|
收回哥尔夫球场,重点系要有钱佬冇波打,好闭翳,等佢哋响冷气房由朝坐到晚,啲富贵病出晒嚟咁罗。 以后倾生意去麦当劳倾,食下食下,等佢哋一个二个变成滑嘟嘟咁样。
虽然我系环保分子,但系最好斩晒哥尔夫球场嗰啲老松树啦,一棵都唔好留低,咁就公平啦。
至於第时响嗰度起咗楼,送俾我都唔住,去哥尔夫球场嗰条粉锦公路落一场雨整左半年都未搞惦大家知唔知?
|
|
|
今次贵族波地令到班贵族失哂方寸、老师傅都乱哂何尺、乱咁作…以下呢句有冇根据 ?……最大年龄组别在50至59岁,呢个组别人士多主张发展新界农地,反对收回球场。中产富裕人士相信多是这班人……~这班人~有几多人 ? 高球会员又几多人 ? 自己意愿唔好强加比人 !
重点在高球会员并非土地~拥有者~应该系~特权利益占受者~
做生意唔一定要用高球场、幼稚电影睇得多…以为大deal系咁炼成嘅、亦有好多电影剧情…古惑团伙习惯喺高球场埋堆做deal嘅…够空旷人又冇…偷听难装罗!
攞新加坡嚟比较 ? 点解唔先学习人地嘅公营房屋成就 ? 要比较D贵族玩儿多少 ? 黎民等房屋…喺要嚟住 ! 有人就做贵族辩护士…怕失咗笪殖民遗风地 !
棕土…唔代表系荒废地、好多系民生硬需嘅运作地、搬空都要再揾代替用地、咁玩法只系上屋搬下屋…冇实质增加土地供应…只系虚耗社会时间同资源。
点解咬定要摧毁 ? 咁大笪地…最易规划、因应原有树木建筑而设计保留…优化、绝对可以转成为将来社区嘅特色。
人生到某阶段…如果都冇法…以口説心…一生白活 ! ! !
|
|
|
二楼,你咪搞错,香树辉冇乜料,料通常都系佢身边嘅人比佢嘅。系星加坡打高球?阁下最好朝早五点起身,细佬有一次系滘西洲南场都几乎中暑。
全港总共有一百八十个球洞,收返个块边角位都只系收返五个巴仙,湿湿碎。更有趣系深水湾、石澳呢啲真正权贵地方嘅场反而唔系点心表,反而系粉岭呢啲次权贵场先比人郁。
|
|
|
收回丁屋才能真正解决问题. 丁屋制度极不公平. 收半个哥尔夫球场冇乜用. 应该增加非常非常高的收费. 私人哥尔夫球场税. 因为就算开放比公众. 个个打工仔要返工点会去打?
|
|
|
未必一定要收回丁屋,比方批准丁屋得三层变成三十层。不过咁就天下大乱罗。
|
|
|
飞地去大湾区系最好最快嘅造地方法,冇人支持,终归咪郁呢D场罗,到时去大湾区打都一样啫。
|
|
7.
3Cents |
2019-01-09 07:06 |
|
星加坡政府早在2014年已决定不续租并收回3个高尔夫球场,给每个球场7年时间过渡期。
所以收回8个洞和一个停车场已经是非常合逻辑的建议,不会对高球发展有太大影响之余(不要忘记香港还有一个54洞的公众球场),球场附近的配套非常适合在短时间内兴建公屋/居屋/私楼,成本效益理想。
|
|
|
收8个洞都帮唔到几多,仲要放弃每年举办嘅国际赛,不如唔好收。
石澳个球场短到离奇,18洞得64杆,而用嘅人又少,收番嚟起豪宅好过。
|
|
9.
Koichi Fuyumi |
2019-01-09 09:23 |
|
“ 填点心纸民意显示,主张收回球场之比例高达96%,应该是有心人发动嘅”
为什麽支持保留球场的有心人不发动另一个活动去推低数字?数字可以输但做人唔可以输器量
|
|
10.
To 8 |
2019-01-09 10:42 |
|
醉哥, 填好个岛, 南面用黎放货柜, 荔景葵涌, 收番黎起公屋好过。
|
|
11.
自我陶醉 |
2019-01-09 11:39 |
|
回8楼
非常同意,嗰边啲地仲好用,又近市区。
我觉得香港人愈来愈短视,我唔明点解咁多年青人反对填海,就算唔为自己谂,都应该为下一代想,只靠收地永远都满足唔到未来需求。
|
|
12.
引刀一快 |
|
2019-01-09 12:37 |
|
自我陶醉兄
个海填得嚟,海关都撤得喇,同阿爷攞地,想几多有几多,仲可以有廉价大陆劳工、建筑材料,平靓快,根本唔使郁D球场、公园,仲可以带动经济,再谂远D,复兴香港工业都得,填海嘅钱,用嚟做呢D好过喇。
|
|
13.
To 12 |
2019-01-09 13:04 |
|
快哥, 而家时兴唔驶做有钱收, 你唔搵啲野俾本土人做土人只会更饭来张口, 无厘头丢四千落乞儿兜都话伸手攞烦, 切钢筋深夜出新闻发布明显系最高层赶睇完才可以出, 已经系最快, 都俾人闹, 肠粉出黎讲唔好意思, 咁以后第二朝罗, 唔好又嫌慢又抽秤隔夜系咪要造假喎。
|
|
14.
