转个头,又过咗足足一个月。
有朋友唔太明白,我已经写咗
一大串前言,点解唔直接入正题,反而仲要花咁多时间,去加多篇
闷到抽筋嘅解话。其实我今次返嚟,虽然只喺响个小小嘅回应箱度写下嘢,但呢个网站,始终喺网主同汤生嘅主场,返到嚟都唔打声招呼嘅,就实在太冇礼貌。
不过,两大篇招呼,我谂已经俾足哂面,再唔入正题呢,就恐怕太对唔住果
寥寥几位啦!
五个半股神记得我写《
股楼篇》果排,恒指正喺响三万点上下徘徊,唔上唔落。我叫大家
唔好开心得太早,仲举咗
李泽巨讲嘅,话外围风大浪大,藉此提点一下啲砖家,从来股市都喺首当其冲,而楼市只喺守尾门。点知唔够一个月啫,
特佬就出招,响全球都预期中美会达成协议嘅临门一脚之际,淋下一大盆冰水,
港股即日大跌 871 点,
一星期累跌千五点,而全球嘅股市呢,
就唔见咗近两万亿美元,到咗啱啱个礼拜尾,恒指终於
跌穿两万八啦!
哈哈!我喺咪好「准」呢?原来做股神,一啲都唔难。我话「
淡市写衰嘢,即喺赠庆;好市写衰嘢呢,就喺赠言」,咁嘅态度,梗喺揾唔到食。不过只要改成「淡市唱好,好市唱淡」,就即刻唔同哂啦!因为股市呢家嘢,升完总会跌,跌完亦总会升,所以「准」只喺时间问题,再加返少少 MARKETING 技俩,要充当一下股神,应该冇难度,反正有啲财演、砖演,都喺用紧呢一招,亦行之有效。当然,如果要做到数字上嘅「准」,就真喺唔容易,且要碰一碰运气;但唔紧要,只要你中一次,就可以大做文章,即刻成为股神,
皆因人,喺善忘嘅!记得当年我个
联「汇」机制,将汇丰嘅低位 SET 响 50,结果跑出咗 44.5,睇嚟,我距离股神之名,都仲差五个半!
讲开股市,我话股票呢家嘢,
我从来唔 BUY,而响呢个网站,我亦曾多次提过,自己从来
唔玩股票。不过我想澄清一下,唔 BUY,同唔买,虽然字面解释一样,但实际上喺两回事。当日我写过
联「汇」机制之后,就俾一个朋友寸,话我公开讲 50 蚊喺底,搞到佢入咗货喎!真喺唔知佢讲真定喺讲假,总之我为咗舒一舒佢道气,就买咗一手咁多汇丰。不过,呢件都只喺小事,后嚟我亦有买过股票,当然唔只喺一手呢啲 SIZE,唔好问我赢咗定喺输咗,因为呢个喺商业决定。我嘅投资,
喺一盘生意,做生意讲嘅,
喺赚钱,唔喺赢钱。
2018 投资成绩表其实我呢盘生意,自
三个十倍之后多年,经历一系列进化,当中亦涉及唔少关键嘅商业决定,先至发展到今时今日嘅规模。我无意响呢度晒嘢,所以有关数字上嘅,我唔透露啦!总之我嘅资产,仍然喺以债券及有关债券类别嘅高息金融项目为主。话说 2018 年,响中美贸易战打得火红火绿嘅环境之下,香港除咗砖头以外,任何资产持货,都喺必然蚀价,无一幸免。但如果你问我 2018 年个业绩,我可以答你,喺赚钱。咁赚几多?两个字「可观」!有几可观?哈哈!唔好意思,我唔喺果种为咗要威威,就随便
泄露自己私隐嘅唔知乜演。不过我可以俾啲 FIGURES 大家参考一下,话说金管局操嘅外汇基金,
去年(即喺 2018 年)少赚 94%,当中只有债券赚钱,其他全蚀,而债券赚果
574 亿呢,仲高过
2017 旺市果年,外汇基金债券部分嘅
343 亿喎!咁我呢条债船,就算冇九分钉,最保守计都有五、六分嘛?
