地產論壇
登入名稱
密碼
頁數:
怎樣推算負資產數目
瀏覽人次:33872    回應:47

怎樣推算負資產數目

 

湯文亮博士

紀惠集團行政總裁
2016年3月21日

  報導話到負資產數目由去年底95宗到今年二月底有200宗,這全部都是按揭公司公佈的數字,銀行界推算應該有400宗,比去年底激增三倍,其實,銀行界的推算是極不科學,有一個數字,按揭證券公司就最清楚,那些申請按保而又獲得批核,而變成負資產的個案現在有200宗,但那些申請而沒有獲得批核,除非他們沒有買樓,否則的話,就九成九會變成負資產,但是要那些人唔買樓就相當艱難,雖然按揭證券公司唔批核,但不少財務公司早已批核,當那些人被拒絕之後,財務公司的批准文件已經放在他們眼前,只要簽個名,買樓的美夢就會成真,而且利息與按保相若,如果有人認為那些人會拒絕,我覺得他的心理有些問題,就算是我,都一定唔會拒絕,除千多萬謝之外,還會鬧爆那個發表爆煲論的人,醜化財務公司,真的是人渣。

  大家可能唔知道,或者會對按保與財務公司收取大約相同利息有所疑問,其實,財務公司為了吸納生意,第一年利息是會降低很多,而按揭證券公司的利息是包括保費,所以,大家的收費好似差不多,但當樓價下跌時,業主就會發覺當中分別,當物業變成負資產,將物業按在按揭證券公司的業主可以選擇放棄,而毋須負上法律責任,已付出的樓價當然是攞唔返,但按在財務公司的就絕對不同,那些業主不但要付差額,甚至可能會連累擔保人,分別是很大。

怎樣推算負資產數目
1. 苦前業主
2016-03-21 09:02
點解朗八咁好賣嘅?
2. 引刀一快
2016-03-21 09:35
多謝湯先生分享,不過可能對部份建議唔問價入市嘅好友,諸如LYC之流,作用不大。
3. 西門吹雪
2016-03-21 10:42
博士~~仲有D人,就係明知自己申請唔到按保,例如收入不穩定,或者差少少過唔到壓力測試既人都會直接用財仔GA~~舊年有D財仔為在搶生意,利息真係同銀行相約GA。另外有D甚至用私人貸款為名,借錢消費,內裡說穿了仍是用層樓底壓的。這種種隱藏既數字,真係唔知有幾多GA
4. 西門吹雪
2016-03-21 10:44
1樓~~朗八一D都唔好賣啊~~
不過,我早說了佢開價幾進取,佢好賣先得人驚。
5. 十郎
2016-03-21 13:01


      我的台詞背後,係想講:現在賣,好過六個月後賣。

      (我唔想在前一版留言,㩒來㩒去,唔直接)。
6. 真真薯片
2016-03-21 13:19
郎8有900個單位, 依家賣左150個就開始慢銷, 今次真係慢銷, 有排銷
7. 望東樓
2016-03-21 15:33
朗屏8 heat map

四百幾萬係元朗買間一房係唔係平真係睇下閣下有幾富貴啦。不過打死我都唔制。
8. 西門吹雪
2016-03-21 15:37
大俠~~佢已經唧牙膏咁賣,唧左少少出來都食唔到一半.... 半年前超人賣貴得多,位置仲遠些少,都清左幾Q先開始慢。

至於超幾多倍係發水票來架~~真正有幾多人買先重要~~

尋日我去左荃灣睇,未有耐到已經比班地代圍。唔駛排隊直上示位。


9. 蕭峰
2016-03-21 15:37
其實已經唔想多講,只是覺得,同一單新聞,大家解讀竟然爭咁遠!

朗8逆市況下收票1700張,超額4倍,開售即日售出137伙,約佔推出單位4成,至少唔算太差掛?

10. LYC
2016-03-21 16:05
幾個淡友圍埋一枱,毫無理據地唱衰經濟,博士都叫可以入市買啦,自己冇錢買要捱貴租就想其他人陪葬。6個月後租金和樓價爆上,睇下你們還有冇心情在這裡吹水,到時咪一殼眼淚,繼續做無殼蝸牛囉,希望到時唔洗越住越細越遠呢!

11. 蕭峰
2016-03-21 16:20
頭先上網再詳細睇下朗8去貨,發覺都唔平,兩房去到600幾萬,實用888呎售出1204萬(26F)。大家自己感受。

12. 十郎
2016-03-21 16:22


      六個月後爆上,我就改名做 “二鳴” 囉。


13. 十郎
2016-03-21 16:29


      又唔係無人錯過!!!!


14. 鳥5
2016-03-21 17:39
發展商實力好勁呀,市場上有14000先急吐貨,下年年中先到War,佢...地仲可以玩放租,如service apartment...而家佢地有好多方法頂War,佢地話平。。就真係吹多。。(見)官財先流眼淚。。而家係(聽)官財話流眼淚。。供求要到17年後既事。。呀。。急5到不如5好。睇。。

15. 鳥5
2016-03-21 17:57
發展商講果D建築成本5係清水樓既建築成本呀,CY係積師,揾錢就5夠人叻。。不過發展商D底佢比一般人清楚。。呀。。計好自已數。。。冇高地價政策,D支歌仔架啦。。。
16. 十郎
2016-03-21 18:09


      有冇人識得翻譯14樓,唔該!


17. LYC
2016-03-21 18:17
朗8元朗供應重災區賣到過萬一尺,市區2手樓業主計下自己層樓尺價有乜可能要低過佢呢?現在只不過逆按揭措施搞到等錢洗個班要平賣,賣咗肯定買唔番!
睇下汪生點講啦,老友!股市和美元正在反映緊呢!


18. 四叔无吃药
2016-03-21 18:55
突然走出来说跌三成,又不见迎海劈三成?玩边科?
19. 鳥5
2016-03-21 21:37
#香港落成單位(空置)最多歴史约19000個(死線),上年約6000,佢地會盡最大努力頂,送乜送乜都5诚價向零售價。(下策)。。。。。要佢地真減。。要到市塲現貨達14000個,之後先佢地内部兢爭臨介點。。

20. 望東樓
2016-03-21 21:42
 紀惠集團行政總裁湯文亮稱,近日兩位李先生分別睇淡樓市,看似「倒自己米」,但其實另有目的,就是要確認樓價下跌,由賣樓的說樓價下跌,真實性較地產代理說的更強,當樓價被確認下跌之後,金管局就要履行承諾,要放寬逆周期措施,樓市便會穩定;只要樓價急跌不是「陰乾」,政府應該會放寬逆周期,故樓價再跌15%料已跌夠。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。