友恭喜我買了兩層甲廈。我話有什麼好恭喜,愈買愈平,代表我蝕錢,不過我又不介意蝕多幾次。有老友話我哂命,正式Macau Friend,亦有老友話我口是心非,唱淡樓市叫人唔好買樓而自己去買。我話大家在澳門長大,一定有勸過朋友或者親人不要入賭場,而自己又會玩番兩手。大家都是勸那些經濟有問題的朋友不要入賭場,自己有閒錢,玩番兩手又何妨。我提醒那些未合資格,要問財務公司借錢買樓上車的人要三思。如果他們可以在銀行借錢甚至Full Paid買樓,幾時買樓都可以,根本唔需要聽其他人講。再退一步,就算我講錯,任何人聽我講在去年沒有買樓,基本上是沒有任何損失。如果他們現在買,一定會比去年買慳好多錢。雖然很多人話我預測錯誤,其實我沒有錯。

  大家可能忽略了一件事,就是睇淡樓市的人。當他們買樓必定會更加小心,稍有懷疑或者形勢不明朗寧願唔買。而最緊要的一件事,我並不是叫人賣樓而自己買樓,但現實社會,睇好樓市,叫人買樓的人,他們正在賣樓或者從買賣交易中得到利益。我無意得罪他們,但那些人的說話值得大家去細聽,相信大家心中有數。其實,買唔買樓的主動權並不是在評論員,我們只不過提供合適的意見。

睇淡樓市並不代表唔可以買樓
1.
2019-02-08 09:24
過去五年既主調都係 自住供得起,唔怕買,買黎住,升跌都係帳面數,自住又唔會沽住 何必在意短期波動 到退休時層樓多數賺
3. 好友致淡友
2019-02-08 09:36
我哋都是勸那些經濟有問題的朋友不要入賭場。
4. 自我陶醉
2019-02-08 10:04
經濟有問題固然唔應入賭場,經濟富裕都唔代表可以去賭場,大把有錢人在賭場傾家盪產,懷著錯誤心態嘅人,不論貧富,一樣唔應該入賭場,適合去賭場玩的人必須有兩個條件:

1. 有閒錢之餘,還要輸得起
2. 以耍樂心態,而不是非贏不可的心態。

6. 安多
2019-02-08 12:35
說真的, 香港有安老按揭之後, 我覺得更加要有層樓
打工既真係靠MPF 同個DD 生果金退休, 都係老無所依~~~

無兒無女既更加要買樓~~起碼老左, 層樓都叫做幫您自力更生......
8. 真真薯片
2019-02-08 18:47
博士買兩層中環甲級商廈係屬於自己有閒錢玩兩手(果然真係兩手)

之前口出狂言既小巴大王唔知有咩感想
9. 冇得輸
2019-02-08 19:58
錢無限而地有限,可以起樓的地更是有限中的有限。

香港樓可以跌得幾多同幾耐?
10. 李澤西
2019-02-08 21:19
咁點解“地產神童”羅兆輝要燒炭?哈哈
11. 回樓上
2019-02-09 12:41
點解經過67,81,03,08咁多次危機,香港仍然大把人靠投資物業發逹,全港差不多7成物業全部供滿?貧富差距擴大,租奴翻不了身的大把。

羅兆輝燒炭,咁其他地產大亨及大炒家林奮強哩?
12. 真真薯片
2019-02-09 20:17
舉例去評論一件事,要舉常例,唔係舉特例,除左倫敦金,賭咩都有人贏有人輸,有中大博士賭贏馬會,亦有賭神比拉斯維加斯列入黑名單,但冇人會話賭馬同拉斯維加斯好易贏

舉一兩個例子出黎話某樣投資產品一定贏/輸,全無意義
13. 引刀一快
2019-02-10 15:40
都係果句,筍就買。
14. 引刀一快
2019-02-10 15:43
To 10樓 李澤西兄

據說,強調一下係據說,羅先生係因為得知罹患絕症而自殺,後來又冇事。
15. 真真薯片
2019-02-10 15:47
刀兄,咁據講羅生係因為冇錢所以痴線定係因為痴線先冇錢呢?
16. 引刀一快
2019-02-10 16:43
真真薯片兄

據講,又係據講,羅先生係嗨嘢嗨傻嘅,加上燒炭一氧化碳中毒,傻加傻。嗨嘢同跌錢可能係互為因果,跌錢跌得緊要就更加嗨嘢,越嗨就越得罪老細,貴人躲避。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。