至於点解债券响淡市会赚到钱,如果你问啲
传统主流经济学嘅信徒,佢地又梗会抛埋啲
RULES OF THUMB 出嚟,话乜嘢「避险」啦!不过作为一个前线债券投资者,我可以好肯定咁答你,完全唔喺果回事。呢啲所谓「避险」资金流,主要出入於投资级别嘅低息债。2018 年个市场咁波动,呢啲资金流向,喺好难触摸,睇得咁准嘅,就倒不如走去炒股,都好过同呢啲资金流玩捉迷藏。尤其我呢种长期 KEEP 住高杠杆嘅长线投资者,玩埋哂啲蚀息之余,仲咁高风险嘅投机操作,简直同自杀冇分别。
2018 债市回顾记得我曾经话过,我呢盘生意,之所以赚到钱,喺基於对自己
市场角色嘅充分了解同体现。纵使经历咗
一系列进化,
低息港币融资,投放高增长市场,仍然喺我今日投资嘅基础,而我嘅持货,都仲喺以高息内企债及相关嘅金融项目为主。其实 2018 年,内企债市,尤其喺内房,经历咗一段都几艰难嘅时期;年头就已经有消息话,内房年内将步入
还债高峰期,而内地嘅
金融去杠杆政策,又导致多间内房响内地嘅发债,
遭到中止。新债发唔成,旧债又到期,自然就引发
债务违约嘅危机,再加上中美贸易战,打得火热,真喺可谓四面楚歌。
当时我地的确就自己投资嘅调整策略,作过审慎嘅评估,因为内企以新债盖旧债,似乎有违我地借钱俾人发展,
而唔喺攞嚟烧呢个大原则。我地必须搞清楚,自己嘅市场角色,
有冇变得模糊,否则势必面临无法承受嘅风险。不过,我地最后都一致认为,呢个喺机会,因为
内地违约潮涉及嘅,都喺一众无法境外融资,或实力较弱嘅地方企业,但就拖累到其他有境外融资能力嘅龙头内房债价,大幅下跌。呢个明显喺市场错判,而呢个错判,就令到新发嘅美元债,
趋向高票息、短年期。就睇恒大,
旧年年底发 18 亿美元债,平均票息 12.6 厘,但自己就食返 10 亿,即喺实质成本,可以低至 5.74 厘,呢招低成本顶烂市,啲行家真喺多得佢唔少。
一个诚字讲开又讲,上年六月中,就有个冇乜联络嘅点头之友,突然 WHATSAPP 我,一开波就问功课,仲话七、八月会请我食饭添。其实我呢份人,一向好 NICE,你唔使话乜请食饭,我都会乐意回答你,不过你既然要咁讲,我当然唔介意开著个 COUNTDOWN,睇清楚你嘅为人。佢问有乜嘢高息债可以介绍,我就提到一啲龙头内房债,价格回落到吸引水平,不过我亦提醒佢,杠杆要留 MARGIN,皆因银行有机会收杠杆,而中美贸易战亦会令到价格波动,要熬得住短期可能发生嘅问题至得。跟著六月底,佢又 WHATSAPP 我,话入咗我有提过嘅龙头内房债,就「马上跌两三蚊庆祝」,仲问我,最近有乜嘢因素主宰债价。坦白讲,我真喺有啲唔高兴,我喺话可以捞抵,唔喺捞「底」!不过我仍然好有礼貌咁,再一次重申,LV 要保守,因为呢期债价唔会有运行,平货可以入,但要守得住跌嘅风险。
