地產論壇
登入名稱
密碼
頁數:
21. 笑看人生
2014-05-29 18:02
多謝山高雲低兄!
22. 扫把头
2014-05-29 18:12
黃生同買咗白石角一,二期嘅小业主都被呢个無能政府玩死啦!應集體告政府取回公道
 
时光倒流到98年, 如果可以告, 当年CY已经入册啦!
23. nobody
2014-05-29 18:18
For those who are can afford buying their first home but didn't move yet, my advice is:
Go ahead and take the financial risk.
When you play it too safe, you’re taking the biggest risk of your life. Time is the only wealth you’re given. 

24. 蜕变中嘅懒人
2014-05-29 18:36

亮劍兄,其實你覺唔覺得英軍今次冷手執個熱煎堆,以超乎常理低價奪得白石角科研路臨海地皮,配合埋上次科進路流標,加上同期會得風以市場上限稍高奪得啟德地皮,相影成強烈對比,除卻市中心同大埔區分有別外另有玄機呢。

訊鵝喺呢個地段儼然大地主,而且仲有大量單位未賣,照常理應該托住個價,但係由第一次隔籬塊地流標,到呢次訊鵝都有份競投,訊鵝明顯放軟手腳,與往時訊鵝大好友形象完全走樣,亦與一般地產商做法大異其趣,懶人估吓原因,亮劍兄諗諗有無道理,再加啲更精密嘅推測,等網友更加瞭解呢單野。

懶人稔,嗰度重有4幅地,加埋流標嗰幅仲有5幅地推出市,同行明知,訊鵝又自知無能力托價食晒,但係又己經做咗寃大頭孭重飛,亦知道其他同行會插低個價,唯有以買股票溝淡貨咁搏平價上番一两件幫補吓呢,如果不幸估中,咁訊鵝今次就真係傷到入骨矣,亮劍點係?

25. 蜕变中嘅懒人
2014-05-29 18:40
最後嗰句應該係:亮劍兄點睇?
26. 亮劍
2014-05-29 18:56
亮劍 2014-05-02舊文章重貼

 

現在各地產商點喺香港玩地產:-

長和系-----拒哋應該估計於 2017 - 2019 年應爆煲,但在此之前應有井噴出現,咁他們的做法,應該係唔好入嗰啲要攪幾年才賣得嘅地皮;扣實快將落成嘅樓盤睇位賣;將其他到價嘅資產陸續沽出或分拆。如果我估計冇錯的話,小超會於臨爆前嗰段井噴期,就大手出售下樓宇,然後順手來个世紀大供股籌,補充彈藥以便在災後執平貨。

新地系-----拒哋應該估計後市應該反覆喺呢啲位上落,所以他們會扙著其名牌效應可賣高啲關係,將手上有嘅存貨順勢攞出來賣,然後再襯政府賤賣土地期,來個低吸平倉。

信和系------拒哋應該估計後市不能大升,所以再無勇往直前呢支歌仔唱。

九倉系-----拒哋應該估計後市應該會跌少少,因此拒哋在攞倒預售樓花同意書之後,就快速推售單位,玩火中取栗。

四叔、彤叔-----拒哋盡量唔得失你政府,所以邊個做特首都唔驚,照行照做、照辦煮碗。

太古系------有大把優質收租物业打底,專攪奢侈樓,每月一兩間咁出,唔嗲唔吊都得。

其他中小型發展商-----每間最多都係幾百個單位,輸唔死人!

 

5月 27日後記:

那些以 4,XXX AV樓上入新界地嘅發展商,例如鯇魚側嗰幅,好可能虧本收場!

大陸發展商呢次就當交學費啦

27. 小陽
2014-05-29 19:09
亮劍兄,
今天看now,講大陸萬火係東莞有組件廠。mass production 可以大量減低成本和時間,3曰起一層,好似砌Lego 那樣。所以佢地那広勇投地。

大陸地產商起樓量大過香港地産商好多,所以肯俾錢研究減低成本,所以我相信建築成本會隨著科技減低
28. 亮劍
2014-05-29 19:18
天賦海湾呢头,打後將會有弍叁仟个单位嘅地皮推出,而且呎碼仲係最惡賣的D類单位!
無咗同胞接貨,呢度冇MTR又車位不足,加上你信和手上还持有过仟件嘢喺手,現在就算黃生想平手離场,以平價散春,都要沽你幾年起碼啦!
咁你就算想溝貨,都有其他選擇啫,為何係要溝白石角呢度?
29. 隨機應變
2014-05-29 19:53
亮劍冇需太過激動
小弟不材,都讀過4年建築主修屋宇建築
早兩年亦入職本地大型承建商做左兩年前線管理,現時的確有缺乏技術工人的現象,需要注意既係,土木工程和屋宇建築工程在建造過程中确有部分機械和技術工人的需求是相同的但是否有亮劍預期咁緊張就見人見智。
基建工程是經常性超支延期,但是屋宇工程就比較少出現這種情況。當中玄機不是三言兩語可以道破,小弟亦不詳述。
至於倉務萬叁請唔到同請唔請到地盤工係兩樣野   因為工作性質和收入已經唔同。

最重要一點係小弟提到所謂建築成本向下調必須靠市場供需慢慢調整而達成。

30. 江湖隱士
2014-05-29 19:58

為何係要溝白石角呢度?.........

