地产论坛
登入名称
密码
页数:
81. 自我陶醉
2019-07-09 08:40
引刀兄

我哋有76% 土地係山同郊野公園,只有24%係已發展土地,7%用嚟住人,成個世界有幾多個城市環保得過我哋?  我哋只要從76%未發展土地中攞6%出嚟發展住屋,已經可以比现在住人嘅面積增加近一倍。  

我哋環保到啲人要瞓街、瞓麥记,年青人要用成世收入去买200呎劏屋夠環保未? 香港一隻野豬住嘅面積都大過我哋嘅下一代,環保到啲人癲哂走去暴動仲要繼續環保嗎? 咁多地唔用就话要飛地? 有条友個袋有幾千萬,不過佢话要用嚟儲嘅,仲想問你借两萬銀,你認为合理嗎? 你借唔借俾佢?


82. 你認为合理嗎?
2019-07-09 10:32
醉哥, 地霸同環保 L 覺得唔合理嘛, 文官系統都覺得唔合理嘛, 以哩度散漫嘅做事態度, 到 2047 已發展土地可能仍維持在 24%。
83. 引刀一快
2019-07-09 17:00
自我陶醉兄

未發展嘅76%之中,40%为郊野公園,36%为其他土地,集中開發呢36%都夠喇。
以我對中港同質化嘅了解,一開發,就唔会限住6%,而且,邊度靚攞邊度,越近市区越好,根本唔会從生態重要性同珍稀度考慮,将華南生態价值最好嘅其中一塊破壞之後,已經临近撤走邊境关卡嘅年限,到时土地概念就完全唔同。
84. 引刀一快
2019-07-09 17:07
飛地时間短而土地量大,比任何方法更满足时效,而且對串聯大湾区有非常積極作用,飛地周围嘅大陸区域,發過豬頭,有助应對未來不良環境。
85. 生態重要性
2019-07-09 17:11
阿快, 內地郊野地有沒有生態价值?
86. 自我陶醉
2019-07-09 17:13
83楼,

其實班精英選出嚟嘅政府,做事有时都幾有決心同效率㗎,就舉两個例:
1. 在元朗用17億起条行人天橋,在全人類反對,四大建築專业學会表明反對立場下,依然在立法会工务小組獲通過。

有興趣可參考下以下連結:
http://www.takungpao.com.hk/hongkong/text/2018/0615/176177.html

2. 花5千萬在观塘起個噴泉,就孜孜不倦,呢頭財委会反對,轉頭将摩頓臺項目與观塘音樂噴泉捆綁在一起,又可以再闖关, 結果又係姦计得逞,反對真係有用咩?

不過一講到造地呢,只要有人搵班茄哩啡出嚟做場戲,呢班精英就会出现選擇性無能了!  這就是我哋個政府“有趣”之處。怪我哋班年青人之前,唔該睇下我哋個政府做緊啲咩!



87. “有趣”之處
2019-07-09 17:28
打鐵還需自身硬, 慣左呃飲呃食談何發展呢, 冇咪伸手攞嗌阿爺增加自由行, 禾仲记得當年 cctvb 訪問一團鄉下人, 沒有貶義意思, 因为係真係山区鄉下人, 啲鄉民響应國家號召, 卖晒条村啲羊落黎幫我地香港同胞, 黎到發现得到嘅對待不是那麼一回事, 佢地諗唔明點解, 禾都諗唔明點解。
88. 自我陶醉
2019-07-09 21:06
引刀兄

我只是說從76%之中,拿出6%開發,冇講過一定要從郊野公園中取出。

不過,選擇近市区的地點先發展是非常合理的決定。  首先,道路系統和交通配套更有協同效应,其次,越遠离市区,野生動物遭干擾的机会就越少,是保育它们的最好選擇, 對人同其他生物都有好處,而且,你又怎麼肯定在郊野公園以外地区沒有更值得保育、更珍貴的野生物種呢?

89. 引刀一快
2019-07-11 04:43
To 自我陶醉兄&85楼

稍等,我試試写篇嘢去闡述我對香港郊野公園對華南生態嘅重要性嘅睇法。
页数:
我要回应
我的称呼
回应 / 意見
验証文字
 
回应 / 留言規則
  1. 禁止撰写粗言穢语、誹謗、渲染色情暴力或人身攻擊的言论;
  2. 禁止以名称/暱称/綽號/同音字等批評或映射任何人士、机構、公司;
  3. 禁止發布有关招聘、推銷、廣告等內容;
  4. 禁止公開任何個人资料(如電话號码、電郵地址、即时通讯帳號等)。

敬请留言者自律。本网站保留删除/堵截任何留言的权利。

声 明

所有議題/文章由其作者提供,大部份回应/留言是即时上载,少部份未注册为会员的回应/留言会經我们的系統過濾,所有議題/文章/回应/ 留言/资讯及評论並不代表地产资讯网(Property.hk)立場和观點。由於本【地产论坛】受到「即时上载留言」运作方式所規限,故不能完全監察 所有留言,若讀者及用戶發现有留言出现問題,歡迎以留言或電郵方式與我们聯絡(admin@property.hk),我们有权删除/堵截任何留言 (删除/堵截留言前不会作事先警告及通知), 如有任何爭議,本网站管理员擁有最終的詮釋权 。