到咗七月底,我又收到佢 WHATSAPP,话佢有啲「friend」,买咗两只唔知乜地方债,跌咗两成,问我可唔可以继续持有喎!呢次我简直喺把几火,叫你买受内地违约潮影响到市场错价嘅龙头内房债,你啲「friend」(唔知喺咪你自己)竟然唔知做乜贪平撞入去个风眼度,搞埋啲开紧违约 PARTY 嘅地方债!仲好意思问我,可唔可以继续持有?结果我隔咗成半日至覆佢,我话,早排要捞抵嘅,有好多选择,唔使拣到呢类嘢啦!跟住佢就潜咗水,不过老老实实,就算佢再蒲头,都唔使旨意我会再睬佢,反正佢有冇将啲错价疑似垃圾,换咗做真垃圾,我又冇兴趣知。总之旧年年底,啲龙头内房债已经升返哂,守得住嘅,可谓赚息兼赚价。
其实我对朋友,
都算喺咁,要求亦唔算高,甚至可以话冇乜要求,而我惟一重视嘅,就喺一个「诚」字。不过唔好误会,人皆有私隐,我唔喺要你诚实;我指嘅喺「诚意」,因为我都喺以诚待人。正如你有嘢想问,我只会视之为分享,唔好讲乜请教,大家都喺对等,但如果你响我面前玩嘢,我喺会睇得出。例如我提债,你就话自己买咗好多债;我提杠杆,你就吹嘘自己啲杠杆,都唔知攞得几尽;未入正题,就赞自己好眼光,
睇中咗只唔知乜股。我唔介意你抛,但既然你吹到自己咁劲,咁我就真喺冇嘢可以帮到你。不过要强调嘅,喺如果你未试过,连续两年或以上,同时持有过百张廿万美元为单位嘅债券,就最好唔好响我面前,话自己买咗好多债;又如果你未试过,连续两年或以上,维持著超过八成嘅 LV,亦最好唔好响我面前,吹嘘自己杠杆攞得几尽。
肥叔变帅哥唔好误会,我冇话以上所讲嘅,喺代表我有几多持货,或者几高杠杆,
呢啲嘢我唔会透露。我只喺想讲,要我觉你劲呢,以上就喺最基本嘅水平。咦?咁 1.5 亿买汇丰又点?上次我话,
呢啲叫做 SCALE,真喺唔好意思,呢句只喺客套说话。吓?客套说话?哈哈!YES!都话头两篇,
喺用嚟打声招呼罗!莫讲话 1.5 亿买汇丰,唔算得喺乜嘢 SCALE,就算 15 亿买汇丰,都唔算喺 SCALE,只能够叫做 SIZE。SIZE 同 SCALE,听落去,好似冇乜唔同,但响实质意义上,就喺天地之别!
SIZE,即喺得个大字。一个阿叔炒股、一个大叔炒股、一个大大叔炒股、同一个肥叔炒股,都喺炒股,有乜嘢分别?你买一只股票,谂住财息兼收,点知到依家都仲未返家乡,如果喺果种「
命格」嘅,早就忍唔住「止蚀」沽咗佢。不过,话说
果对年轻夫妇,喺要靠啲
股息交租喎!即喺话,沽咗就一定要换货,咁换啲乜嘢呢?吓?又喺股票?个贸易战咁难估,
临门一脚都可以挞 Q,容乜易换下换下,个本金 SIZE,越换越细,赚唔够租金,住嘅 SIZE,仲越租越细,到时搞到万劫不复,就真喺大大镬啦!其实,要破呢种「命格」,一啲都唔难,换返件砖头咪得罗!我唔喺讲笑,当年我都喺用「
成仙」嚟形容果啲肯
面对现实,悬崖勒马,重新置业嘅人。「命格」一破,成个人即刻醒神哂,连说话、态度、立场,甚至喺样貌,都可以逆转,就好似 IQ 博士变身咁,
肥叔,都可以变帅哥!