白石角可以作為中高檔角色發展???黃生都是成功人士/社會精英份子!!!

31. Learning Gor
2014-05-29 21:22
説+x哥賣樓是因為他不看好樓市的人,相信對香港樓市的認識是—知半解。
簡單說,麵包舖購入了麵粉造麵包,如果唔把麵包賣去,唔通把它們鎖起去?
32. 大跌在即
2014-05-29 21:34

問題係成哥浄出貨唔買貨,成哥一定覺得跌先一路唔買野

33. 亮劍
2014-05-29 21:53
小陽C妹……
現在香港起楼已經大量採用預製组件,這的確可有效減低成幾建築成本,同時控制建屋速度,如果个地盆近海皮,建築商定必用预製件省$!
但我都講过一个建築項目涉及数拾个工序,而呢D工序大部分都不能北移。
34. 買到平價樓
2014-05-29 21:53

現在又多咗一位每日同狗鞥朋友???同狗鞥可不可以買到平價樓???

35. 蜕变中嘅懒人
2014-05-29 22:12

嗚乎哀哉迅鵝,一向以來號稱地產大好友,高價搶地,一馬當先,如今被CY打儍瓜個鎚扑正,唯有嘆時不我與,慘情!

亮劍兄,懶人有疑問,如果迅鵝黃先唔係想溝貨嘅話,佢大可唔落標,但係佢有落標而俾英軍以3300蚊呎價赢咗,咁即係話黃生岀價低過3300蚊呎價,所以懶人至諗到佢想喺白石角溝貨,而且係亞超着褲焗住嚟,如果唔想喺白石角溝貨,可以轉戰第二個場,呢度至令懶人諗唔通。

36. 大寶二寶
2014-05-29 22:44
回35 懒兄

恕小弟買鯇魚, 搭一吓嘴。 信和呢次落標價錢低過$3,300 兵行險着。 之前高價投番黎果D佢估計都蝕硬, 所以:

1. 如果今次可以低價投到就當溝淡, 吾使蝕咁多。
2. 如果投吾到, 即係有其他發展商價錢高過佢口價, 可以幫手 long 高個價, 对佢黎講都冇壞㗎。

吾知我嘅諗法懒兄有何高見。

共勉之, 哈哈!
37. CY
2014-05-29 23:00
大家講開預製组件,又講開地庫X灣

可以看看以下連結 (26:00開始)

https://www.youtube.com/watch?v=lPxx1QmRrZg
38. 蜕变中嘅懒人
2014-05-29 23:15

大寶二寶兄,唔好咁客氣,大家齊吹水好開心,自己諗錯咗,任何人有令自己信服嘅理由,都係擺叠錢入自己袋,你話幾咁happy呀。

言歸正傳,如果我喺迅鵝黃先,第一單流咗標,我就安樂晒,即係話政府最低限度低過我支標唔會賣;跟住第2次落標,黃生支標最多3299蚊呎價,咁唔多似想long高個價,以想低價溝貨多啲,如果咁幸運好似英軍咁中咗標,黃先有2個好處:1.嗰度白石角暫時都係黃先雄霸,價錢由佢話事;2. 縱然資本未回籠,揸住塊平地可以揾partner合作,唔使已落成嗰渣樓俾人座價,正如一號銀海咁平買可以貴賣。

黃生岀唔起高價long白石角,原因係要食6幅地食唔起,食得1幅食唔到第2幅,懶人都戥黃先淒慘,大寶二寶兄點諗?

39. 大寶二寶
2014-05-29 23:55
回38 懶兄

我都同意黄生洗濕左個頭, 進退兩難。 佢冇可能食西六幅地, 只怕愈踩愈深, 愈蝕愈多。 所以我相信佢未來都會出低價投埋其他果幾幅地, 希望一個吾覺意以超低價執死雞黎溝谈成本。

不過小弟吾太同意話買西六幅地就可控制賣價。 始終教要睇番當時豪宅市場價同大氣候先至訂價。

仲有我話long 高個價嘅意思係: 假設信和出$3,000 元,當然投吾到喇。 而鷹君用$3,300 投到, 即係話佢慳番$300 而地價可以升多$300 , 咁佢先前揸住果塊地冇形中蝕少$300 ( 如果佢用$3,000 投到就少$300) , 間接地鷹君幫佢long 高左$300 元

共勉之, 哈哈!
40. 結論
2014-05-30 01:02
誠哥買地唔賣樓,係好消息,樓價會爆邊大升,如果誠哥賣樓唔買地,一樣係好消息,樓會更加會爆邊大大大大升升升升!!!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。