地产论坛
登入名称
密码
页数:
晨早夜话(44)烧春鸡
浏览人次:20661    回应:8

晨早夜话(44)烧春鸡

 

汤文亮博士

纪惠集团行政总裁
2019年11月30日

  昨晚无应酬,屋企所有人又唔得闲应酬我,又唔想去打羽毛球,於是一个人去IFC睇「决战中途岛」。在途中,收到一个做饮食业朋友短讯,佢叫我支持饮食业,就算一个人都出街食饭,於是立刻订位,并且订了一只法国烧春鸡。老友问,是不是要开边烧,不要切走鸡背。我话是的,因为一般外国餐厅做烧春鸡,都会将鸡背切走,但不切断,这样可以放平来烧。其实,鸡鸭鹅最好食的地方并不是髀,而是背。我细个时识得一个二世祖,每次出街食饭都叫一只烧鹅,他只食鹅背,大家唔好以为他败了副身家,今日仍然不知几有钱。当时佢老豆话,食得几多,只要唔赌,点使都使唔晒。

  我在中环睇戏食饭,市面似乎都回复八九成,今次社运虽然元气大伤。不过,香港的回原能力很强,就好似中途岛战役中的约克郡号航空母舰。不过,如果不断地被破坏,结局亦好似纽克郡号一样,一沉不起。写完文要去游水,因为今日是屋苑内的室外泳池最后的开放日,明日要在室内游水。

晨早夜话(44)烧春鸡
1. Stephen Wong
2019-11-30 09:02
发财立品
2. 引刀一快
2019-11-30 10:04
中意食鹅背叫同伙计讲就得喇,烧腊佬话最靓果旧系萝柚对上三只手指位,我cheap人一名,除咗鹅上翼,旧旧都中意,试过一啖吞一旧差不多拳头咁大嘅鹅膏,不过之前要用水冲一冲,唔系就咸到苦。
3. 十一哥
2019-11-30 11:24
香港又嚟…驣笼换鸟、好多霸咗高位阻住哂嘅庸才…为咗安心价值、都开始谂后路、咁对香港有消滞效果、1~可以褪番好多位出嚟比后上、2~顺手精简人手…走10个补7名就够用…年资新…人工又平D…生意就易守、3~走即系唔睇好…有D要卖楼先够搣、咁又褪番多D细单位民生楼出嚟、经济差…多人走…争食小…又一春、经济就似四季系咁loop。

食鹅食颈…要切直条、不过十一哥都系钟意食脾~下半段。

4. 亚Q
2019-11-30 11:37
地踎酒楼嘅烧鹅饭烧鸭饭 , 例牌斩埋晒D连些少肉都无嘅背脊俾我 , 原来系益我 , 我都唔识感恩 !
5. 十郎
2019-11-30 12:05


      琴日长沙湾道出九龙方向 , 有人示威堵路 , 在下适逢其会 ,巴士困晒在美孚站 ,  唔见有新闻讲。

      一哥话的鹅膏 , 我理解系鹅肚 , 脂香肥共瘦 , 有咬口 , 那里是五香粉同盐的聚脚点 , 所以咸 , 一样是我的首选。烧腊说烧鹅最好食系鹅肚及鹅背 , 我一早知。


6. 引刀一快
2019-11-30 13:36
十郎兄

你讲嘅鹅肚,早就俾人抢咗,当日我食果旧,系拜山斩鹅时,其他人怕肥,搣埋搣埋一堆嘅鹅肥膏,即系鹅油,襰住少少肉碎,一啖啪落去,油香加细碎肉香衬托,食完几日内会加速身体烧脂,好嘢嚟㗎。

鹅髀下半段,烧腊佬叫脚棍,筋腱肥美,挂炉特佳,因为最接近炉火,全身油脂就系集中喺两条脚棍同上翼前端透出嚟,好奇怪,脚棍好食,上翼就又干又粗唔好食。
7. 十郎
2019-11-30 14:19


     我都最怕上翼 , 后生之时都咬唔开 , e家更加唔驶谂。唔知点解 , 食亲烧鹅濑粉 , 梗系给一只上翼 , 我眉头皱。

8. 十一哥
2019-11-30 17:38
食嘅知识真系冇乜…难得刀刀又肯指教、识多个名…脚棍…就系最钟意条筋腱丰汁。

页数:
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

声 明

所有议题/文章由其作者提供,大部份回应/留言是即时上载,少部份未注册为会员的回应/留言会经我们的系统过滤,所有议题/文章/回应/ 留言/资讯及评论并不代表地产资讯网(Property.hk)立场和观点。由於本【地产论坛】受到「即时上载留言」运作方式所规限,故不能完全监察 所有留言,若读者及用户发现有留言出现问题,欢迎以留言或电邮方式与我们联络(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何争议,本网站管理员拥有最终的诠释权 。