写到呢度,我又要发一发声明,因为话说汤生最近,
以近亿首置买豪宅。我唔想俾人误会,以为我唔知影射边个,所以要郑重声明,
上两段只喺为咗解释乜嘢喺 SIZE,而作出嘅一啲比喻同假想,完全唔喺事实,亦完全冇影射成分。况且,以汤生嘅 SIZE,亿亿声攞出嚟,根本就冇难度,使鬼蚀水沽货咩!
SCALE(规模)断亿咁买入、沽出大蓝筹,FP 买豪宅,呢啲东东,都只能够叫做 SIZE,得个大字,对市场基本上冇乜影响,做与唔做,都喺好个人化。不过你可能会问,1.5 亿唔够,咁 15 亿呢?呢个 SIZE,仲大过汇丰一日嘅成交金额喎,莫讲话影响市场,直头可以操控股价啦!咁点解我上面仲话,
15 亿买汇丰,都唔算喺 SCALE?原因好简单,你用一个巨 SIZE,去达至一个相同,甚至更细 SIZE 嘅影响,而所谓嘅影响,又只喺昙花一现,咁算乜嘢 SCALE?至於点先至算喺 SCALE,我可以举一个例子,你攞十万出嚟,去 RUN 一盘一百万嘅实业生意,呢个就喺 SCALE。
车!讲到尾,咪即喺杠杆!非也!如果杠杆就喺 SCALE,咁你用十倍杠杆抽新股,岂不是咪又喺 SCALE?单纯嘅杠杆,只喺将个 SIZE,依既定嘅比例放大,但对事物嘅各方面影响,就唔一定会依相同嘅比例放大。真正嘅 SCALE,喺基於你嘅原始能力同付出,通过造成对事物各方面嘅相对影响嚟衡量嘅。所谓各方面,唔单喺讲钱,而喺包括一切有形及无形嘅影响,所指嘅,亦唔单喺呢啲影响本身,更涵盖埋佢地嘅广泛性、连锁性、深层性、深远性等。
喺唔喺好难明?我举一个极端例子,美国总统,毫无疑问,喺操控著一个庞大嘅 SCALE,而呢个 SCALE,唔止喺讲钱、GDP,或者喺经济体之类。一个短线投机者,登上咗美国总统嘅宝座,喺会带嚟灾难。就睇特佬,2017 年宣布,
承认耶路撒冷为以色列首都,佢嘅原始付出,都只喺弹指之间,但至今造成咗几多生灵涂炭?又正如你攞十万出嚟,去 RUN 一盘一百万嘅实业生意,相比你金钱嘅付出,你个 SIZE 乘大咗十倍,变成一百万,但你个 SCALE,又何止呢一百万?你喺影响紧你一众雇员嘅生计同前途,你嘅客户、供应商、合作伙伴、融资伙伴,以及相关嘅大小企业,呢一切,成就咗你个 SCALE,喺广泛性、连锁性、深层性、深远性。
对你自己个 SIZE,你可以唔使负责,
就好似亿几买汇丰,蚀几千万,大不了咪沽咗佢罗!使鬼负责咩?但对於你嘅 SCALE,就唔可以唔负责,所以点解我话,创业唔难,守业唔难,
停业,先至喺最难,而好多生意人,到最后都喺过唔到呢一关。记得多年前,我曾经响度分享过,
一个海外客嘅故事,个客俾你三成订金,你就走去订料、做货,交货后佢找埋果七成俾你。我用果三成订金做货,当然唔够,即喺要靠啲下游供应商放数俾我,以及同银行融资。我放数俾个客,个客又唔知放数俾边个,啲供应商放数俾我,而佢地又有自己嘅下游供应商,放数俾佢地,而大家又有自己嘅长期或短期嘅融资渠道,例如银行或者财仔。呢条产业炼个 SCALE,对比於当中涉及嘅每个单位,各自嘅
原始能力同付出,都唔知倍大咗几多。之后,个数期越拖越长,由交货后即找,到交货后 30 日、45 日、甚至 90 日至埋单,而换嚟嘅,就喺更大同更频密嘅订货量。个 SCALE 做到咁大,要刹停佢,唔使蚀钱之余,仲要对得住条产业炼当中嘅每个单位,我用「
巧妙」一词,讲就轻松,实质上有几艰难,压力几大,真喺非笔墨可以形容。
SHIELD(盾)讲返 2018 年,我话内地嘅债市,
可谓四面楚歌,而我嘅金融资产组合,就正正喺以内企债及相关嘅高息金融项目为主,加上我嘅杠杆比例,近年都喺连续维持响极高,MARGIN 近乎零嘅水平。我谂大家唔使点计都知,理论上,我喺应该搞到损手烂脚,但点解我话,仲有「
可观」嘅利润?如果你问啲
传统主流经济学嘅信徒,佢地只会谂到一个答案:高沽、低入罗!
