自醉兄,
呢个世界根本乜絶对嘅民主,系犯民对民主定义,全世界都系假民主,要无筛选,要一人一票选,你话我知边个国家系无筛选? 不过,讲到尾,民主并不是好东西,讲来都浪费精力; D暴民咁钟爱英治时期,举晒英国旗但又高喊民主自由,你话佢哋系唔系脑入水; 我都唔知政府可以点样去回应佢哋D充满矛盾嘅民意,究竟你喜欢英治时期嘅独裁定系民主呀?D暴民系唔系唔应该谂清楚再出来表达过佢哋嘅诉求呀!真系好乱呀,唔知佢哋想点.
1200人唔可以代表700万香港人,但起码代表咗精英嘅一群,大家嘅目标都系要香港经济好,社会有发展; 香港脑入水嘅人唔少,我其实唔多介意少人代表佢,你成日讲1200人只代表0.01%,其实都系buy 民主,我同你有根本分歧,我相信二八定率,民主系蠢人选领导,唔会有好结果;如果有得俾我拣,我prefer回复殖民时期嘅制度,由中央直接任命特首,两局议员行委任制.
1. 你讲得啱,我的而且确对香港嘅司法制度唔信任,我亦相信我系香港社会入面唔系少数对香港司法制度存疑嘅人; 我认为任何一个公营机关系一个地方存在,最fundamental嘅一点系要对个社会整体利益作贡献,如果唔能够 fulfill 呢一点,呢个制度就已失效; 你对我嘅讲法有误, 我并非想人治,我痛恨人治, 我以前无知地相信香港系一个好有法治嘅地方,对我哋嘅司法制度极有信心,但呢二十年尤其占中后嘅一堆判决,对我当头捧喝,令我睇清,香港何来法治? 一椿椿就判决就是法官以自己政治立场人治紧香港. 我想表达嘅系我并非提倡人治,而系香港而家就系人治,唔系我想法治死,而系香港法治根本已死. 明白我个 point of view吗?
3. "知识份子特别反共",呢个讲法有D根本性嘅misunderstanding. 我睇翻中学时代同学嘅职业,有个发现令我好惊呀!一班同学之中有好多做咗老师嘅都系一堆读书差少少嘅人,佢话都系逻辑性低少少嘅人,佢哋分析力有限,思想容易偏颇,但我嘅下一代,正正落系佢哋手,呜呼哀哉! 真正叻嘅知识分子都好少去教育界.
对於你话有好多大陆人来港读书,之留港工作,我同意有呢个趋势.但从一个社会发展嘅角度,广纳人才做大个饼,对香港整体嘅竞争力絶对系正面嘅举措,记得我讲过香港vs星加坡嘅优势系 human capital 嘛! 增加有productivity及年轻嘅人留香港贡献,对人好老化嘅香港絶对有利; 呢个亦系美国经济相较欧洲经济有活力嘅主因,吸纳年轻有贡献嘅人口.
当然我了解我哋下一代会感到竞争嘅压力,所以强力反弹,呢D就系我哋下一代嘅不济,面对竞争,佢哋嘅选择唔系努力改进自己,而系选择自残,破坏社会; 不过佢哋唔明白,人地唔需要留系香港同你竞争,佢地去其他城市照样同你竞争,香港人材不足,自然唔可以吸引公司或资金留港.
我赞成人材留港,但我又唔赞成每日150人香港无筛选单程证来港,虽然,佢哋有助fill up低技术工种人手短缺,但亦有不事生产吃福利的人,如果香港唔可以改变呢项政策,其实,应该系福利制度上减少被滥用;可惜社福界为咗自己嘅存在价值,不断教唆不同界别嘅人滥用福利; 然后反手又謆动年青人抗争不公义; 正式神又社福界,鬼又社福界.
香港嘅悲哀!