地產論壇
登入名稱
密碼
頁數:
小陽春出現,樓價會大跌
瀏覽人次:24488    回應:9

小陽春出現,樓價會大跌

 

湯文亮博士

紀惠集團行政總裁
2019年1月2日

  有經濟學家表示,樓市今年只是下跌5%,而且在春節後會出現小陽春,樓價升或跌,各人有各人不同睇法。雖然大多數人都不睇好今年樓市,但亦有評論員話樓市已經過了谷底,早已止跌回升。我認為各人對於樓市有不同睇法才是好事,打算買樓的人可以參考各人理據再做決定。不似去年,差不多全部評論員都話樓市會繼續上升,令到不少實力不足的人不顧一切上車。現在他們是有麻煩,那些去年睇好樓市的評論員亦知道是闖了禍。所以,他們預測今年樓市走勢亦比較輕描淡寫,+-5%根本毋須做預測,或者只需要話樓市走勢平穩便可以。

  有不少評論員話春節後樓市會出現小陽春。如果凱匯未開售之前,我是絕對同意這個說法,但凱匯搶去了千五個包括老弱婦孺的購買力,正常的購買力其實是所餘無幾,春節後出現小陽春的可能性其實不大。不過,又並不是沒有可能,如果地產商願意大幅減價,成交量大增,樓市就會出現小陽春。如果地產商只是輕微下調售價,咁就乜春都冇。這篇文章重點是如果出現小陽春,代表地產商大幅減價。這樣說,樓價就不止下跌5%,做分析不能夠自打嘴巴。

小陽春出現,樓價會大跌
1. 自我陶醉
2019-01-02 09:06
信置搶了1500個購買力,貿易戰更徹底動搖了國內和本地的投資信心,如果個個發展商都學信置的開價策略的話,樓價的確不容樂觀。

祝博士及博士的忠實讀者新年快樂! 個個投資有道,豬籠入水,事事如意!
2. 真真薯片
2019-01-02 09:35
除左超人同華懋,唔見得邊個地霸會減價,超人都唔知申請左預售未,而華懋貨唔多,影響不大

最有信心坐貨依然係兄弟幫同四叔,會德豐應該會扮減價,實情冇乜點減果種
3. To 1
2019-01-02 10:23
醉哥, 新年前去收爛數順便吹水, 魚腩河的朋友、年年夠數上主板但唔上的豬腩 X 話錢莊緊慎覆核, 催交盤數, 如果只在 內地 有廠的一概唔 renew, 佢好彩三幾年前已在另一小國設廠現在投產, 才 R 番返黎, 另外各保險機構已出歐美唔找數客名單, 又冇貨出矣, 等等... 
現在入 30 個月樓市期貨真係要好有信心也。
4. Hongkong People
2019-01-02 12:05
我反而唔同意博士嘅講法,香港地錢就大鬼把,只係礙於地產辣招,有錢人用盡屋企業人無物業名額慳稅收,明眼人都知98歲阿婆只係出名,後生科水; 咁睇, 98歲阿婆名都用埋,佢哋真係好疊水,香港樓真係跌極有限,如果政府撤招,真係排山倒淘海嘅購買力在後頭. 
5. 引刀一快
2019-01-02 12:28
都係果句,大灣區喇!不過,齋睇好嘞。


6. 自我陶醉
2019-01-02 13:01
回3樓,大陸好多廠都開始或已經搬去東南亞,今年經濟差已經預咗。賭30個月後升跌,同賭運冇分別。

7. 真真薯片
2019-01-02 13:18
新增供應真係老鼠尾生倉,多極有限

啟德98年搬走,19年後既上年先有第一個私樓入伙,大部份地仲係地盤,成個啟德起好晒恐怕要再過十年,一大去平地完全冇技術障礙都要30年,可想而知正苦做野有幾慢

另一個例子觀塘凱匯,98年落實重建,廿年後既今日裕民坊樓下都仲有鋪未搬,隻巨蛋暫定2026先起好,又係歷時30年

西九又係咁,正苦開發土地部門真係好做,20歲畢業入去做,做1.5個項目就可以退休了,歸根究底,香港土地涉及太大利益,需要大量時間係背後講數角力,結果嚴重拖慢進度,未來十年45,46,定47萬供應,都係得個講字,64轉73就係林鄭發覺大數唔夠,所以保左自己條數先,起碼自己賣居屋,可以自己定價又肯定唔會囤貨,賣地比地霸,供應有如泥牛入海,年年都潛在9萬幾供應,但係年年供應都深潛
8. 年年都潛在9萬幾供應
2019-01-02 18:25
在經濟遇冷, 樓價下跌業績已成 和 官府 42 32 22 與購買力掛鈎恒常化 及 填海源源不絕供應與購買力掛鈎盤 下, 就算有 272000 堅票, 遇上二百幾萬個二手人掟人盤, 一手就算冇落成都冇所謂。潛在一手供應越多, 劈價越狠, 下次翻身可能要等 2047。
10. 引刀一快
2019-01-03 04:18
問題就喺呢度,樓價升咗會跌、跌咗會升,經濟差咗會好返,但係有一樣嘢係不可逆嘅,就係香港同大灣區融和程度,只會越來越融和,唔會逐步分離出去,所以未來在通關同交通兩個方面都一定越來越方便,會有一定比例嘅香港人居住模式改變,就算政府唔玩飛地,香港人可以玩飛人。
住大灣區最大優勢就係居住面積。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。