冇错,高沽、低入,彷佛喺 MARGIN 近乎零嘅杠杆投资者,响大跌小升嘅环境之下,赚到钱嘅惟一可能,但对我而言,情况当然唔喺咁简单。因为我嘅投资,喺一盘生意,发展到
今时今日嘅 SCALE,我嘅一举一动,除咗影响自己嘅利益之外,仲会影响到好多人。再者,我有水晶球嘅话,倒不如走去做「
股神」好过啦!
记得我曾经多次提过,
我喺以现金流抗风险,纵使经历一系列进化,时至今日,呢个仍然喺我
投资嘅重要基础,只喺形式略有不同。2015 年,我将一部分现金流,
以非杠杆模式购入资产,将借贷比率,大幅下降至安全水平;但到咗 2017 年,金融市场大旺,我加大増持资产嘅力度,令借贷比率又重回极高水平,不过同时我亦通过调整现金流以及资产扩张嘅比例同模式,建立咗一个我地称之为「盾」(SHIELD)嘅防御机制。
所谓,养兵千日,用在一时,2018 年中,呢个防御机制,正式启动,我将投资利润锁定响预期嘅水平,同时平衡咗各方利益。踏入 2019 年,内地债市开始回复,而我就只喺用咗一季嘅时间,就将现金流提升返到甚至超越我全盛时期嘅水平。对於呢个「盾」(SHIELD)嘅防御机制,基於商业机密,我就只能够透露咁多。
真正嘅投资记得响呢个网站,我曾经就投资嘅定义,同网友
讨论咗成半年,之后又
俾人屈转軚。其实,如果你对投资嘅理解,脱离唔到低入高沽呢个模式,而对於投资物嘅判定,又超越唔到金钱、货币嘅局限,咁我就算再同你讨论多十年八载,都冇可能令到你明白,乜嘢先至喺真正嘅投资。
《
真正嘅投资,喺增持有值之物,同沽走即将丧失值之物。而最重要,就喺持有果一段时间内,必须充分行使投资物嘅值,以带嚟最大嘅利益》
所谓,有值之物、即将丧失值之物,唔一定同钱有关,而喺包括人世间上,一切有形及无形之物,所以「值」所代表嘅,亦唔一定只喺讲钱。投资物嘅值,喺包含一切可以衍生利益嘅作用同功能,咁即喺话,「入」同「沽」呢两个动作,只不过喺对投资物嘅值,作出嘅第一个同最后一个「行使」。呢两个动作之间,即喺「持有」果一段时间内,其他一系列对「值」嘅「行使」,反而先至喺投资行为嘅最重要部分,以及为投资者带嚟最大嘅利益。至於所谓「利益」,自然亦唔单止喺钱,而喺涵盖一切有形及无形嘅利益。
回望自己嘅辛路历程,基层出身,为咗理想,
自学写程式,进身
电子工程界,受雇高科技企业,到 2000 年创业,
打过官司,2009 年结业,之后通过砖头融资,
建立一盘投资生意,再发展到今日个 SCALE,当中涉及咗几多投资行为?就连我自学写程式,都可以话喺一项投资,为我带嚟,
响猛车边嘅 A LEVEL 成绩之下,进身理想专业嘅机会,呢个就喺无形嘅「利益」。增持自己嘅技能、行使自己嘅技能,回报咗除金钱以外,学业、事业、专业地位,以及发展自己独有嘅性格、理念、社交群,呢一切回报,又成为新嘅投资物,继续增持、行使。而当自己嘅技能、生意,「即将丧失值」之际,就只能无奈沽走,再将过往储备咗嘅,有形及无形嘅回报,包括资产、经验、理念、伙伴、融资联系等,再投放一盘新嘅生意。谂返转头,如果当年我冇自学写程式,真喺未必会有今时今日。