自我陶醉 |
2019-01-09 13:05 |
|
引刀兄
每次你讲飞地,我脑中都有好多问号。
点样确保所有同区居民都愿意卖出或租出土地? 唔肯卖又如何处理? 留下的原居民又算是香港人吗? 以后交香港税定大陆税? 消息一出,几百万人涌去嗰边你系咪收哂? 我将要走的资金埋在地下,等转移后换成港币,情况点样控制?
飞地系跟香港法定大陆法? 跟大陆法的话,即系唔属於香港管辖范围,同移返大陆有咩分别? 如果跟香港法点解可以唔经立法会通过,任请廉价劳工?
|
|
|
回14楼,法制上跟深圳湾果套就得,反正个基础系香港租界。
反而围住香港嘅福田、罗湖、南山都系市区,飞得去边?向南飞去万山群岛的话,同起东大屿又有几大分别?
最后,石澳球场好似系真正私人地,同粉岭场个玩法唔同。
|
|
16.
法制上跟深圳湾果套就得 |
2019-01-09 15:05 |
|
将所飞之地转晒做郊野公园, 准许土葬, 与老美签订飞地关系法而成新独立关税区, 等等, 唔知得唔得?
|
|
|
这件事应该不间单, 请看陈淑庄和陈百祥的辩论https://youtu.be/SBBy1s5W3Qc , 如果如她所讲, 香港有两个球塲就可以收回一个作为建房用, 而且要等到租约完才收回, 等球塲使用者交回土地, 等城规改变土地用途, 等生地变熟地, 等卖地建楼最少要十四, 五年. 不如要求拿啓德的体育城来建楼? 她说批地做成不公平商业竞争, 为何不要求取消所有这类的批地, 只要求收球塲? 因不需要等收地, 生地变熟地, 只要等域规, 应该7, 8年就可以. 有没有人想过为何? 她根本不是为市民往屋急! 犯民只是想杀鷄儆猴, 以后向那些以同样方式拿到平地的机构要求捐献就容易很多, 而且它们很有钱. 不捐钱的话, 你都知会发生甚么事?
|
|
|
现在犯民的老板是水果报的创办人, 他现在都缺水, 所以犯民才用这个理由去掠水. 真的为了穷人? 左丁山的意见我完全同意, 没有这个球塲, 很多公司会把总部设在新加坡, 会有很多香港人失业, 特别是高薪的职位. 我以前的老板就每个月去两次球塲, 如果没有球塲, 他可能把公司搬走.
|
|
|
大家有没有想清楚棕地的问题?政府曾试过想收回棕地, 但地主反对. 原因是棕地产生的现金流比农地多很多, 不应以农地的价被收回, 即要求以比农地价高的价钱被收回. 如果政府真的以高价收回, 大家想下有何事会发生? 请记著这个要求收回棕地的人是环保份子! 1) 如果个农地价, 当然无法收回土地 2) 如果以高价收, 全港的农地就会几天内变成棕地, 做成生态灾难, 原因是做破坏会有钱赚, 你会不做吗? 你看得清那些环保份子的嘴脸吗? 3) 棕地上的产业要搬去其它地方继续生意, 就有机会破坏其它土地, 如果关门大吉, 那些工人就会失业. 有些产业根本是这个社会必需的, 一定要收回这些地, 是对环景及社会的破坏. 4) 政府直接收农地的费用会平很多, 为何要花费更多去收棕地? 而且还会对环景及社会做成破坏. 现在你能否看清犯民及环保份子的嘴脸吗? 如果你想到其它观点, 欢迎发表
|
|
20.
自我陶醉 |
2019-01-09 19:42 |
|
17楼
虽然我都觉得粉岭个球场有保留价值,但睇咗段片,完全唔觉得阿叻有points, 收咗8个洞就影响17万从业员,更加系强词夺理,乱吹一通。
大家唔好以为香港打高尔夫嘅人好少,一到旺季,去滘西洲打波嘅人其实多到不得了,基本上系一组跟一组唔会停,而且个个都好似赶住轮公厕咁急,完全失去打高尔夫应有嘅休闲感觉。
纯粹从打波角度,滘西洲环境同球场质素,其实绝对唔比粉岭差,但若然要休闲一点倾生意或联络感情的话,就唔系嗰回事了,因此,个人认为这球场有一定的商业价值,如果粉岭收咗8个洞,使用率便会上升,可能连非繁忙时段,都变得繁忙,对休闲度有一定影响。
利申: 本人并非该球会会员,亦不是他们常客。
19楼
香港嘅不公平实在太多,丁权政策是其一,直头系对其他土生土长嘅香港人不公平,点解冇人敢做嘢? 点解囤积住屋,影响民生嘅人,年年赚大钱,都要年年免差饷? 呢啲又关唔关犯民同环保份子事?
讲到尾都系唔想得罪选民,政客自己嘅米饭班主,政治本来就是丑陋的,不管是什么党派。
|
|