投资真喺好忙近两个月前,我同朋友会面,当中有人问我,做投资应该好闲,点解我会话自己好忙?唔喺讲笑,我真喺好忙,试问有边个生意人会好闲?有边个生意人,唔使日日为自己盘生意跑山?少几分认真嘅,又点会有咁嘅先机,去造就个「
盾」出嚟?而「
盾」嘅建立,亦唔喺一朝一夕,就算有咗个「
盾」,都要适时作出关键同火速嘅决策啦!今年第一季,市场回复,我真喺几乎日日都买嘢。如果有人同你讲,佢嘅杠杆比率喺七成,而佢嘅总资产,只要升一个价位,即喺 0.1%,就可以买一张可杠五成嘅美元债,咁佢嘅总资产,就喺廿万美元乘 0.5 除 0.7 再除 0.001,即喺 1.4 亿美元,或者 11 亿港元,而净资产呢,就喺 11 亿乘 0.3 即喺 3.3 亿。
都喺果句,呢啲纯粹喺数字例子,对我本身个 SCALE,绝对冇什何暗示或明示嘅成分,只喺你响我面前,最好唔好乱吹,因为我喺识计数。其实我想讲嘅,喺如果你只识得买件货返嚟,摆响度就有息收,升到咁上下就沽咗佢,咁你梗喺可以好闲啦!但倘若你能够充分用尽你所持投资物当中,有形及无形嘅值,通过行使、回报、增持,循环不息,咁你拥有嘅一系列有形及无形嘅投资物,就会形成一个相互紧扣嘅
产业炼,呢个就喺你嘅 SCALE,而你亦须要为你个 SCALE 负责。所以点解我话,我嘅一举一动,除咗影响自己嘅利益之外,
仲会影响到好多人。
随著市场、政策跟著时势进化,你嘅 SCALE 亦须要与时并进。记得多年前,我同朋友
分享过自己嘅操作,当时就有人话,唔会将所有鸡蛋,放埋响同一个篮度喎!唉!试问有边盘生意,唔喺将所有鸡蛋,放哂入同一个篮度?有边个生意人,唔喺瞓身自己所属嘅行业?有几多个,可以做到综合企业?你要做大个 SCALE,就唔可以介意将所有鸡蛋,放埋响同一个篮度,同对你呢个篮,即喺你个 SCALE 负责。所以今日你同我讲,攞件砖头押俾银行,融出嚟嘅资金,已经唔可以再杠杆,我都只能够话,冇把握机会嘅,
就唔好慨叹时不与你。
金融扭曲第三波砖头融资唔可以再杠杆,喺继 2015 年头嘅「
金融扭曲第三波」之后,金管局一系列金融体系监管同优化政策嘅其中一项。「金融扭曲第三波」喺金管局针对企业、物业、以及金融三者之间嘅连锁关系,推出嘅第一项措施,而呢啲连锁关系,就正正喺金融风暴嘅催化因素,有几关键,可想而知。所以点解响《
股楼篇》嘅最后,我话如果唔喺多得金管局,真正嘅金融风暴,早就已经嚟咗至少两次。第一次,喺 2015 后半年嘅
中港股市大跌,而第二次呢,就喺 2018 年中美贸易战嘅开打。倘若金管局,唔喺有效咁切断咗企业、物业、金融呢三者之间嘅连锁关系嘅话,咁究竟有几大镬,就真喺唔使多讲。
所以呢,如果好似《
缘结.天玑》文中咁讲,金融扭曲第三波,真喺由我
当年嘅警告,触发出嚟嘅话,咁令到香港幸免於两次真正金融风暴嘅,原来我都有份喎!哈哈!我喺咪好威威?真喺有啲飘飘然,彷佛已经成为咗 AVENGERS 嘅一份子啦!真喺唔好意思,讲下
SHIELD,又讲下 AVENGERS,开始有啲语无伦次添。
不过讲真,有时候,真喺有必要自大一下。如果你唔了解,自己嘅某啲行为,个 SCALE 究竟可以有几大,咁就最好谨慎啲。话说有网友,
想我写贸易战,结果我考虑咗成年都未开笔。记得年几前,响某 WHATSAPP 群内,我同朋友讲,话自己唔会出可以引发核弹嘅文章,但当然,是否核弹,亦只不过喺一个机率问题。大家要了解贸易战,坊间嘅社评,可谓多如繁星,问题喺你究竟 BUY 边一套啫。
中美嘅矛盾、核弹嘅文章其实好多时候,我地纵使冇水晶球,都唔代表完全冇办法,去拟定自己嘅长期投资方向。早於 2015 年底,我已经就《
真正嘅第十个人》嘅揭盅,达至咗一个
非常重要嘅结论,就喺美国加息,即喺代表呢位全球一哥,响环球金融嘅舞台上,
已经丧失咗领导地位。虽然我冇去预测,美国对呢个转捩点,会作出啲乜嘢具体反应,但呢项新嘅「
现在嘅基础因素」,已经足以令我之后,无论见到边位生意朋友,都会不忘问一问佢,有冇同美国有生意来往,有嘅话,就要小心啲。直到特佬上咗场,我又再一次作出警告,仲叫大家真喺要
DIVERSIFY 下啲生意添。而跟手爆发嘅
中兴事件,简直等同向大家发出咗最后通牒,再唔醒觉嘅,将来发生乜嘢事,就唔好怪我冇预先通知。
总之,对中国人而言,任何同美国,以及美国盟友有关系嘅投资、生意,甚至喺交流,都已经变成极高风险,虽然都几无奈,但呢个喺事实。
中美贸易战,只喺冰山一角,长期嘅中美矛盾,先至喺主菜。不过响我眼中,其实好简单,三亿几冇乜进步空间嘅人口,对比近十四亿大把进步空间嘅人口,胜负早已分,不过整个过程,将会好痛苦,亦会持续好多年,而个世界就会趋向两极化,全球嘅人民都会受到伤害。
香港喺中国嘅一个城市,所以唔好以为我地可以置身事外,或者从中取利。整个画面,其实唔太复杂,一个
中兴事件,已经可以睇穿哂,包括我提过嘅「
核弹」部分。我会再评估一下,喺咪适当时候,响下一篇发表呢个「
核弹」部分。可能会有朋友觉得,我嘅疑虑喺多余,甚至认为我自大。都喺果句啦,只不过喺一个
机率问题,真喺自大嘅,一年前就已经写咗。对於一个,
自己唔了解嘅 SCALE,谨慎,反而先至喺谦卑同负责任。
十条命都唔够死同样地,作为投资者,对自己嘅 SCALE,
喺要负责。仲记唔记得《
市场嘅角色》一文最后,我问各位有冇深思过,自己嘅事业、生意、投资,担当紧乜嘢角色?对社会,对市场,有乜嘢贡献?责任同贡献,喺相辅相成,你个 SCALE 越大,牵连越大,责任就越大,而贡献亦会越大。
对你嘅 SCALE 唔负责,莫讲话你自己,十条命都唔够死,你会累死嘅,更何止十条命!
(
待续 ...)